सातपूर एमआयडीसीतील प्रशिक्षण केंद्रात झालेल्या खुल्या चर्चासत्रात 'बीएसएनएल'च्या ग्राहकांनी सेवा अखंड मिळत नसल्याचे आरोप केला. तसेच खासगी मोबाइल कंपन्यांकडून अगदी ग्राहकांच्या घरापर्यंत सेवा दिली जात असतांना त्यातुलनेत 'बीएसएनएल' कुठे आहे, असा प्रश्न ग्राहकांनी यावेळी उपस्थित केला. विशेष म्हणजे इतर कंपन्याच्या मोबाइल अथवा इंटरनेटचे रिचार्ज शहराच्या सर्वच भागात तत्काळ उपलब्ध होते. परंतु, 'बीएसएनएल'चे रिचार्ज ठराविक ठिकाणी मिळते. त्यामुळे 'बीएसएनएल' ग्राहकाला रिचार्जसाठी भटकंती करावी लागते. केंद्र सरकारचे नियंत्रण असलेल्या 'बीएसएनएल'च्या ग्राहकांना वेळेत योग्य सेवा वेळेवर मिळत नसल्याने इतर कंपन्यांचे मोबाइल व इंटरनेट सेवा घेण्याकडे नागरिकांचा कल वाढत असल्याचे वास्तव ग्राहकांनी मांडले.
'बीएसएनएल'चे महाप्रबंधक सुरेश बापू प्रजापती यांनी ग्राहकांच्या प्रश्नांना उत्तरे देण्याचा प्रयत्न केला. सेवेत आमूलाग्र बदल केला जाणार आहे. तसेच इंटरनेट सेवेत ग्राहकांकडून बीएसएनएलच्या ब्राड ब्रॅण्डला प्राधान्य देत आहे. त्यात अधिक सुधारणा केली जाणार असल्याचे प्रजापती यांनी सांगितले. यावेळी व्यासपिठावर उप-महाप्रबंधक पी. डी. रेडे, ए. एस. बर्वे, नारायण पाटोळे, शाम मंडलिक, मनीष रावळ, दिलीप मोरे व विजय गोळेसर आदी उपस्थित होते.
मोबाइल अॅप डाउनलोड करा आणि राहा अपडेट
