म. टा. प्रतिनिधी, सातपूर
नाशिक जिल्ह्यातील औद्योगिक कामगारांसाठी केंद्रीय कामगार मंत्रालयाने कामगार विमा रुग्णालयाची उभारणी केली आहे. असलेल्या कामगार रुग्णालयांमध्ये क्षमता वाढवा, अशी मागणी खासदार हेमंत गोडसे यांनी केंद्रीय कामगार मंत्री बंडारू दत्तात्रय यांच्याकडे निवेदनाद्वारे केली आहे. तसेच मेडिकल कॉलेजही सुरू करण्यात यावे, अशीही मागणी खासदार गोडसे यांनी केली.
नाशिक जिल्ह्यात असलेल्या १ कोटी २५ लाख कामगारांसाठी असलेल्या कामगार विमा रुग्णालयात आजही सुविधा मिळत नाहीत. असे असतांना दुसरीकडे खासदार गोडसे यांनी मात्र रुग्णालयात क्षमता वाढविण्याबाबत केंद्रीय कामगार मंत्री बंडारू यांच्याकडे मागणी केली आहे. सद्यस्थितीच अत्यंत दयनीय अवस्था कामगार विमा रुग्णालयाची आहे. वेळेवर उपचार मिळत नसल्याचे सातत्याने कामगार समस्या मांडत असतात. परंतु याकडे कु्णीही लक्ष घालत नसल्याने खासगी रुग्णालयात अनेकांना उपचार घेण्याची वेळ येते.
वेळेवर उपचार मिळत नाही
रुग्णालयात सर्व सुविधा आहेत, परंतु त्या बंद अवस्थेतच पहायला मिळतात. काही वर्षांपासून खासगी रुग्णालयांशी कामगार विमा रुग्णालयाने टाइप केले आहेत. परंतु खासगी रुग्णालयात वेळेवर कामगारांच्या उपचारासाठी पाहिजे ती मदत कामगार रुग्णालयाकडून मिळत नसल्याचा आरोप नेहमीच कामगारांकडून होतो. यासाठी खासदार गोडसे यांनी कामगार रुग्णालयात अगोदर सुधारणा कराव्यात व त्यानंतर रुग्णालयाची क्षमता व मेडिकल कॉलेजची मागणी करावीे.
मोबाइल अॅप डाउनलोड करा आणि राहा अपडेट
