म. टा. प्रतिनिधी, नाशिकरोड
नाशिकरोड येथील रेल्वे ट्रॅक्शन कारखान्याचे विस्तारीकरण करण्याची महत्त्वपूर्ण घोषणा मध्य रेल्वेचे महाव्यवस्थापक एस. के. सूद यांनी बुधवारी केली. वार्षिक अंदाजपत्रकातही भरीव वाढ करण्याचे आश्वासन त्यांनी दिले आहे. येथील गुणवत्तापूर्ण कामावर खूष होऊन त्यांनी एक लाखाचे बक्षिसही जाहीर केले.
१९८१ साली स्थापन झालेल्या रेल्वे ट्रॅक्शन कारखान्यातील थ्री फेज, वाईंडिंग, स्टेटर आदी विभागांची पाहणी सूद यांनी केली. नंतर झालेल्या बैठकीत त्यांनी वरील घोषणा केली. खासदार हेमंत गोडसे, भुसावळ मंडल रेल्वे प्रबंधक एस. के. गुप्ता, मध्य रेल्वेचे मुख्य विद्युत अभियंता अग्रवाल, के. एस. कृष्णकुमार, महेश चंद्रा, ए. के. सिन्हा, मनोज महाजन आदी उच्च अधिकारी उपस्थित होते. कारखान्याचे मुख्य व्यवस्थापक संजय वाघमारे यांनी कारखान्यापुढील समस्या आणि उद्दिष्टे यांच्या माहितीचे सादरीकरण केले. खासदार गोडसे यांनी कारखान्यात सर्व पायाभूत सुविधा असल्याने प्रकल्प विस्तार करावा अशी मागणी केली. त्याला सकारात्मक प्रतिसाद देत सूद यांनी प्रकल्प विस्ताराची घोषणा केली.
सूर्यवंशींची कार्यतत्परता
शुभलक्ष्मी कुलकर्णी या मुख्याध्यापिकेने उपाध्यक्ष वैशंपायन यांची उपसंचालक सूर्यवंशी यांच्याकडे १७ मार्चला लेखी तक्रार केली. त्याची सूर्यवंशी यांनी तत्काळ दखल घेत पोस्टाने नाही तर थेट कर्मचाऱ्यास पाठवून लेखी खुलासा मागविला. वैशंपायन यांनी २० मार्चला उपसंचालकांकडे लेखी खुलासा पाठवितानाच कुलकर्णी यांना दिलेल्या नोटिशीची प्रतही जोडली. मात्र, सूर्यवंशी यांनी २३ मार्चला वैशंपायन यांना पत्र देवून तुमच्यावरील तक्रारींमध्ये तथ्य असून, तसे सिद्ध होत असल्याचे सांगत खुलासा पाठविण्याचे सूचित केले आहे. कुठलाही पुरावा नसताना आरोप सिद्ध कसे झाले, आणि खुलासा दिल्यानंतरही तो पुन्हा पाठविण्याची मागणी का करण्यात येत आहे, असा प्रश्न वैशंपायन यांनी विचारला आहे.
खासदारांच्या मागण्या
खासदार हेमंत गोडसे म्हणाले, की चाकरमान्यांच्या पंचवटी गाडीला दररोज विलंब होत असल्याने त्यांना लेट मार्क मिळून आर्थिक फटका बसत आहे. हा विलंब टाळावा. राज्यराणी एक्सप्रेस कुर्ल्याला थांबत असल्याने प्रवाशांना मनस्ताप होतो. ही गाडी छत्रपती शिवाजी टर्मिनन्सपर्यंत न्यावी. नाशिकरोड, ओढा रेल्वे स्थानकात कुंभमेळ्याची सुरू असलेली कामे वेळेत पूर्ण करावी.
मोबाइल अॅप डाउनलोड करा आणि राहा अपडेट