इगतपुरी तालुक्यातील अतिशय महत्त्वपूर्ण घोटी
ग्रामपालिकेसाठी रविवारी मतदान झाले. ग्रामपालिकेच्या एकूण १७ जागांसाठी ६३ टक्के
मतदान झाले असून सर्वाधिक मतदान वॉर्ड क्रमांक १ व ६ मध्ये तर सर्वात कमी मतदान
वॉर्ड क्रमांक ३ मध्ये झाले. आज (दि. २३) मतमोजणी होणार असून धक्कादायक निकाल
लागण्याची शक्यता आहे.
घोटी ग्रामपालिकेसाठी ६३ टक्के मतदान
↧
↧
विश्वलता महाविद्यालयात मुलीच ठरल्या अव्वल
येथील श्री साईराज शिक्षण प्रतिष्ठाण संचलित
विश्वलता कला, वाणिज्य आणि विज्ञान महाविद्यालयाच्या द्वितीय
व तृतीय वर्षाच्या विविध शाखांचे निकाल जाहीर झाले असून महाविद्यालयाने पुन्हा
एकदा आपला गुणवत्ता दर्जा सिध्द केला आहे. यंदाच्या निकालातही मुलींनींच बाजी मारली
आहे.
↧
जॉईंट फार्मिंग सोसायटीचे संचालक मंडळ बरखास्त करा
पिंपळगाव बसवंत येथील जॉईंट फार्मिंग
सोसायटीच्या जमिनीचा तिढा काही सुटत नाही. यामुळे सभासद शेतकऱ्यांच्या मागणीनुसार
व विशेष सर्वसाधारण सभेत झालेल्या ठरावानुसार जमीन वाटप करण्यास अपयशी ठरलेल्या
पिंपळगाव बसवंत येथील जॉईंट फार्मिंग सोसायटीचे संचालक मंडळ तातडीने बरखास्त करून
जमीन वाटपातील अडसर दूर करावा, अशी मागणी जमीन बचाव संघर्ष समितीने
केली आहे.
↧
अवजड वाहनांच्या स्पर्धेत ‘ज‌िवाचा खेळ’
मुंबई-आग्रा महामार्गावर अवजड वाहनांच्या
चढाओढीचा त्रास इतर वाहनचालकांना सहन करावा लागत आहे. यासाठी महामार्ग पोलिसांनी
अवजड वाहनांनावर कडक कारवाई करावी अशी मागणी होत आहे. अवजड वहाने व ट्रेलर यांच्या
अनेकदा ओव्हरटेक करण्याची स्पर्धाच लागत असल्याने महामार्गावर अपघातांचे प्रमाण
वाढले आहे. याबाबत प्रवाशी तसेच विविध संघटनांकडून अनेकदा तक्रारी करूनही वाहतूक
पोलिस याकडे गांर्भीयाने पाहत नसल्याची तक्रार आहे.
↧
प्रेसच्या अत्याधुनिकीकरणासाठी खासदारांची दिल्लीत चर्चा
इंडिया सिक्युरिटी प्रेस व करन्सी नोट प्रेसचे
अत्याधुनिकरण करावे यासाठी खासदार हेमंत गोडसे यांनी सिक्युरिटी प्रेसचे चीफ
मॅनेजिंग डायरेक्टर एम. एस. राणा यांची नवी दिल्ली येथे भेट घेतली.
↧
↧
शहरातील रस्त्यांची कामे संथ गतीने
शहरात महापालिकेने सुरू केलेली रस्त्यांची कामे
ठेकेदाराकडूनच संथ गतीने सुरू आहेत. यामुळे मुख्य रस्त्याची कामे मनसे अध्यक्ष राज
ठाकरेंच्या ब्ल्यू प्रिंटमध्ये नाहीत का? असा सवाल आता नागरिक उपस्थित करत आहेत. गेल्या चार महिन्यांपासून
सुरू असलेल्या रस्त्यांच्या कामात ठेकेदार देखील वेळकाढूपणा करीत असल्याचा आरोप
नागरिक करीत आहेत.
