केंद्राच्या स्मार्ट सिटी योजनेअंतर्गत 'स्मार्ट रोड' म्हणून विकसित केल्या जाणाऱ्या अशोकस्तंभ ते त्र्यंबक नाका या रस्त्याचे त्रिस्तरीय सर्वेक्षण पूर्ण झाले आहे. नाशिक म्युन्सिपल स्मार्ट सिटी डेव्हलपमेंट कॉर्पोरेशन लिमिटेड कंपनीच्या बैठकीत एक किलोमीटर शंभर मीटर अंतराच्या या रस्त्याचा प्रारूप आराखडा गुरुवारी सादर करण्यात आला. सर्व्हेक्षणात या स्मार्ट रोडसाठी तीन एकेरी मार्ग तयार केले जाणार असून, अशोक स्तंभ ते त्र्यंबक नाक्यापर्यंत चार इंटिलिजंट सिग्नल यंत्रणा उभारण्याबरोबरच सीसीटीव्ही, वाय-फाय सुविधा, सायकल ट्रॅक, ज्येष्ठांसाठी बेंचेस अशा सुविधा पुरविल्या जाणार आहेत.
स्मार्ट सिटी अंतर्गत अशोक स्तंभ ते त्र्यंबक नाक्यापर्यंतचा १.१ किलोमीटरचा रस्ता हा स्मार्ट रोड म्हणून विकस‌ति केला जाणार आहे. या स्मार्ट रोडच्या विकासासाठी महापालिकेने केपीएमजी या सल्लागार संस्थेची नियुक्ती केली आहे. या संस्थेच्या प्रतिनिधींकडून हा आराखडा गुरुवारी स्मार्ट सिटीच्या बैठकीत सादर करण्यात आला. या बैठकीस नाशिक म्युन्सिपल स्मार्ट सिटी डेव्हलपमेंट कॉर्पोरेशनचे सीईओ प्रकाश थवील, शहर अभियंता यू. बी. पवार, अर्बन प्लॅनर कांचन बोधले, प्रकल्प अभियंता मनोहर पोकळे, कंपनी सेक्रेटरी महेंद्र शिंदे, आयटी हेड प्रमोद गुर्जर, मुख्य लेखाधिकारी बी. जी. निर्मळ तसेच महावितरण, शहर वाहतूक शाखेचे अधिकारी उपस्थित होते.
‘स्मार्ट रोड’च्या प्रारूप आराखड्यात सुचविलेल्या पर्यायांवर विचार करण्यासाठी शहर वाहतूक शाखा, एसटी महामंडळ, पोल‌सि आदींसमवेत संयुक्त बैठक घेण्यात येणार असून, त्यानंतर तीन वन-वेसारख्या पर्यायांची चाचणी
घेतली जाणार आहे. या रस्त्यावरील वाहतूक सुरळीत व सुरक्षित करण्यासाठी तसेच रस्त्याचा वापर करणाऱ्या प्रत्येक घटकाचा विचार करून, त्यांना काय सुविधा उपलब्ध करून देणे गरजेचे आहे, यासंबंधी यादी तयार करण्यात आली. त्यानुसार 'स्मार्ट रोड'चे संकल्पनाचित्र तयार करण्यात आले आहे. प्रत्येकी १६ तासांच्या या सर्वेक्षणात अशोकस्तंभ ते त्र्यंबक नाका या दरम्यान अस्तित्वात असलेले सिग्नल, चौक, मार्गस्थ होणाऱ्या वाहनांची संख्या, रिक्षा स्टॅण्ड, रस्त्यालगतच्या झाडांची संख्या, आदींचाही विचार करण्यात आला.
तीन एकेरी मार्ग
सीबीएस, एम. जी. रोडवरील वर्दळ कमी करण्यासाठी तीन एकेरी मार्ग सुचविण्यात आले आहेत. त्या सीबीएस ते त्र्यंबक नाका, शालिमार ते सीबीएस, महाबळ चौक ते महात्मा गांधी रस्ता असे रस्ते एकेरी केले जाणार आहेत. म्हणजेच शालिमारकडून सीबीएसकडे जाण्यासाठी शिवाजीरोडकडे न वळता सार्वजनिक वाचनालय, महाबळ चौक, महात्मा गांधी रस्ता व पुढे सीबीएसकडे जाता येईल. अशोकस्तंभ येथील वाहतूक कमी करण्यासाठी गंगापूररोडकडून रामवाडी पुलाकडे जाण्यासाठी पशुवैद्यकीय दवाखान्यासमोरील रस्त्याच्या वापराचा पर्याय देण्यात आला.
स्मार्ट रोडची वैशिष्ट्ये
अशोकस्तंभ ते त्र्यंबक नाका दरम्यान फूटपाथ
ज्येष्ठ नागरिकांना बसण्यासाठी बेंचेस,
स्मार्ट किऑस्क, ई-टॉयलेटची सुविधा उपलब्ध
संपूर्ण रस्त्यावर सीसीटीव्ही कॅमेरे,
स्मार्ट पोल, वाय-फाय सुविधा, सोलर पॅनल
रस्त्याच्या दुतर्फा एक मीटर रुंदीचा सायकल ट्रॅक
भूम‌गित विद्युततारांची व्यवस्था
दुचाकी पार्किंगची स्वंतत्र व्यवस्था
दुतर्फा डक्ट तयार केले जाणार
तीनही चौकांत इंटेलिजंट ट्रॅफिक सिग्नल यंत्रणा
मोबाइल अॅप डाउनलोड करा आणि राहा अपडेट
