शारीरिकदृष्ट्या असक्षम असणाऱ्यांनीही यात आपला सहभाग नोंदवला. सिक्युरीटी गार्ड, टेक्निकल सपोर्टर, ट्रेनी पदांसाठी मंगळवारी (दि. १९) भरती करण्यात येणार आहे. तर ट्रेनी, ट्रेनी असोसिएटच्या ४४२ रिक्तपदांसाठी बुधवारी (दि. २०) भरती केली जाणार आहे.
येथे करा नोंदणी मेळाव्यात शिकाऊ प्रशिक्षण कायद्यांतर्गत, विविध उद्योजकांकडून तांत्रिक (आयटीआय उत्तीर्ण) शिक्षण प्राप्त केलेल्या बेरोजगार उमेदवारांची भरती करण्यात येणार आहे. इच्छुक उमेदवारांनी रोजगार व स्वयंरोजगार विभागाच्या www.maharojgar.gov.in या वेबसाईटवर नोंदणी करून कौशल्य रोजगार मेळाव्यास उपस्थित राहवे. त्यांना उचित संधी प्राप्त होतील, असे आवाहन सहाय्यक संचालक म. नि. धाकड यांनी केले आहे.
आज होणार मेगा भरती मेळाव्यात मंगळवारी (दि. १९) मोठी भरती होणार आहे. एक हजार ६० जागांसाठी मुलाखती घेतल्या जाणार आहेत. यापैकी पुण्यातील जीफोर एस सिक्युरिटी इंडिया प्रायव्हेट लिमिटेड या कंपनीत सिक्युरिटी गार्ड या पदाच्या एक हजार जागा आहेत. फक्त पुरुष उमेदवारांसाठी या जागा आहेत. त्यासाठी दहावी उत्तीर्ण, ५ फूट ६ इंच उंची, ५६ किलो वजन व १८ ते २४ वय वर्षे ही पात्रता ठेवण्यात आली आहे. तसेच क्रिस्टील सोल्युशन ही कंपनी ट्रेनी टेक्निकल सपोर्टर या पदासाठी मुलाखती घेणार आहेत. यासाठी डिप्लोमा उत्तीर्ण व १८ ते २४ वयोगटातील उमेदवार सहभागी होऊ शकणार आहेत.
मोबाइल अॅप डाउनलोड करा आणि राहा अपडेट