पॅरामेडिकल अभ्यासक्रमांच्या बाबतीत राज्यभरात माजलेली अनागोंदी आणि त्या शिक्षणाचा ढासळता दर्जा लक्षात घेऊन महाराष्ट्र पॅरामेडिकल अॅण्ड नर्सिंग एज्युकेशन बोर्डची स्थापना करण्यात आली आहे. या बोर्डाला मंत्रिमंडळानेही परवानगी दिली असून याबाबतचे विधेयक पावसाळी अधिवेशनात मांडण्यात येणार आहे, अशी माहिती वैद्यकीय शिक्षणमंत्री डॉ. विजयकुमार गावित यांनी दिली.
पॅरामेडिकल अभ्यासक्रमांवर बोर्डाचे नियंत्रण
↧
↧
मुक्त विद्यापीठाची प्रवेश प्रक्रिया सुरू
यशवंतराव चव्हाण महाराष्ट्र मुक्त विद्यापीठाच्या विविध शिक्षणक्रमांच्या प्रवेश प्रक्रियेला सुरुवात झाली असून येत्या ३१ जुलैपर्यंत ही प्रवेश प्रक्रिया सुरू राहणार आहे. निर्धारित तारखेनंतर प्रवेश घेणाऱ्या विद्यार्थ्यांना २०० रुपये लेट फी भरावी लागणार आहे. लेट फीसह अॅडमिशन घेण्याची मुदत १ ते १६ ऑगस्टपर्यंत असल्याची माहिती विद्यापीठामार्फत देण्यात आली.
↧
अनधिकृत फेरीवाल्यांना हटवा
सिन्नर नगरपालिका हद्दीतील अनधिकृत चायनीज स्टॉल्स व अनधिकृत फेरीवाले यांना तातडीने हटविण्यात यावे, अशी मागणी सिन्नर शहर शिवसेनेच्या वतीने करण्यात आली. दोन दिवसांत नगरपालिकेने कारवाई न केल्यास शिवसेना स्टाइलने आंदोलन करण्यात येईल, असा इशारा शहरप्रमुख राहुल बलक यांनी दिला.
↧
जळगाव कारागृहात हलवण्यासाठी जैन यांचा अर्ज
आपल्याला जळगाव कारागृहात हलवण्यात येण्याचा आदेश आर्थर रोड अधिक्षकांना द्यावा, असा अर्ज जळगाव घरकुल घोटाळ्यातील संशयित आरोपी आ. सुरेश जैन यांनी वकिलामार्फत विशेष कोर्टात केला. यावर ज्येष्ठ नगरसेवक नरेंद्र पाटील यांनी जळगाव महापालिकेच्या निवडणुकीवर नियंत्रण ठेवण्यासाठी केलेली ही खेळी असल्याचा आरोप केला आहे.
↧
खासगी मेडिकल कॉलेजचा सरकारला धसका
मनमानी पद्धतीने शुल्क वाढ करून नफेखोरी करू पाहणाऱ्या खासगी मेडिकल कॉलेजचा धसका राज्य सरकारने घेतला आहे. खासगी मेडिकल कॉलेजच्या या लॉबिंगला वेळीच लगाम घालण्यासाठी यंदाच्या पावसाळी अधिवेशनात कायदा करण्यासाठी विशेष प्रयत्न केले जातील, अशी माहिती वैद्यकीय शिक्षणमंत्री डॉ. विजय गावित यांनी दिली.
↧
↧
क्रीडा संचालकांनी उपक्रमांत भाग घ्यावा
‘विविध कॉलेजच्या क्रीडा संचालकांनी कोणताही अलिप्तपणा न ठेवता विद्यापीठाच्या उपक्रमांमध्ये हरीरिने सहभाग घेणे आवश्यक आहे. क्रीडा शिक्षकांसाठी अनेक संधी उपलब्ध आहेत,’ असा सल्ला पुणे विभाग उच्चशिक्षण सहसंचालक डॉ. सुनील शेटे यांनी दिला. पुणे विद्यापीठ व आर. जी. सपकाळ कॉलेज ऑफ फार्मसी यांच्यातर्फे आयोजित मार्गदर्शन सत्रामध्ये ते बोलत होते.
↧
शहरात १,७५० सीसीटीव्ही कॅमेरे
कुंभमेळ्याच्या पार्श्वभूमीवर शहराच्या विविध भागांत बसवल्या जाणाऱ्या सीसीटीव्ही कॅमेऱ्यांच्या प्रस्तावास पोलिस महासंचालकांनी नुकतीच मान्यता दिली. त्यानुसार शहरात १ हजार ७५० कॅमेरे बसवण्यात येणार असून त्याद्वारे कायदा व सुव्यवस्थेवर देखरेख ठेवण्याचे काम केले जाणार आहे.
↧
दहा लाखांचा धान्यसाठा जप्त
शहरातील तिगरानिया चौकाजवळ एका गोदामामध्ये अनधिकृतरित्या धान्य साठवणूक केली जात असल्याचा प्रकार शुक्रवारी उघडकीस आला. भद्रकाली पोलिस आणि पुरवठा विभाग यांनी संयुक्त केलेल्या कारवाईत साधारण हजार क्विंटल गहू, तांदूळ आणि ज्वारीचा हा साठा ताब्यात घेण्यात आला. खुल्या बाजारात या धान्याची किंमत दहा लाख रुपये आहे.
