स्मार्ट सिटी होण्यासाठी आता नागरिकही अनेक स्मार्ट प्रस्ताव विविध माध्यमांतून पुढे ठेवत आहे. महिलांच्या सक्षम‌िकरणासाठी जयपूर पॅटर्नचा प्रस्ताव एका संस्थेच्या अध्यक्षांनी दिला व त्याला आपल्या पत्राची जोड देत आमदार जयवंत जाधव यांनी परिवहन आयुक्तांकडे पाठवला आहे. या प्रस्तावात महिलांच्या सक्षम‌िकरणासाठी नाशिकमध्ये जयपूर पॅटर्नच्या ब्ल्यू लाइन रिक्षा असाव्या अशी मागणी करण्यात आली आहे.
क्रांतिज्योती सावित्रीबाई सामाजिक सेवाभावी संस्थेच्या अध्यक्षा ज्योती सुरसे यांनी हे निवेदन दिले आहे. त्यावर अवलोकन व्हावे असेही आमदार जाधव यांनी म्हटले आहे. सुरसे यांनी निवदेनात म्हटले आहे की, स्मार्ट सिटी योजनेतंर्गत या ब्ल्यू लाइन रिक्षा चालविण्याची महिलांना परवानगी दिली तर त्याचा फायदा महिला सक्षम‌िकरणासाठी होईल. या रिक्षा महिला चालकांमार्फत चालवल्या जातील. शासनाने यासाठी महिलांना विशेष प्रशिक्षण देवून रिक्षा परमिट द्यावेत.
या महिलांना महिला आर्थिक विकास महामंडळ अथवा शासनाच्या इतर महामंडळामार्फत रिक्षा घेण्यासाठी वित्त सहाय्य उपलब्ध करून द्यावे. सदर संस्था शासनाच्या योजनांमार्फत महिलांना चालकांचे प्रशिक्षण देण्यास तयार असून महिलांना कॉल सेंटर मार्फत व्यवसाय उपलब्ध करून दिला जाणार असल्याचेही म्हटले आहे. शहरात अशा रिक्षा सुरू झाल्यातर महिलांना रोजगार उपलब्ध होणार असून, इतर महिलांची सुरक्षाही होणार असल्याचे पत्रकात म्हटले आहे.
मोबाइल अॅप डाउनलोड करा आणि राहा अपडेट
