अध्यक्षपदासाठी आव्हाड-थोरेंमध्ये लढत
म. टा. प्रतिनिधी, नाशिक
व्ही. एन. नाईक शिक्षण संस्थेच्या निवडणुकीत अर्ज माघारीच्या अंतिम दिवशी लढतींचे चित्र स्पष्ट झाले. अध्यक्षपदासाठी कोंडाजी आव्हाड व पंढरीनाथ थोरे यांच्यात तर सरचिटणीसपदासाठी हेमंत धात्रक व अभिजीत दिघोळे यांच्यात थेट लढत होणार आहे. सत्ताधारी गटाने या निवडणुकीसाठी प्रगती पॅनलची तर विरोधी गटाने परिवर्तन पॅनलची स्थापना केली आहे.
अर्ज माघारीच्या अंतिम दिवशी ३३३ पैकी २६२ उमेदवारांनी माघार घेतली. आता २९ जागांसाठी ७१ उमेदवार रिंगणात आहेत. सत्ताधारी गटातून कोंडाजी आव्हाड, हेमंत धात्रक यांच्या नेतृत्त्वाखाली प्रगती पॅनल तर पंढरीनाथ थोरे, माजी मंत्री तुकाराम दिघोळे यांच्या नेतृत्त्वाखाली परिवर्तन पॅनलची घोषणा करण्यात आली. उमेदवारांची अंतिम यादी मंगळवारी (दि. ९) प्रसिद्ध केली जाणार आहे. यावेळी चिन्हांचे वाटपही होणार असल्याची माहिती निवडणूक मंडळाचे अध्यक्ष ॲड. गजेंद्र सानप यांनी दिली.
अध्यक्ष, उपाध्यक्ष, सरचिटणीस, सहचिटणीस, विश्वस्त व तालुका संचालक अशा २९ जागांसाठी ४३१ अर्ज दाखल झाले होते. अर्ज छाननीत ४४ अर्ज अवैध ठरल्याने ३७३ जणांचे अर्ज उरले. यातील ८ उमेदवारांनी लवादाकडे दाद मागितली होती. यातील ३ अर्ज वैध धरले, तर ५ अर्ज अवैध ठरविण्यात आले. माघारीच्या अखेरच्या दिवशी विविध जागांसाठी २६२ जणांनी माघार घेतली.
यामध्ये शिल्लक उमेदवारांसह अध्यक्ष : २, उपाध्यक्ष ; ३, सरचिटणीस : २, सहचिटणीस : २, विश्वस्त (६ जागा) : १४, नाशिक प्रतिनिधी (४ जागा) : १२, सिन्नर (३ जागा) : ८, दिंडोरी (३ जागा) : ८, निफाड (३ जागा) : ६, येवला- (२ जागा) : ५, नांदगाव (२ जागा) : ४ व महिला प्रतिनिधी (२ जागा) : ५ उमेदवार आहेत. उमेदवारांची अंतिम यादी मंगळवारी सकाळी ११ वाजता प्रसिद्ध झाल्यानंतर दुपारी ४ वाजता निवडणूक चिन्हाचे वाटप होईल.
माघारीनंतर सत्ताधाऱ्यांनी ९ नवीन चेहऱ्यांना संधी देत प्रगती पॅनल उमेदवारांची घोषणा कोंडाजी आव्हाड व हेमंत धात्रक यांनी केली. सत्ताधाऱ्यांविरोधात एकवटलेल्या विरोधकांनी एकत्र येत परिवर्तन पॅनलची घोषणा तुकाराम दिघोळे व पंढरीनाथ थोरे यांनी केली. मात्र, पॅनलची घोषणा करताना उमेदवारी निश्चितीवरून झालेल्या मतभेदांचा सामना 'परिवर्तन'च्या समन्वयकांना करावा लागला. परिणामी सायंकाळी उशिरा पॅनलची घोषणा करण्यात आली.
\Bप्रगती पॅनल\B \Bउमेदवार \B:
\Bअध्यक्ष : \Bकोंडाजी मामा आव्हाड, उपाध्यक्ष : प्रभाकर धात्रक, सरचिटणीस : हेमंत धात्रक, सहचिटणीस : तानाजी जायभावे,
विश्वस्त : बाळासाहेब गामणे, डॉ. धर्माजी बोडके, बबनराव सानप, बाळासाहेब चकोर, रामप्रसाद कातकाडे, विठ्ठलराव पालवे,
नाशिक प्रतिनिधी : माणिकराव सोनवणे, महेंद्र आव्हाड, प्रकाश घुगे, गोकुळ काकड,
दिंडोरी प्रतिनिधी : कचरू आव्हाड, शरद बोडके, भालचंद्र दरगोडे,
सिन्नर प्रतिनिधी : हेमंत नाईक. पी. पी. आव्हाड, गणेश घुले,
निफाड प्रतिनिधी : रामनाथ नागरे, भगवान सानप, गणपत केदार,
येवला : संपत वाघ व दिनेश आव्हाड,
नांदगाव प्रतिनिधी : विजय इप्पर व रमेश बोडके,
महिला प्रतिनिधी : अरुणा कराड, आक्काबाई सोनवणे.
\B
परिवर्तन पॅनल उमेदवार : \B
अध्यक्ष : पंढरीनाथ थोरे, उपाध्यक्ष : ॲड. पी. आर. गिते, सरचिटणीस : अभिजीत दिघोळे, सहचिटणीस : मनोज बुरकुल,
विश्वस्त : भास्कर सोनवणे, दामोदर मानकर, दिगंबर गिते, बाळासाहेब वाघ, सुभाष कराड, ॲड. अशोक आव्हाड,
नाशिक प्रतिनिधी : मंगेश नागरे, विलास आव्हाड, सुरेश घुगे, विष्णू नागरे,
दिंडोरी प्रतिनिधी : दौलत बोडके, शामराव बोडके, भगंवत चकोर,
सिन्नर प्रतिनिधी : रामनाथ बोडके, उत्तम बोडके, अशोक भाबड,
निफाड प्रतिनिधी : अशोक नागरे, ॲड. सुधाकर कराड, विठोबा फडे,
येवला प्रतिनिधी : तुळशीराम विंचू, विजय सानप,
नांदगाव प्रतिनिधी : ॲड. जंयत सानप, विजय बुरकुल,
महिला प्रतिनिधी : अननाबाई काकड, शोभा बोडके.
\Bसत्ताधाऱ्यांकडून ७ नवीन चेहरे \B
सत्ताधारी प्रगती पॅनलने २८ पैकी ७ विद्यमान संचालकांना डच्चू देत नवीन चेहरे दिले आहेत. यामध्ये ॲड. वाळीबा हाडपे, यशवंत दरगोडे, सुदाम नवाळे, बंडुनाना दराडे, महेश आव्हाड, कविता मानकर, शैलशा बुरकुल यांचा समावेश आहे. तर बाळासाहेब चकोर यांना संचालकपदावरून विश्वस्तपदी बढती देण्यात आली आहे.
