भारतीय संस्कृतीला जागतिक पातळीवर अनन्यसाधारण महत्त्व आहे. स्रियांना देवत्व बहाल करणाऱ्या भारत देशाचे सध्या सैराटवृत्तीमुळे नैतिदृष्ट्या अधःपतन होत आहे. यामुळे आजच्या काळात स्त्रीप्रधान संस्कृती टिकून राहणे ही काळाची गरज असल्याचे मत ज्येष्ठ समाजसेविका सिंधुताई सपकाळ यांनी वक्त केले.
नामपूर येथील कृष्णाई मंगल कार्यालयात श्रीहरी प्रतिष्ठानचे अध्यक्ष तसेच उन्नती विद्यालयाचे शिक्षक शरद नेरकर यांच्या सेवापुर्ती सोहळ्यात त्या बोलत होत्या. यावेळी शरद नेरकर यांचा सिंधुताई यांच्या हस्ते सपत्नीक सत्कार करण्यात आला. तसेच श्रीहरी प्रतिष्ठान तर्फे देण्यात येणाऱ्या 'श्रीहरी गौरव' पुरस्काराने विविध क्षेत्रात काम करणाऱ्या मान्यवरांना गौरविण्यात आले.
कार्यक्रमाच्या अध्यक्षस्थानी उन्नती एज्युकेशन संस्थेचे अध्यक्ष अशोक सोनजे होते. कार्यक्रमास डॉ. प्रभाकर निकम, सरपंच प्रमोद सावंत, अशोक नखाते, साहेबराव बच्छाव, डॉ. प्रशांत पाटील, सतीश विसपुते उपस्थित होते. सिंधुताई पुढे म्हणाल्या, महिलांवरील अत्याचार, बलात्कार यांसारख्या घटना दिवसेंदिवस वाढत आहेत. कोर्टात पती-पत्नी वादाच्या सर्वाधिक केसेस पेंडिंग आहेत. आपला जन्म हा स्वतःसाठीच नाही तर समाजासाठी देखील झालेला आहे ही भावना लक्षात घेऊन समाजऋण फेडण्यासाठी सामाजिक बांधिलकी जोपासण्याची गरज असल्याचा सल्ला त्यांनी दिला. एक्कावन्न हजार रुपयांची रोख देणगी सिंधुताई सपकाळ यांच्या अनाथालयाला देण्यात आली. सुभाष सोमवंशी, सुरेश शेलार, राजेंद्र दिघे, चरणसिंग इंगळे, दीपक मोरे, जिल्हा परिषद प्राथमिक डिजिटल शाळा (माळीनगर), दीपक शेवाळे, जयवंतराव ठाकरे, जेष्ठ नागरिक संघ (नामपूर) यांना 'श्रीहरी गौरव' पुरस्कार देण्यात आला.
मोबाइल अॅप डाउनलोड करा आणि राहा अपडेट
