सोसायटी चेअरमनपदाची निवडणूक
म. टा. वृत्तसेवा, येवला
येवला तालुक्यातील पिंपळगाव जलाल विविध कार्यकारी सेवा सहकारी संस्थेच्या पंचवार्षीक निवडणुकीत जनसेवा पॅनलने बाजी मारत विरोधी स्वाभिमानी पॅनलचा धुव्वा उडवला. संस्थेच्या सर्वच्या सर्व १२ जागांवर विजय मिळवित जनसेवाने सोसायटीवर एकहाती सत्ता प्रस्थापित केली आहे.
ज्ञानेश्‍वर खोकले, विद्यमान चेअरमन दत्तू खोकले, रंगनाथ भोरकडे, सरपंच आत्माराम भोरकडे, विजय भोरकडे, गणेश खुटे, आसाराम खोकले, शाहदू वाघ यांच्या नेतृत्वाखाली जनसेवा पॅनलला निवडणुकीपूर्वीच एक जागा बिनविरोध मिळाली होती. बारा जागांवर झालेल्या निवडणुकीत विनायक भोरकडे, नारायण भोरकडे यांच्या नेतृत्वाखाली स्वाभिमानी पॅनलला एकही जागा जिंकता आली नाही. सर्वसाधारण गटातील आठ जागांवर जनसेवा पॅनलचे साईनाथ नारायण खोकले, साईनाथ बाळकृष्ण खोकले, आप्पा गायकवाड, रंगनाथ भोरकडे, प्रकाश देशमुख, भागवत भोरकडे, अशोक भोरकडे, पुंजाहरी ढिकले हे विजयी झाले. महिला राखीव गटातील दोन जागांवर मंदाबाई भोरकडे, पार्वताबाई खोकले, इतर मागास प्रवर्ग गटातून दत्तू भोरकडे तर अनुसूचित जाती जमाती गटात जयप्रकाश वाघ हे जनसेवा पॅनलचे उमेदवार विजयी झाले.
राजापूर येथे
प्रगतीला साथ
येवला : तालुक्यातील राजापूर येथील विविध कार्यकारी सहकारी सोसायटीच्या पंचवार्षीक निवडणुकीत प्रगती पॅनलला आठ जागा तर, प्रतिस्पर्धी शेतकरी विकास पॅनलला अवघ्या चार जागांवर समाधान मानावे लागले.
बारा जागांसाठी २६ उमेदवार निवडणूक रिंगणात होते. माजी सरपंच परशराम दराडे, एकनाथ वाघ, रमेश वाघ, दिनेश आव्हाड, रामदास जाधव, लक्ष्मण घुगे, एकनाथ आव्हाड यांचे प्रगती पॅनल, तर पंचायत समिती सदस्य पोपट आव्हाड, कैलास मुंडे, शिवाजी बोडखे, अशोक आव्हाड यांचे शेतकरी विकास पॅनल होते. जनजागृती पॅनलचे नेते विजय सानप, अशोक मुंडे यांच्या पॅनलला एकही जागा मिळाली नाही. अतिशय अटीतटीची निवडणूक झाली. सुरुवातीला निवडणूक बिनविरोध होण्याचे प्रयत्न झाले होते. मात्र, प्रयत्न फेल गेल्याने निवडणूक झाली. दोन्ही पॅनलमध्ये महत्त्वाचे उमेदवार पराभूत झाल्याने गावात शांतता निर्माण झाली होती.
या निवडणुकीत प्रगती पॅनलचे विजयी उमेदवार दिनेश आव्हाड (४०४), परशराम दराडे (३७१), अशोक वाघ (३५०), नवनाथ वाघ (३३८), लहानु आव्हाड (३३७), बबन वाघ (३३४), महिला राखीव गटातून पार्वताबाई अलगट (३८७), इतर मागास वर्गातून भाऊसाहेब आगवण (३७३) हे विजयी झाले. शेतकरी विकास पॅनलचे सर्वसाधारण गटातून पोपट आव्हाड (३५०), शिवराम वाघ (३६१), विमुक्त जाती भटक्या जमाती गटातून प्रमोद बोडखे (३४५), महिला राखीव गटात कमळाबाई रामदास घुगे (३३७) हे विजयी झाले. निवडणुकीपूर्वी शिवाजी जाधव बिनविरोध झाले. राजापूर सोसायटी निवडणुकीत परशराम दराडे यांच्या पॅनलला बहुमत मिळाले. सोसायटीवर त्यांची सत्ता आली आहे. या निवडणुकीकडे तालुक्याचे लक्ष लागून होते.
शेमळीत परिवर्तन
सटाणा : बागलाण तालुक्यातील नवी शेमळी विकास सहकारी सेवा सोसाटीच्या पंचवार्षिक निवडणुकीत राष्ट्रवादी शिक्षक संघटनेचे जिल्हाध्यक्ष शांताराम बधान यांच्या परिवर्तन पॅनलने दहा जागा जिंकून यश संपादन केले.
सर्वसाधारण गटातनू शांताराम पंढरीनाथ बधान, विलचंद मांगू वाघ, शिवाजी तुळशिराम जाधव, केवळ रावण जाधव, रामदास गजमल शिंदे, इतर मागास वर्ग गटातून शांताराम पंढरीनाथ बधान, अनुसूचित जाती जमाती गटातून संतोष धोंडू खैरनार, भटक्या विमुक्त जाती जमाती गटातून दत्तात्रेय भिला खांडेकर, महिला राखीव गटातून कासुबाई मधुकर वाघ, सुशीलाबाई प्रकाश वाघ यांनी विजय संपादन केला. सत्ताधारी गटाचे अरुण खंडू पाटील व लक्ष्मण आंनदा वाघ यांना दोन जागांवर समाधान मानावे लागले. निवडणूक निर्णय अधिकारी म्हणून आर. एन. मुसळे यांनी काम पाहिले.
मोबाइल अॅप डाउनलोड करा आणि राहा अपडेट
