भारतीय सैन्यदल, नौदल व वायुदलात अधिकारी होण्यासाठी पात्र उमेदवारांसाठी दहा दिवसीय एसएसबी प्रशिक्षण वर्गाचे आयोजन करण्यात आले आहे. या प्रशिक्षण वर्गाचा कालावधी २३ जून ते २ जुलै असा असून छात्रपूर्व प्रशिक्षण केंद्र, नाशिकरोड, नाशिक येथे प्रशिक्षण दिले जाणार आहे. यासाठी इच्छूक व पात्र उमेदवारांना प्रशिक्षण वर्गात प्रवेश देण्यासाठी २१ जून रोजी निवड चाचणी होणार आहे.
या प्रशिक्षण वर्गात सैन्य दलातील तज्ज्ञ अधिकाऱ्यांकडून प्रशिक्षण मिळणार आहे. कंबाइन्ड डिफेन्स सर्व्हिसेस या परीक्षेत उत्तीर्ण झालेल्या व स्पेशल एंट्रीद्वारे सैन्यदलात अधिकारी होऊ इच्छिणाऱ्या तसेच ज्या महाराष्ट्रीयन तरुणतरुणींना सशस्त्र सैन्यदलाकडून एसएसबी परीक्षेची मुलाखतपत्रे मिळण्याची शाश्वती आहे, अशा उमेदवारांसाठी सर्व्हिसेस सिलेक्शन बोर्ड मुलाखतीच्या पूर्व तयारीसाठी हा मोफत प्रशिक्षण वर्ग चालविण्यात येणार आहे. या प्रशिक्षणात निवास व भोजनाची सोय विनामूल्य आहे.
इच्छुक व पात्र उमेदवारांनी प्रशिक्षण वर्ग प्रवेश चाचणीसाठी २१ जून रोजी सकाळी १०.३० वाजता छात्रपूर्व प्रशिक्षण केंद्र, विभागीय आयुक्त कार्यालय परिसर, नाशिकरोड येथे शैक्षणिक प्रमाणपत्र व गुणपत्रिकेच्या मूळप्रतींसह मुलाखतीस हजर राहायचे आहे. याविषयी अधिक माहितीसाठी ०२५३-२४५१०३१ व २४५१०३२ या क्रमांकावर सकाळी १० ते संध्याकाळी ५.३० या क्रमांकावर संपर्क साधण्याचे आवाहन करण्यात आले आहे. एसएसबी प्रवेश वर्गासाठी खालीलप्रमाणे कोणतीही एक पात्रता आवश्यक आहे व यासंबंधीचे पात्रता प्रमाणपत्र कोर्सला येताना सोबत आणणे आवश्यक आहे.
आवश्यक कागदपत्रे
कंबाइन्ड डिफेन्स सर्विसेस एक्झामिनेशन (UPSC) अथवा नॅशनल डिफेन्स अॅकॅडमी एक्झामिनेशन (UPSC) पास झालेली असावी व त्यासाठी सर्विसेस सिलेक्शन बोर्ड मुलाखतीसाठी पात्र झालेले असावे.
एनसीसी (सी) सर्टिफिकेट अे/बी ग्रेडमध्ये पास झालेले असावे व एनसीसी ग्रुप हेडक्वॉर्टरने एसएसबीसाठी शिफारस केलेली असावी.
टेक्निकल ग्रॅज्युएट कोर्ससाठी एसएसबी मुलाखतीसाठी कॉल लेटर असावे.
युनिव्हर्सिटी एन्ट्री स्किमसाठी एसएसबी कॉल लेटर आलेले असावे अथवा एसएसबीसाठी शिफारस केलेल्या यादीत नाव असावे.
मोबाइल अॅप डाउनलोड करा आणि राहा अपडेट
