येवला शहरातील मंगळवारचा आठवडे बाजार फुलून गेला तो येत्या सोमवारी येणाऱ्या 'बैल पोळा' निमित्ताने. वर्षभर झगडणाऱ्या बैलांसाठी… 'सर्जा-राजा' साठी येवल्यातील आठवडे बाजारात सर्व काही विसरत कष्टकरी, बळीराजाची गर्दी ओसांडत होती. सर्जा अन् राजाला माथवठी, कासरा, मोहरकी, मानाचे चवर, घोगर, लोकरीचा केसर, छंबी अन् गोंडा आणखी बरेच काही खरेदी केले जात होते.
पोळ्यानिमित्त येवल्यात फुलला बाजार
↧
↧
भुजबळांच्या हस्ते कालव्याचे भूमिपूजन
तापी पाटबंधारे विकास महामंडळाच्या पुनद प्रकल्पांतर्गत उजवा वाढीव कालवा कामाचे भूमिपूजन झाडी येथे पालकमंत्री छगन भुजबळ यांच्या हस्ते करण्यात आले. व्यासपीठावर महामंडळाचे उपाध्यक्ष आमदार ए. टी. पवार, आमदार शिरीष कोतवाल, आमदार पंकज भुजबळ, डॉ. तुषार शेवाळे, राजेंद्र भोसले, सुनील गायकवाड, जिल्हा परिषद सदस्य डॉ. भारती पवार, संतोष मोरे आदी उपस्थित होते.
↧
डॉ. विलास बच्छाव यांचा भाजपात प्रवेश
काँग्रेस, राष्ट्रवादी काँग्रेस, पुन्हा काँग्रेस आणि आता भारतीय जनता पक्षात नुकताच पक्षप्रवेश झालेले मविप्रचे माजी उपसभापती डॉ. विलास बच्छाव यांच्या पक्षप्रवेशामुळे तालुक्यातील राजकारणातील नवी समीकरणे जुळून राजकारणाला कलाटणी मिळणार आहे.
↧
खासदार हरिश्चंद्र चव्हाण यांची ग्वाही
पंतप्रधान नरेंद्र मोदींच्या नेतृत्वाखाली केंद्र सरकार शेतकऱ्यांसाठी वीज आणि पाणी देण्यासाठी नदीजोड प्रकल्प येत्या पाच वर्षात पूर्ण करणार आहे. दिंडोरी लोकसभा मतदारसंघातील नारपार, वळण बंधारे, मांजरपाडा प्रकल्प पूर्ण करून संपूर्ण नाशिक जिल्ह्यालाच शेती व पिण्याचे पाणी देणार आहे. त्यासाठी केंद्राप्रमाणे नाशिक जिल्ह्यात महायुतीचे सर्वच्या सर्व उमेदवारांना विजयी करून आघाडी सरकारची भ्रष्ट राजवट उलथवून परिवर्तन करावे लागणार आहे, असे आवाहन दिंडोरी लोकसभा मतदारसंघाचे खासदार हरिश्चंद्र चव्हाण यांनी केले.
↧
कृषी क्षेत्रात आणखी एक ट्रॅक्टर दाखल
महिंद्रा अँड महिंद्रा कंपनीने कृषी क्षेत्रात अर्जुन नोव्हो हा अत्याधुनिक ट्रॅक्टर बाजारात आणला आहे. यामुळे शेतकऱ्यांच्या मदतीला आणखी एक ट्रक्टर उपलब्ध झाले आहे. या ट्रॅक्टरचे अनावरण चेन्नईतील महिंद्र रिसर्च व्हॅली येथे बुधवारी करण्यात आले. या ट्रॅक्टरमुळे देशाच्या कृषी उत्पादना वाढीस मदत होईल, असा विश्वास महिंद्र समूहाचे एक्झिक्युटीव्ह डायरेक्टर डॉ. पवन गोयंका यांनी व्यक्त केला.
↧
↧
प्रलंबित मागण्यांसाठी शिक्षकांचे आंदोलन
राज्यातील शिक्षकांच्या प्रश्न व मागण्यांच्या संदर्भात मंत्रालय स्तरावर अनेकदा चर्चा केली, लेखी निवेदन दिले मात्र, शासनाची याप्रश्नी उदासीन भूमिका असल्याचे लक्षात आले आहे. यामुळे येत्या आठ दिवसात राज्यसरकारने निर्णय न घेतल्यास राज्यव्यापी आंदोलन छेडण्याचा निर्णय घेऊ, असे महाराष्ट्र राज्य प्राथमिक शिक्षक समितीचे राज्याध्यक्ष काळूजी बोरसे यांनी पत्रकान्वये कळविले आहे.
