क्राइम अॅण्ड क्राइम ट्रॅकिंग नेटवर्क अॅण्ड सिस्टीम्समुळे (सीसीटीएनएस) पोलिसिंगची परिभाषा बदलत असून, याकडे एक मिशन म्हणून पाहावे. या कामाला गतिमान करताना सातत्य ठेवण्याचे आदेश सीआयडीचे पोलिस महानिरीक्षक (आयजी) संजीवकुमार सिंघल यांनी दिले.
सीसीटीएनएस कार्यप्रणालीचा आढावा घेण्यासाठी पोलिस आयुक्तालयात आयोजित करण्यात आलेल्या बैठकीदरम्यान ते बोलत होते. बैठकीला पोलिस आयुक्त डॉ. रवींद्र सिंघल यांच्यासह परिक्षेत्रातील सर्व पोलिस अधीक्षक, अतिरिक्त पोलिस अधीक्षक, पोलिस उपायुक्त, सहायक पोलिस आयुक्त हजर होते. सकाळी ११ वाजता सुरू झालेली बैठक दुपारी अडीच वाजेच्या दरम्यान संपली. या वेळेत आयजी सिंघल यांनी सर्व अधिकाऱ्यांकडून त्यांच्या क्षेत्रात सीसीटीएनएस कार्यप्रणालीचा कितपत वापर होतो, याची माहिती घेतली. शहर पोलिसांनी २०१५ तसेच २०१६ मधील माहिती सीसीटीएनएसवर टाकली असून, कामाच्या टक्केवारीत शहर पोलिस अव्वल राहिले. नाशिक ग्रामीण पोलिसांनीही ९३ टक्के काम पूर्ण केले आहे. सिंघल यांनी सीसीटीएनएसमध्ये नव्याने झालेल्या बदलाची माहिती उपस्थित अधिकाऱ्यांना दिली. तीन महिन्यापूर्वीही याबाबत महत्त्वाची बैठक पार पडली. त्यानंतर मुख्यमंत्र्यांनी ट्विटद्वारे सर्व पोलिस अधिकाऱ्यांना सीसीटीएनएसच्या वापराबाबत सूचित केले होते.
असे आहेत फायदे
स्टेशन डायरीची कॉपी हवी असेल तर संबंधित फिर्यादी किंवा आरोपीला ती डायरी पूर्ण झाल्याशिवाय कॉपी मिळत नाही. तसेच प्रत्यक्ष पोलिस स्टेशनला जाऊन ती मिळवावी लागते. लोकांना तक्रारी दाखल करणे, एफआयआरची प्रतीची मागणी करणे, भाडेकरूची तपासणी करणे, परवान्यासाठी अर्ज, आंदोलन-अर्जासाठी परवाना, चारित्र्य प्रमाणपत्रासाठी अर्ज, कर्मचाऱ्यांची पडताळणी, हरवलेल्या व्यक्तींची तसेच वस्तूंची तक्रार दाखल करता येणार आहे. सीसीटीएनएस प्रणालीमुळे देशभरातील पोलिस स्टेशन एकमेकांना जोडली गेली आहेत. ही यंत्रणा पूर्ण क्षमतेने कार्यन्वित झाल्यास खूप फायदा होऊ शकतो. वाहन, अनोळखी, मृतदेह, सराईत गुन्हेगार अशा सर्वांची माहिती पोलिसांना सहजतेने उपलब्ध होणार आहे.
मोबाइल अॅप डाउनलोड करा आणि राहा अपडेट
म. टा. वृत्तसेवा, सिडको
म. टा. वृत्तसेवा, निफाड
