म. टा. वृत्तसेवा, घोटी
काँग्रेसचे खासदार राहुल गांधी आणि दिल्लीचे मुख्यमंत्री अरविंद केजरीवाल यांनी देशद्रोही वक्तव्य करणाऱ्यांचे समर्थन केल्याच्या निषेधार्थ इगतपुरी तालुका भाजपच्या वतीने घोटी शहरात निषेध रॅली काढून घोटी महामार्गावर रास्तारोको आंदोलन करण्यात आले. या आंदोलनामुळे घोटी-नाशिक व घोटी-सिन्नर महामार्गावरील वाहतूक काही काळ ठप्प झाली होती.
या जनआंदोलनाची सुरुवात घोटी येथील भाजपच्या संपर्क कार्यालयापासून करण्यात आली. भाजपचे तालुकाध्यक्ष अण्णासाहेब डोंगरे, माजी आमदार काशिनाथ मेंगाळ, माजी तालुकाध्यक्ष पांडूरंग बऱ्हे, भाऊसाहेब धोंगडे, रमेश परदेशी, महेश श्रीश्रीमाळ यांच्या नेतृत्वाखाली निषेध रॅली काढण्यात आली. खासदार राहुल गांधी व मुख्यमंत्री अरविंद केजरीवाल यांच्या निषेधार्थ घोषणा देत दहशतवाद्यांचे समर्थन करणाऱ्या नेत्यांचा धिक्कार करण्यात आला. या निषेध रॅलीचा समारोप घोटी महामार्गावरील सिन्नर फाटा येथे महामार्ग रोको आंदोलनाने करण्यात आला. या महामार्ग रोको प्रसंगी घोटी-सिन्नर महामार्ग, मुंबई-आग्रा महामार्गावरील वाहतूक ठप्प झाली होती. यावेळी तालुकाध्यक्ष अण्णासाहेब डोंगरे, माजी आमदार काशिनाथ मेंगाळ, माजी तालुकाध्यक्ष पांडूरंग बऱ्हे, भाऊसाहेब धोंगडे, महेश श्रीश्रीमाळ, प्रकाश सोनवणे, भाऊसाहेब कडभाणे, तानाजी जाधव, इगतपुरी शहराध्यक्ष मुन्ना पवार आदींनी या रास्तारोको आंदोलनात मनोगत व्यक्त करून खासदार राहुल गांधी व मुख्यमंत्री अरविंद केजरीवाल यांचा जाहीर निषेध केला.या आंदोलनात जिल्हा पदाधिकारी रमेश परदेशी, महेश श्रीश्रीमाळ, हेमंत सुराणा, जगन भगत, कैलास कस्तुरे, माजी सभापती मंदा भोईर, संदीप शहाणे, तानाजी जाधव, भाऊसाहेब कडभाणे, संजय झनकर, युवा मोर्चा तालुकाध्यक्ष मयूर माळी, सरचिटणीस मयूर परदेशी, सचिन काळे, स्वप्नील लहाने, मुन्ना शेख, रामदास शेलार, जयराम गव्हाणे, राजेंद्र कटकाळे, संदीप शहाणे, प्रकाश सोनवणे, भगीरथ भगत, भरत दोडके, महिला आघाडीच्या आशा डोंगरे आदी भाजप पदाधिकारी उपस्थित होते. यावेळी भाजपच्या वतीने तहसीलदार महेंद्र पावर व पोलिस निरीक्षक प्रभाकर पाटील यांना निवेदन देण्यत आले.
सटाणा भाजपतर्फे निवेदन सटाणा : जेएनयूमध्ये काही विद्यार्थ्यांनी देशविरोधी घोषणा दिल्या. या विद्यार्थ्यांना पाठिंबा देणारे इंदिरा काँग्रेसचे राष्ट्रीय उपाध्यक्ष राहुल गांधी व दिल्लीचे मुख्यमंत्री अरविंद केजरीवाल या नेत्यांनी घटनेचे समर्थन केल्याने त्यांच्या निषेधार्थ बागलाण तालुका भारतीय जनता पार्टीच्या वतीने तहसीलदार अश्विनीकुमार पोतदार यांना निवदेन देण्यात आले. निवदेनाप्रसंगी तालुका अध्यक्ष संजय भामरे, डॉ. विलास बच्छाव, नगरसेवक साहेबराव सोनवणे, शामकांत मराठे, देवेंद्र जाधव, जगदीश मुंडावरे, सुरेश महाजन, प्रकाश कुमावत, मुन्ना सोनवणे, प्रकाश सांगळे, संजय पाकवार, दामोधर नंदाळे, विकी मोरे, सुशांत जाधव, किरण नांद्रे, अतुल पवार, भरत अहिरे, विनोद नंदाळे, मुन्ना नंदाळे, संदीप वाघ आदींसह कार्यकर्ते उपस्थित होते.
देशात राहून दहशतवादाचा बिमोड करण्यास प्राधान्य देण्याऐवजी दहशतवादाचे समर्थन करणे ही खेदाची बाब असून, असा गंभीर प्रकार यापुढे भाजप कार्यकर्ते व तमाम भारतीय जनता कदापि सहन करणार नाही. - अण्णासाहेब डोंगरे, तालुकाध्यक्ष
मोबाइल अॅप डाउनलोड करा आणि राहा अपडेट