↧
शैक्षणिक गुणवत्ता विकासाचे तीन तेरा
शैक्षणिक गुणवत्ता विकास कार्यक्रमांची प्रभावी अंमलबजावणी करण्यासाठी पंचायत समितीच्या शिक्षण विभागाने कठोर उपाययोजना केल्या आहेत. मात्र, कामचुकार शिक्षकांना अंमलबजावणीचे ओझे जड झाल्याने गटशिक्षणाधिकारी व प्राथमिक शिक्षकांच्या एका संघटनेत तीव्र मतभेद उमटले आहेत. दस्तुरखुद्द गटशिक्षणाधिकाऱ्यांच्या विरोधात आंदोलनाचे हत्यार उपसले आहे.
↧
‘मविप्र स्थापनेमागचा उद्देश सफल’
बहुजनांच्या मुलांना शिक्षणाची दारे सहज खुली करणाऱ्या मविप्र स्थापनेमागचा समाजधुरीणांचा उद्देश सफल झाला आहे. संस्थेच्या माध्यमातून विविध क्षेत्रात भरारी घेतलेले विद्यार्थी समाजात वेगळे स्थान निर्माण करत असल्याचे प्रतिपादन मविप्रचे संचालक रवींद्र देवरे यांनी केले.
↧
मानवी साखळी रचत येवल्यात निषेध मोर्चा
अग्रभागी टाळ, मृदंग अन् तंबोरा वाजवत तुकोबाचे अभंग गाणारे वारकरी मंडळी. पाठोपाठ एकमेकांच्या हातात हात घालत लांबच लांब विवेकाचा जागर करणारी मानवी साखळी. हातात लक्ष वेधून घेणारे असंख्य फलक अशा वातावरणात बुधवारी अंधश्रद्धा निर्मूलन समितीच्या येवला शाखेच्या वतीने येवल्यातील हुतात्मा स्मारक ते तहसील कार्यालय धडक मारत डॉ. नरेंद्र दाभोलकर यांच्या मारेकऱ्यांचा वर्ष उलटूनही शोध न लागल्याबद्दल शासनाचा निषेध करण्यात आला.
↧
↧
‘शेतकरी निवास’ घरपण देणारे
सटाणा कृषी उत्पन्न बाजार समितीच्या माध्यमातून शेतकऱ्यांना विश्रांती मिळण्यासाठी उभारण्यात आलेले शेतकरी निवास निश्चितपणे घरपण देणारे राहील. संचालक मंडळाने शेतकरी हित जोपासून केलेले काम वाखाण्याजोगे असल्याचे प्रतिपादन शेतकरी संघटनेचे रामचंद्र पाटील यांनी केले.
↧
चव्हाण प्रतिष्ठानतर्फे ‘योल’
यशवंतराव चव्हाण प्रतिष्ठान विभागीय केंद्र नाशिक, दादासाहेब फाळके फिल्म सोसायटी, विश्वास को-ऑप. बँक लि., नाशिक, विश्वास ज्ञानप्रबोधिनी अॅण्ड रिसर्च इन्स्टिट्यूट, नाशिक व विश्वास कम्युनिटी रेडिओ ९०.८ एफ.एम. यांच्या संयुक्त विद्यमाने ‘चित्रपट चावडी’ उपक्रमांतर्गत शनिवारी (दि. २३) सायंकाळी सहा वाजता सुप्रसिद्ध दिग्दर्शक यिलमाझ गुने (टर्की) यांचा ‘योल’ (द रोड) हा तुर्की भाषेतील चित्रपट दाखविण्यात येणार आहे.
↧
बनावट कीटकनाशकांवर बंदी घालण्याची मागणी
बनावट कीटकनाशकांवर बंदी आणून आधीच देशोधडीला लागलेल्या बळीराजाला वाचविण्याचा प्रयत्न केंद्र व राज्य सरकारांनी करावा, अशी मागणी कृषी क्षेत्रातील जाणकारांनी व्यक्त केली आहे.
↧
१२५ शेतकरी स्वीकारणार आत्मदहनाचा मार्ग
तलाठ्याच्या चुकीच्या व निष्काळजीपणाच्या पंचनाम्यांमुळे तालुक्यातील कंधाणे येथील १२५ गारपीटग्रस्तांना नुकसानभरपाईपासून वंचित रहावे लागले आहे. या शेतकऱ्यांरना २६ ऑगस्टपर्यंत नुकसानभरपाई न मिळाल्यास १२५ शेतकरी आत्मदहनाचा मार्ग स्वीकारतील, असा इशारा तहसीलदार अश्विनीकुमार पोतदार यांना सादर केलेल्या निवेदनात दिला आहे.
