म. टा. प्रतिनिधी, नाशिक
शहरातील अनेक शाळांचा दहावीचा निकाल शंभर टक्के लागला आहे. विद्यार्थ्यांनी मिळवलेल्या उत्तुंग यशाबद्दल शाळेच्या वतीने त्यांना गौरविण्यात आले. या यशामध्ये शाळेत राबविले जात असलेले शैक्षणिक उपक्रम, शिक्षकांच्या शिकविण्याच्या पद्धती आणि विद्यार्थ्यांची मेहनतीचा वाटा असल्याचे शाळांच्या वतीने सांगण्यात आले.
न्यू इरा स्कूल
न्यू इरा इंग्लिश शाळेचा दहावीचा निकाल शंभर टक्के लागला आहे. तरल पवार या विद्यार्थ्याने ९६.६० टक्के गुण मिळवत शाळेत पहिला क्रमांक मिळवला. सिद्धी कुलकर्णी या विद्यार्थिनीने ९६.४० टक्के गुण मिळवून द्वितीय क्रमांक तर, काजल असोदेकर या विद्यार्थिनीने ९५.२० टक्के गुण मिळवत तृतीय क्रमांक पटकावला. या शाळेतील ४९ विद्यार्थ्यांनी ९० टक्क्यांपेक्षा जास्त गुण तर १११ विद्यार्थ्यांनी ७५ टक्के व त्यापेक्षा जास्त गुण मिळवले.
मालतीबाई विद्यालय
गोखले एज्युकेशन सोसायटीच्या मालतीबाई कुलकर्णी विद्यालयाचा दहावीचा निकाल ९५ टक्के लागला. भाग्यश्री वैद्य या विद्यार्थिनीने ८५.२० टक्के मिळवून शाळेत पहिली आली. अजय करंगळे हा विद्यार्थी ८२.६० टक्के गुणांसह दुसरा आला. शाळेचे मुख्याध्यापक सोमनाथ जगदाळे यांच्या हस्ते विद्यार्थ्यांना गौरविण्यात आले.
होरायझन स्कूल
होरायझन स्कूलचा दहावीचा निकाल शंभर टक्के लागला. येथील एकूण ८४ विद्यार्थ्यांनी दहावीची परीक्षा दिली होती. त्यापैकी ५६ विद्यार्थी डिस्टींक्शनमध्ये पास झाले आहेत. २६ विद्यार्थी फर्स्ट क्लासमध्ये तर दोन विद्यार्थी सेकंड क्लासमध्ये पास झाले आहेत. यापैकी कुंजल पगार या विद्यार्थ्याने ९५.८० टक्के गुण मिळवत प्रथम क्रमांक पटकावला. साक्षी खैरनार या विद्यार्थिनीला ९४.६० टक्के, पीयूष गुळ्हाणे ९४.४० टक्के, सुश्मिता शिरुडे या विद्यार्थिनीला ९४.००, ऋतुजा माळी या विद्यार्थिनीलाही ९४ टक्के गुण मिळाले आहेत.
रासबिहारी स्कूल
रासबिहारी इंटरनॅशनल स्कूलचा निकाल शंभर टक्के लागला. शाळेतील दहावी इयत्तेतील सर्व विद्यार्थी चांगल्या गुणांनी उत्तीर्ण झाल्याचे शाळेच्या मुख्याध्यापक शिल्पा आहिरे यांनी सांगितले आदित्य शेलार हा विद्यार्थी शाळेत ९५.२० टक्के गुण मिळवून पहिला आला. हर्ष तळोजिया हा विद्यार्थी ९३.२ टक्के गुणांनी आणि दीप्ती कासलीवाल हा विद्यार्थी ९३ टक्के गुणांनी शाळेत तिसरा आला आहे.
फ्रावशी हायस्कूल
फ्रावशीचा निकालही शंभर टक्के लागला असून, सुचेतसिंग वालिया हा विद्यार्थी ९६.८० टक्के गुणांनी पहिला आला आहे. कुमार आव्हाड हा विद्यार्थी ९४.८० टक्के गुणांना दुसरा तर नेहा गोरे ही विद्यार्थिनी ९४.४० टक्के गुणांनी तिसरी आली आहे. परीक्षेस बसलेल्या एकूण विद्यार्थ्यांपैकी ८६ टक्के विद्यार्थी डिस्टींक्शनमध्ये तर १३ टक्के विद्यार्थी फर्स्ट क्लासमध्ये पास झाले आहेत.
सेंट फ्रान्सिस हायस्कूल
तिडके कॉलनीतील सेंट फ्रान्सिस हायस्कूलचा निकाल १०० टक्के लागला आहे. २८८ विद्यार्थी परीक्षेस बसले होते. त्यापैकी २६ विद्यार्थी मेरीट क्लासमध्ये, १३१ विद्यार्थी डिस्टींक्शन, १०९ विद्यार्थी फर्स्ट क्लास व २२ विद्यार्थी सेकंड क्लास मिळवत पास झाले आहेत. त्यातील प्रियल पोकार ९५.६० टक्के गुणांनी शाळेत पहिली आली आहे. सोनाली मुंधे ९५.४० टक्के गुणांनी दुसरी तर मधुरा खैरे या विद्यार्थिनीने ९४.८० टक्के गुणांसह तिसरा क्रमांक मिळविला.