↧
खासगीकरणासाठी प्रशासनच जबाबदार
चित्रपटमहर्षी दादासाहेब फाळके यांचे मोठ्या
उत्साहात स्मारक उभारणाऱ्या महापालिकेला त्याचे जतन करणे अवघड जात आहे. त्यामुळे
हतबल झालेल्या महापालिकेने फाळके स्मारकाचे खासगीकरण करण्याचा निर्णय घेतला. मात्र, फाळके स्मारक ठेकेदारी पद्धतीने
चालवण्यास घेण्यास ठेकेदारच इच्छुक नाही. निव‌िदा प्रक्रिया सुरू झाल्यापासून
अद्यापपर्यंत एकाही ठेकेदाराने स्मारकात 'रस' घेतलेला
नाही. प्रशासनाची मुदतवाढीची मात्रही चालत नसल्याने नाशिकच्या ‘भूषणा’चे काय होणार असा प्रश्न नागरिकांना पडतो आहे.
↧
फाळके स्मारक तळमळले
पांडवलेणी येथील दादासाहेब फाळके स्मारकातील
बालगोपाळांसाठी लावण्यात आलेल्या खेळण्यांची दयनीय अवस्था झाली आहे. फाळके स्मारक
चालविण्यास खाजगी ठेकेदाराकडे दयायचे की, महापाल‌िकेकडेच ठेवायचे याबाबत निर्णय होत नसल्याने खेळण्यांची
दुरुस्ती आणि देखभाल होत नाही. स्मारकातील अनेक प्रदर्शन हॉल मोकळेच पडून आहेत.
यामुळे नाशिकची ओळख सांगणारे स्मारकाची दयनीय अवस्थेत पडून आहे.
↧
९,४२० जणांनी दिली तलाठी परीक्षा
जिल्ह्यातील तलाठी पदांच्या पदासाठी जिल्हा
प्रशासनातर्फे घेण्यात आलेली लेखी परीक्षा शांततेत पार पडली. स्टाफ सिलेक्शनचीही
परीक्षाही रविवारी झाली. या दोन्ही परीक्षेला एकूण १० हजार ७१२ परीक्षार्थींनी
हजेरी लावली.
↧
↧
बांधकामे अपूर्ण तरीही पूर्णत्वाचा दाखला
पिंपळगाव बसवंत येथे बेकायदेशीर पद्धतीने
बांधकाम केले जात असताना स्थानिक ग्रामपंचायतीच्या मुखंडांनी चक्क अर्धवट
बांधकामांनाही बांधकाम पूर्णत्वाचा दाखला प्रदान केल्याची बाब उघडकीस येत आहे.
मंडल अधिकाऱ्यांनी केलेल्या पंचनाम्यातून ही बाब समोर आली असून, यामुळे ग्रामपंचायतीचा भोंगळ कारभार
पुन्हा एकदा चव्हाट्यावर आला आहे.
↧
स्थायी निवडणुकीनंतरच बजेटला मुहूर्त
स्थायी समिती सभापतीपदाची निवडणूक जाहीर झाली
असून, निवडीची
प्रक्रिया ३० जून रोजी होणार आहे. स्थायी समितीच्या निवडणुकीनंतरच बजेट सादर
होण्याची शक्यता आहे. आणखी किती काळ वाट पाहायची, असा सवाल नगरसेवकांकडूनच उपस्थित केला जातो आहे.
↧
शहरात विनयभंगाच्या दोन घटना
शहरात आडगाव आणि नाशिकरोड पोलिस स्टेशनच्या
हद्दीत विनयभंगाच्या दोन घटना घडल्या. यामध्ये दोघांवर गुन्हा दाखल करण्यात आला
असून, आडगावच्या
गुन्ह्यातील आरोपीला अटक करण्यात आली आहे. सुनील सुरेश साळुंखे (२६, रा. रामनगर, मूळ रा. कळवण) असे अटक केलेल्या
आरोपीचे नाव आहे.
↧
यादी विलंबाने उमेदवारांची निराशा
पोलिस भरती प्रक्रियेतील उमेदवारांच्या गुणांचा
तक्ता रविवारी रात्री आठपर्यंत पोलिस प्रशासनाने प्रदर्शित न केल्याने उमेदवारांची
घोर निराशा झाली. हा तक्ता सकाळी दहाला प्रदर्शित केला जाणार असल्याचा फलक पोलिस
प्रशासनाने लावला होता. रात्री दहापर्यंत तो प्रदर्शित करण्यात आला नाही. सकाळी
नऊपासून मुख्यालयाच्या आवारात येऊन थांबलेल्या शहरातील व शहराबाहेरील उमेदवारांना
निराश होऊन परतावे लागले.
