हत्या, हत्येचा प्रयत्न, खंडणी अशा गंभीर कृत्यांमध्ये सहभागी असलेल्या आणि मोक्का कलमानुसार कारवाई झालेल्या सात संशयितांनी हजर व्हावे; अन्यथा त्यांच्या मालमत्ता जप्त करण्यात येणार आहेत. याबाबतचा आदेश कोर्टाने दिला आहे.
पंचवटीतील सुनील वाघ हत्याकांडानंतर शहर पोलिसांनी हत्या, तसेच महाराष्ट्र संघटित गुन्हेगारी नियंत्रण अधिनियमानुसार पंचवटीतील अनेक सराईत गुन्हेगारांवर कारवाई केली. या गुन्ह्यात पोलिसांनी काही जणांना अटक केली असून, सध्या ते सेंट्रल जेलमध्ये आहे. मात्र, रवींद्र दगडूसिंग परदेशी (हनुमानवाडी, पंचवटी), अर्जुन रवींद्र परदेशी (हनुमानवाडी, पंचवटी), गणेश भास्कर कालेकर (हनुमानवाडी, पंचवटी), जयेश हिरामण दिवे (एरंडवाडी, पेठ फाटा, पंचवटी), राकेश तुकाराम कोष्टी (विजयनगर, दत्त चौक, सिडको), व्यंकटेश नानासाहेब मोरे (फ्लॅट क्रमांक १३, प्रीती अपार्टमेंट, विठ्ठल रुक्मिणी कार्यालयाजवळ, मखमलाबाद रोड) आणि किरण दिनेश नागरे (प्लॉट क्रमांक ७८, पार्वती निवास, जाणता राजा कॉलनी, मखमलाबाद रोड) यांना विशेष मोक्का कोर्टाने फरार असल्याबाबत जाहीरनामा (उदघोषणा) काढला असून, कोर्टाने या संशयितांना १४ ऑक्टोबर २०१६ पर्यंत हजर राहण्याचे आदेश दिले आहेत. या तारखेपर्यंत संशयित कोर्ट अथवा पोलिसांसमोर हजर झाले नाही, तर कोर्टाच्या आदेशाप्रमाणे संशयितांच्या स्थावर व जंगम मालमत्ता जप्त करण्याची कारवाई करण्यात येणार आहे.
मोबाइल अॅप डाउनलोड करा आणि राहा अपडेट