शिवाजी विद्यालय
मखमलाबाद येथील छत्रपती शिवाजी माध्यमिक व उच्च माध्यमिक विद्यालयाचा दहावीचा निकाल ९२.८७ टक्के लागला. शाळेतून परीक्षेसाठी ४०७ विद्यार्थी बसले होते. त्यापैकी ३७८ विद्यार्थी उत्तीर्ण झाले. विद्यालयात प्रथम येण्याचा मान प्रेरणा राजेंद्र उगले हिने मिळविला. तिला ९४.२० टक्के मिळाले. तसेच जयेश प्रल्हाद शिंदे (९३.४० टक्के), अपेक्षा अरुण मोरे (९२.६० टक्के), मयुरी संजय चव्हाण, (९१.४० टक्के) जागृती अशोक पाटील (९१.२० टक्के) यांनी पहिल्या पाचमध्ये येण्याचा मान मिळवला.
व्ही. एन. नाईक
क्रांतीवीर वसंतराव नाईक शिक्षणसंस्थांच्या शाळांचे अनेक विद्यार्थी दहावीत विशेष प्राविण्यासह पास झाले आहेत. राणेनगर, ढकांबे, माळेदुमाला, कासारी, चिंचोली येथील नाईक संस्था सर्व माध्यमिक विद्यामंदिर शाळांचे निकाल शंभर टक्के लागले आहेत. तर दातली, सिन्नर, निफाड, नांदगाव, इगतपुरी, एकलहरे दिंडोरी येथील नाईक संस्थेच्या सर्व शाळांचा निकाल शंभर टक्के लागला आहे.
सेंट पेट्रीक्स
शाळेचा निकाल ९९.१८ टक्के लागला. परीक्षेसाठी १२३ विद्यार्थी बसले होते. रिया मेरी ही ९४.४० टक्के गुण मिळवून प्रथम, जगताप श्रीतेज हा ९३.२० टक्के गुण व्दितीय तर, बायस शिवानी ही ९१.४० टक्के गुण मिळवून तृतीय आली. नूतन विद्यामंदिर शाळेचा ९७.०६ टक्के, अमित पंड्या विद्यामंदिरचा ९७.०८ टक्के, कॅन्टोन्मेन्ट बोर्ड हायस्कूलचा ९२.१२ टक्के तर देवळाली हायस्कूलचा ९७.३३ टक्के निकाल लागला आहे.
डॉ. सुभाष हायस्कूल
देवळाली कॅम्प : शंकर एज्युकेशन सोसायटी संचालित डॉ. गुजर सुभाष हायस्कूलचा इंग्रजी माध्यमाचा निकाल ९८.३० तर, हिंदी माध्यमाचा निकाल १०० टक्के लागला आहे.
इंग्रजी माध्यमाची भाग्यश्री धनराजानी हिने ८९.८० टक्के गुण मिळवत शाळेत प्रथम क्रमांक पटकावला. उदय मुसळे याने ८८ टक्के गुण मिळवून दुसरा तर, गुंजन आसवाणी हिने ८७.८० टक्के गुण मिळवून तृतीय क्रमांक मिळवला. इंग्रजी- हिंदी माध्यमात ८०.८० टक्के गुण मिळवीत धनंजय प्रसाद प्रथम, पूनमकुमारी चौहाण (७८.८०) व्दितीय तर सलोनी पांडे (७८ टक्के) गुण मिळवून तृतीय क्रमांकाने उत्तीर्ण झाली.
गुरू गोविंद सिंग
गुरू गोविंद शाळेचा निकाल १०० टक्के लागला असून, पीयूष कोठावदे हा विद्यार्थी ९५.४० टक्के गुण मिळवून शाळेत पहिला आला आहे. सोनल लोखंडे ९४.२० टक्के गुणांनी दुसरी व गौरव वाडिले हा विद्यार्थी ९३.६० टक्के गुणांनी शाळेत तिसरा आला आहे. तसेच पायल जगताप ही विद्यार्थिनी ९३ टक्के गुण मिळवून शाळेत चौथी व यश देडिया हा विद्यार्थी शाळेत पाचव्या क्रमांकाने यशस्वी झाले आहेत.
न्यू एज्युकेशन सोसायटी
या संस्थेच्या सर्व शाळांनी दहावीच्या परीक्षेत यश मिळाले आहे. यशोदामाता डायाभाई बिटको गर्ल्स हायस्कूल, सरस्वती विद्यालय, निफाड इंग्लिश स्कूल, सोनेवाडी माध्यमिक विद्यालय या सर्व शाळांचा निकाल शंभर टक्के लागला आहे. शहरातील बिटको बॉईज हायस्कूलचा निकाल ९८.२६ टक्के लागला आहे.
मोबाइल अॅप डाउनलोड करा आणि राहा अपडेट
