येथील जाहिरात संस्थांची संघटना नाशिक अॅडव्हर्टायझिंग एजन्सीज वेल्फेअर असोसिएशन (नावा)च्या नूतन कार्यकारिणीची नुकतीच निवड करण्यात आली. त्यात अध्यक्षपदी ज्येष्ठ सभासद आणि वामा अॅडव्हर्टायझिंगचे संचालक विठ्ठल देशपांडे यांची, तर सरचिटणीसपदी वत्सदा अॅडव्हर्टायझिंगचे संचालक दिलीप निकम यांची बिनविरोध निवड करण्यात आली.
‘नावा’ची वार्षिक सर्वसाधारण सभा हॉटेल करी लिव्हजमध्ये झाली. मावळते अध्यक्ष विठ्ठल राजोळे अध्यक्षस्थानी होते. कार्यकाळ पूर्ण झाल्याने नूतन कार्यकारिणी निवडीची सूचना त्यांनी मांडली. उपस्थित सदस्यांनी राजोळे यांच्या सूचनेला अनुमोदन देत नवीन कार्यकारिणी निवडीस मान्यता दिली. त्यानुसार निवडणूक अधिकारी अॅड. भाऊसाहेब गंभिरे यांनी अध्यक्षपदासाठी देशपांडे यांची व सरचिटणीसपदासाठी निकम यांच्या नावांची
घोषणा केली.
या दोघांच्या निवडीला एकमताने संमती देण्यात आल्याने त्यांची निवड झाल्याचे निवडणूक निर्णय अधिकाऱ्यांनी घोषित केले. यावेळी माजी सरचिटणीस मंगेश खरवंडीकर, माजी उपाध्यक्ष सचिन गिते-पाटील, संदीप भालेराव, अभिजित चांदे, श्रीकांत नागरे, प्रवीण मोरे, नितीन शेवाळे, किरण पाटील, सुनील महामुनी, अनिल अग्निहोत्री आदी ‘नावा’चे सदस्य उपस्थित होते.
नूतन कार्यकारिणी
निमंत्रित सदस्य- संस्थापक अध्यक्ष मोतीराम पिंगळे, माजी अध्यक्ष नितीन राका, रवी पवार, विठ्ठल राजोळे, उपाध्यक्ष- श्याम पवार व प्रवीण चांडक, चिटणीस- मिलिंद कोल्हे-पाटील, कार्याध्यक्ष- राजेश शेळके, खजिनदार- अमोल कुलकर्णी, ज्येष्ठ सल्लागार- सतीश बोरा, संचालक- गणेश नाफडे, दीपक जगताप, सुहास मुंदडा, महेश कलंत्री, महावीर गांधी.
मोबाइल अॅप डाउनलोड करा आणि राहा अपडेट