देशभर महामार्ग विकसित करण्यात आघाडीवर असलेल्या अशोका बिल्डकॅान कंपनीने आपला २३ व्या वर्धापन दिन रस्ता सुरक्षा मोहीम घेऊन साजरा केला. याचा औपचारिक शुभारंभ नाशिकमध्ये करुन देशभरातील टोलनाक्यावर या मोहिमेला सुरुवात केली. या शुभारंभाच्या कार्यक्रमात कंपनीने पाच हजार हेल्मेटचे वाटप करण्याचा निर्णय घेण्यात आला असून, त्याची सुरुवात पोलिस आयुक्त रवींद्र सिंगल यांच्या हस्ते करण्यात आली. यावेळी अशोका ग्रुपचे चेअरमन अशोक कटारिया, मॅनेजिंग डायरेक्टर सतीश पारख यासह मान्यवर उपस्थित होते.
या उपक्रमात कर्मचारी ब्रॅन्ड अ‍ॅम्बेसिडर म्हणून रस्ता सुरक्षेचे काम करणार असून त्यांना एक हेल्मेट देण्यात येणार आहे. त्यानंतर हे कर्मचारी ते गरजु वाहनचालकांना देऊन त्याचा प्रचार करणार आहे. ही सुरक्षा मोहीम महाराष्ट्रासह पश्चिम बंगाल, ओरिसा, कर्नाटक, तामिळनाडू, मध्यप्रदेश आणि छत्तीसगड येथेही घेण्यात आली. तेवीसाव्या वर्धापनदिन अशोका बिल्डकॉनने रस्ता सुरक्षितता या विषयाला समर्पित करून त्या अंतर्गत आपले प्रकल्प व टोलनाक्यांच्या ठिकाणी जनजागृतीपर विविध कार्यक्रमांचे आयोजन केले होते. यात मोटारसायकल चालवताना हेल्मेट आणि कार चालवतांना सीटबेल्टचा वापर करावा, या जनजागृतीला प्राधान्य देण्यात आला. नाशिकमध्ये कंपनीने पाच हजारांपैकी १,१५० हेल्मेट वाटप केले.
हेल्मेट घालणाऱ्यांना चॉकलेट
अशोकातर्फे देशातील चौदा टोल नाक्यांच्या ठिकाणी कामकाज चालते. त्याठिकाणी दररोज हजारो वाहनचालक ये-जा करतात. हेच लक्षात घेऊन तेथे टोलचे कर्मचाऱ्यांनी हेल्मेट घातलेल्या चालकांना गुलाबपुष्प व चॉकलेट देऊन नियम पाळल्याबद्दल आभार व्यक्त केले. ते नियमित हेल्मेट वापरण्याचे तसेच गाडीवर पाठीमागे बसणाऱ्याने हेल्मेट घालण्याची विनंती केली. अशोका बिल्डकॉन लिमिटेडचे व्यवस्थापकीय संचालक सतीश पारख प्रास्ताविक करताना म्हणाले, अपघातात कुठल्याही एका व्यक्तीचे प्राण गमावणे हे देशासाठी हानिकारक असेच आहे. रस्ता विकसित करण्याच्या क्षेत्रात आम्ही आघाडीवर असून, रस्त्यावर जाणाऱ्यांच्या सुरक्षेला नेहमीच प्राधान्य देत आहे. किंबहुना या विषयांकडे आम्ही गांभीर्याने पाहत आहोत.
मोबाइल अॅप डाउनलोड करा आणि राहा अपडेट
