म. टा. प्रतिनिधी, जुने नाशिक
डेंग्यूची लागण झाली आहे किंवा नाही याचे तत्काळ निदान होण्यासाठी आता बाजारात स्वस्त असलेले डेंग्यू डे वन टेस्ट किट आले आहे. सुमारे अडीचशे किट महापालिकेने खरेदी केले असून या किटद्वारे रक्ततपासणी करण्यास जुने नाशिक येथील महापालिकेच्या डॉ. झाकीर हुसेन रुग्णालयात नगरसेविका रंजना पवार व वैद्यकीय अधीक्षक डॉ. राजेंद्र भंडारी यांच्या हस्ते झाले.
डेंग्यू निदान संदर्भातील रक्त चाचण्या या खार्चिक आह. या चाचण्या करणे आर्थिक कारणामुळे नेहमीच शक्य होत नाही. डेंग्यूचे तत्काल निदान न झाल्यामुळे अनेकांवर विलंबाने उपचार सुरू होतो. यात काही जणांना जीवही गमवावा लागतो. असा परीस्थित तत्काळ निदान करून देणारे डेंग्यू डे वन टेस्ट किट सर्वसामान्य रुग्णांसाठी वरदानच ठरू शकणार आहेत. या किटमुळे डेंग्यू निदानासाठी आवश्यक असलेल्या एनएसआय व अँटीजेन बॉडी डिटेक्शन या दोन चाचण्यांचा अहवाल अवघे पाच मिनिटात होऊ शकतात.
डेंग्यूचे रक्त तपासणी चाचण्यासाठी रक्ताचे नमुने या पुणे येथील प्रयोगशाळेत पाठविले जातात. तेथून चाचण्यांचा अहवाल प्राप्त व्हायला विलंब होतो. या दीर्घ प्रक्रियेमुळे बराचसा वेळ वाया जातो. परिणामी डेंग्यूच्या रुग्णावर विलंबाने उपचार सुरू होतात. असा विलंब प्रसंगी रुग्णांच्या जीवावर बेतल्याच्याही घटना घडल्या आहेत. अशा परिस्थितीत डेंग्यूचे तत्काळ निदान करण्यासाठी या किटची मदत होऊ शकणार आहे.
मोबाइल अॅप डाउनलोड करा आणि राहा अपडेट