↧
↧
नाशिकरोड महापालिका आवारात पार्किंगचा जाच
महापालिकेच्या नाशिकरोड विभागीय कार्यालयाच्या आवारात पार्किंगचा त्रास वाढू लागला आहे. काही दिवसांपूर्वीच महापालिकेने येथे नो पार्किंगचा कोरा करकरीत बोर्ड लावला आहे. त्यामध्ये महापालिका इमारतीच्या मागील बाजूस वाहनतळावर पार्किंग करण्याची सूचना आहे. विशेष म्हणजे नेते मंडळींबरोबरच अधिकारी-कर्मचारीही बोर्डाकडे साफ दुर्लक्ष करुन आवारातच वाहने उभी करत आहेत.
↧
तरुणांनी व्यायामाकडे लक्ष देण्याची गरज
महाराष्ट्रातील तरुणांनी व्यायाम व कसरतींकडे अधिक लक्ष देण्याची गरज आहे, असे प्रतिपादन राष्ट्रवादीतर्फे आयोजित महाराष्ट्र केसरी कुस्ती स्पर्धेचा विजेता राहुल बोडके याने केले. येथील मातादी सातपूर केबल नेटवर्कच्या वर्धापनदिन सोहळ्यानिमित्ताने आयोजित कार्यक्रमासाठी प्रमुख पाहुणा म्हणून तो उपस्थित होता.
↧
काँग्रेसच्या धोरणांमुळेच देशाची झाली फाळणी
काँग्रेस नेत्यांच्या बोटचेप्या धोरणामुळेच देशाची फाळणी झाली. फाळणीचा खरा इतिहास आजच्या पिढीला माहिती झाला पाहिजे, असे प्रतिपादन डॉ. परिक्षित शेवडे यांनी जेलरोड येथे केले.
↧
भारतीय कामगार सेनेची स्थापना
अंबड औद्योगिक वसाहतीतील शुभदा पॉलिमर प्रॉडक्टस प्रायव्हेट लिमिटेड कंपनीतील कामगारांनी कामगार सेनेच्या युनियनची स्थापना केली. मंगळवारी कंपनीच्या गेटजवळ युनियनच्या नामफलकाचे अनावरण करण्यात आले. अंबड वसाहतीतील ई-सेक्टरमध्ये असलेल्या शुभदा पॉलिमर प्रॉडक्टस प्रायव्हेट लिमिटेड कंपनीच्या कामगारांनी भारतीय कामगार सेनेची स्थापना केली.
↧
↧
सिडकोत भुरट्या चोरांचा धुमाकूळ
जुने सिडको परिसरात सध्या भुरट्या चोऱ्यांचे प्रमाण वाढले आहेत. घराबाहेरचे कपडे, खिडकीजवळ ठेवलेले मोबाईल, भांडी आदि वस्तुंच्या चोरीने नागरिक त्रस्त झाले आहेत. या भुरट्या चोरांचा पोलिसांनी बंदोबस्त करावा, अशी मागणी रहिवाशांनी केली आहे.
↧
‘राष्ट्रवादी’च्या दिग्गजांमध्ये चुरस
आगामी विधानसभा निवडणुकीसाठी जिल्ह्यातील १५ जागांसाठी तब्बल ५८ इच्छुकांनी अर्ज दाखल केले आहेत. नाशिक शहरातील तीन मतदारसंघातून उमेदवारी मिळवण्यासाठी राष्ट्रवादीतील दिग्गजांनी अर्ज दाखल केले आहेत.
↧
आश्रमशाळा कर्मचाऱ्यांचे पुन्हा रखडले वेतन
ऑनलाईन प्रक्रियेत जाणवणाऱ्या तांत्रिक अडसरापाठोपाठ आता समाजकल्याण विभागाच्या दुर्लक्षामुळे आश्रमशाळा कर्मचाऱ्यांचे वेतन पुन्हा रखडले आहे. सलग तीन महिन्यांपासून रखडलेले हे वेतन त्वरित देण्यात यावे आणि या कर्मचाऱ्यांच्या इतरही मागण्या मान्य करण्यात याव्यात, अन्यथा येत्या रविवारपासून ३० ऑगस्टपासून बेमुदत उपोषण छेडू, असा इशारा महाराष्ट्र नवनिर्माण शिक्षक शिक्षकेतर संघटनेने दिला आहे.
↧
More Pages to Explore .....