↧
साखर व कपडे होणार स्वस्त
साखर आणि कपड्यांवरील एलबीटी अर्थात लोकल बॉडी टॅक्स कमी करण्याचा आदेश राज्य सरकारने महापालिकेला दिला आहे. व्यापाऱ्यांनी दिलेल्या बंदच्या इशाऱ्यानंतर हा निर्णय घेतला असावा, अशी शक्यता व्यक्त केली जात आहे.
↧
↧
फुलबाजार जैसे थे
सराफ बाजारातील फुल व्यवसायिकांनी स्थलांतरास ठाम नकार देत महापालिकेच्या कराराला शुक्रवारी केराची टोपली दाखवली. स्थलांतरीत झाल्यास व्यवसायावर परिणाम होण्याची भीती या व्यवसायिकांनी व्यक्त केली.
↧
वाळूचे नऊ ट्रक पकडले
प्रमाणापेक्षा अधिक वाळू वाहतूक करणाऱ्या आणि अवैधरित्या मुरुमाची नाशकात आवक करणाऱ्या एकूण नऊ ट्रकवर महसूल विभागाने शुक्रवारी कारवाई केली. याप्रकरणी विभागाने दोन लाखांचा दंड वसूल केला आहे.
↧
उपयुक्त संशोधनावर पुणे विद्यापीठ भर देणार
केवळ संशोधकांची संख्या वाढून उपयोग नाही. त्या संशोधनाचा समाजाला होणाऱ्या उपयोगाचे मूल्यमापन व्हायला हवे. या दृष्टीने आगामी टप्प्यात पुणे विद्यापीठ उपयुक्त संशोधनावर भर देणार आहे, अशी भूमिका कुलगुरू डॉ. वासुदेव गाडे यांनी मांडली.
↧
'अनमोल नयनतारा'कडून उत्तराखंडसाठी १ लाख
बांधकाम क्षेत्रातील आघाडीची कंपनी अनमोल नयनतारा समूहाच्या वतीने उत्तराखंडमधील पूरग्रस्तांसाठी एक लाख रुपयांची मदत देण्यात आली.
↧
↧
पुणे विद्यापीठ कॅम्पसचा प्रस्ताव उद्या
बहुचर्चित पुणे विद्यापीठाच्या कॅम्पसचा प्रस्ताव सोमवारी सरकारला सादर होणार असल्याची माहिती पुणे विद्यापीठाच्या बीसीयूडीचे संचालक डॉ. व्ही. बी. गायकवाड यांनी दिली. पुणे विद्यापीठाच्या नाशिक विभागीय उपकेंद्रात आयोजित संस्थाचालकांच्या कार्यशाळेत ते बोलत होते.
↧
गोदामातून जप्त साहित्य ३४ लाखांचे
तिगरानिया चौकाजवळील गोदामातून पुरवठा विभागाने जप्त केलेले धान्य आणि ट्रक यांची एकूण मालमत्ता ३४ लाखांची असल्याचे शनिवारी स्पष्ट झाले. याप्रकरणी पवन चौधरी याच्याविरोधात गुन्हा दाखल करण्यात आला आहे. भद्रकाली पोलिस पुढील तपास करीत आहेत.
↧
कालबाह्य टर्बिडिटी मीटरमुळे गढूळ पाणी
नाशिक शहराला पाणीपुरवठा करणा-या जलशुद्धीकरण केंद्रांवर पाण्यातील मातीचे प्रमाण शोधणारे टर्बिडिटी मीटर जुनाट झाल्याने मातीचे प्रमाण शोधणे कठीण झाले आहे. परिणामी शहरात मातीमिश्रित पाण्याचा पुरवठा होत असल्याची बाब पुढे आली आहे.
↧
निकिता, तू खूप शिक... मोठी हो!
'शैक्षणिक विभागातच कार्यरत असल्याने विद्यार्थ्यांना काय अडचणी येतात, हे मला माहीत आहे, त्यातही निकिताने डॉक्टर व्हायचे, इंजिनीअर व्हायचे, अशा पारंपरिक वाटेने न जाता सीए होण्याची वाट निवडली आहे, या वाटेवर तिला कोणतीही अडचण येऊ नये, अशी माझी इच्छा असल्याने मी तिला सखोल मार्गदर्शन करायला तयार आहे.' हे शब्द आहेत प्रज्ञा पांगम यांचे.
↧
↧
गुणवत्तेबाबत तडजोड नाहीच!
पुणे विद्यापीठाच्या विकेंद्रीकरणाचा भाग म्हणून विद्यापीठाचा नाशिक कॅम्पस विकसित करण्यात येणार आहेत. या कॅम्पसच्या शिवनई (ता. दिंडोरी) येथील जागेची पाहणी कुलगुरू डॉ. वासुदेव गाडे यांनी शनिवारी केली.
↧
उपनगर भागात पाण्याचे दुर्भिक्ष्य
उपनगर परिसरातील काही भागांत गेल्या काही दिवसांपासून कमी दाबाने पाणीपुरवठा होत असल्याने सोसायट्यांच्या पाण्याच्या टाक्या भरत नाहीत. त्यामुळे रहिवाशांना तीव्र पाणीटंचाईला सामोरे जावे लागत आहे.
↧
मिशन इलेक्ट्रॉनिक्स
जगातील सर्वाधिक गतीमान इलेक्ट्रॉनिक्स मार्केट म्हणून भारतावर अनेक देशांची नजर आहे. आगामी काळातील इलेक्ट्रॉनिक्स वस्तूंची भारतीय मागणी पाहता चीन, जपान आणि कोरिया या तीन देशांनी आतापासूनच आक्रमक पद्धतीने धोरण स्विकारले आहे.
↧
More Pages to Explore .....
