स्थळसाधर्म्य की नक्कल यावरून वादात सापडलेले चित्रकार प्रफुल्ल सावंत यांचे 'दि इव्हिनिंग अॅट इस्तंबूल' हे चित्र सोशल मीडियावर मोठ्या प्रमाणात व्हायरल झाले आहे. चिन चूंग वी यांनी मूळ चित्र व त्यावरून मिरर केलेले चित्र असे दोन्ही फेसबूकला टाकल्यानंतर त्यावर प्रतिक्रियांचा पाऊस पडला आहे. अमेरिकेतही सावंत बंधूंनी चित्र कॉपी केल्याचा प्रकार केल्याचे एका चित्रकाराने ब्लॉग वर टाकले आहे. चित्रकार चिन चूंग वी यांच्या फेसबूकवरील कमेंटमध्ये हे आढळून आले आहे.
'दि इव्हिनिंग अॅट इस्तंबूल' हे चित्र प्रत्यक्षात 'दि मॉस्को नॉक्ट्रयून' या चित्राची मिरर इमेज वापरून रेखाटण्यात आल्याचा आरोप तैवानचे जागतिक कीर्तीचे चित्रकार चिन चूंग वी यांनी केला. त्यांच्या आरोपाचे समर्थन अनेक जणांनी केले असून, सोशल मीडियावर या कॉपी चित्राची चर्चा चांगलीच रंगत आहे. विशेष म्हणजे फेसबूकला ही पोस्ट आल्यानंतर चर्चेला अधिकच उधाण आले आहे. याविषयी चिन चूंग वी यांनी त्यांच्या ब्लॉगमध्ये देखील उल्लेख केला आहे. चिन चूंग वी यांच्या फेसबूकवरील कमेंटचे समर्थन करताना अमेरिकेच्या एका चित्रकाराने त्याच्या ब्लॉगमधील काही भाग टाकलेला आहे. त्यात सावंत बंधूंच्या अमेरिकेतील एका किश्श्याचा उल्लेख आला आहे. तेथेही या ब्लॉगधारकाच्या चित्राची कॉपी करून सावंत बंधूंपैकी एकाने असाच प्रकार केल्याचे लिहिण्यात आलेले आहे. त्या ब्लॉगधारकाने चित्र कॉपी केल्याचा हा प्रकार जजेसच्या कानावरही घातला, तेव्हा जजेसने सावंत बंधूंना बोलावून या प्रकाराबाबत चौकशी केली असता, हे चित्र आम्ही फोटोग्राफ्सवरून काढले असल्याचे सांवत बंधूंनी सांगितले. यापुढे त्यांना असे न करण्याची सूचनाही जजने केली, असेही ब्लॉगमध्ये लिहिण्यात आले आहे.
यावर प्रफुल्ल सावंत यांनीही उत्तर दिले असून, इस्तंबूल ट्रीपमध्ये हे चित्र मी काढले आहे. यातील कार, कलरस्किम, आकाश, गल्ल्यांचे आर्किटेक्चर असे सारे निरखून पहा. बदल तुमच्या लक्षात येतील. मि. चिन यांच्या पेंटिगपेक्षा माझे पेंटिंग वेगळे आहे. सोशल मीडियावर मात्र हा विषय चांगलाच व्हायरल झाला असून, याबाबत विविध मते मतांतरे व्यक्त होताना दिसत आहेत.
मोबाइल अॅप डाउनलोड करा आणि राहा अपडेट
महापालिकेची स्थापना सन १९९२ साली झाली. त्यानंतर महापालिकेने सिडको प्रशासनाकडून ९९ वर्षांच्या करारावर पेलिकन पार्कची जागा हस्तांतर घेतली. सन १९९३ साली तीन लाख रुपये महापालिकेने खर्च करून पेलिकन पार्कची जागा ताब्यात घेण्यात आली. यात पुण्यातील एका खाजगी कंपनीला तीन टप्प्यात विकासासाठी पार्कची जागा देण्यात आली. पहिल्या टप्प्यात खाजगी कंपनीने पेलिकन पार्क उद्यान उभारत त्यामध्ये विविध खेळणी बसविली. अत्याधुनिक आणि मुंबई पुण्यामध्ये दिसणारी खेळणी नाशिकमध्ये उपलब्ध करून देण्यात आली. या खेळण्यांमध्ये बसून मौजमजा करण्यासाठी केवळ नाशिकच नव्हे तर अन्य जिल्ह्यांमधूनही नागरिक येत होते. मात्र, सन १९९५ मध्ये पेलिकन पार्कमध्ये एक दुर्घटना घडली आणि त्यानंतर पार्कला घरघरच लागली. ती अद्याप संपू शकलेली नाही. यात एकेकाळी नाशिकची शान असलेले हे उद्यान बघता बघता संपल्यागत झाले आहे. 
आनंद रोड, रेस्ट कॅम्परोड, लामरोड, हौसन रोड सह अशा वाहतुकीच्या रस्त्यांवर ही मोकाट जनावरे ठिय्या मांडून बसतात. नेमके वाहने येण्याच्या वेळीच अचानक उठून उभे राहतात. त्यामुळे या रस्त्यांवर जनावरांना वाहने धडकण्याचे प्रमाण वाढले आहे. देवळालीतील रेंज परिसरात मोठ्या प्रमाणावर चारा उपलब्ध होतो. तो खाण्यासाठी जनावरांची गर्दी वाढत असून त्यांची गर्दी रस्त्यांवर वाढत आहे. अशा जनावरांना प्रशासनाने ताब्यात घेत गुरुद्वारा रोडवर कोंडवाड्यात डांबणे गरजेचे आहे, असे मत नागरिकांनी मांडले आहे. 