↧
↧
वाइन पर्यटनासाठी वेबसाइट
नाशिक जिल्ह्यात वाइन पर्यटनाला चालना
देण्यासाठी स्वतंत्र वेबसाइटची निर्मिती करुन त्याद्वारे वाइन पर्यटनाचा प्रसार
करण्याचे निश्चित करण्यात आले आहे. वाइन पर्यटन सल्लागार समितीची बैठक मुंबईत
नुकतीच झाली. त्यात विविध विषयांवर चर्चा करण्यात आली.
↧
मालगाडीची व्हील ट्रॉली निखळली
लासलगाव रेल्वे स्थानकात रविवारी पहाटे २ वाजेच्या दरम्यान मालगाडीच्या एक
डब्याची व्हील ट्रॉली निखळून पडली. मध्य रेल्वे लाईनवरील अनेक प्रवासी गाड्यांना
या घटनेमुळे दीड ते दोन तास ताटकळत उभे राहावे लागले. कोलकात्ता येथे कांदा
पाठविण्यासाठी लासलगाव रेल्वेस्थानकातील मालधक्क्यावर रॅक लोड करण्याचे काम सुरू
होते. यावेळी निफाड येथून कांदा भरून आलेल्या मालगाडीचे डबे जोडण्याचे काम सुरू
होते.
↧
वाहतूक बेटांना मिळणार झळाळी?
महाराष्ट्र नवनिर्माण सेनेचे अध्यक्ष राज ठाकरे
यांच्या दौऱ्यानंतर मनसेने पुन्हा एकदा कामांच्या पाहणीस सुरुवात केली आहे.
नगरसेवक आपआपल्या वार्डातील साफसफाईसह इतर कामात गुंतल्याचे चित्र दिसून येत आहे.
महापौर अॅड. यतीन वाघ यांनीही ठिकठिकाणी भेटी देण्यास सुरुवात केली आहे. वाघ यांनी
रविवारी सकाळी त्र्यंबकरोडवरील वाहतूक बेटांची पाहणी करून संबंधीत प्रायोजकाशी
चर्चा केली.
↧
आयुक्त मिळेल का आयुक्त ?
अधिवेशन संपण्यापूर्वी महापालिकेसाठी
कायमस्वरूपी आयुक्त नियुक्त करण्यात येतील, असे मुख्यमंत्र्यांनी दिलेल्या आश्वासनास आता १३ दिवसांपेक्षा जास्त
कालावधी उलटला आहे. मात्र, अजूनही
कोणत्याच हालचाली झाल्या नसल्याने महापालिकेच्या कामकाजावर विपरीत परिणाम होत आहे.
यामुळे नाशिक महापालिकेला आयुक्त मिळेल का आयुक्त ? असे म्हणण्याची वेळे आली आहे.
↧
↧
घरकुलात आता ‘क्षणभर विश्रांती’
मानसिकदृष्ट्या अपंग असलेल्या तरुण व प्रौढ
मुलींचे प्रश्न लक्षात घेऊन त्यांच्यासाठी पिंपळगाव बहुला येथे हक्काचे ‘घरकुल’ उभारणाऱ्या विद्याताई फडके आता ‘क्षणभर विश्रांती’च्या
माध्यमातून रिक्रिएशन क्लबची स्थापना करीत आहेत. विशेष प्रौढ मुलींसाठी काम करणारी
उत्तर महाराष्ट्रात ही पहिलीच संस्था आता विशेष मुलांच्या पालक आणि समाजात संवाद
वाढविण्यासाठी व्यासपीठ उभारत आहे. या उपक्रमांतून सर्वसामान्यांना दगदगीच्या
जीवनातून क्षणभर विश्रांती मिळेल तसेच मानसिकदृष्ट्या अपंगांसाठी हा उपक्रम सेतू
ठरेल, असा विश्वास
विद्याताई फडके यांनी व्यक्त केला आहे.
↧
इंदिरानगर-सिडकोत आज पाणीपुरवठा बंद
नवीन नाशिक विभागातंर्गत शिवाजीनगर जलशुध्दीकरण केंद्र ते अंबड जलकुंभापर्यंत थेट पाइपलाइन टाकण्याचे काम सुरू आहे. याकामातंर्गत अंबड जलकुंभ येथे ९०० मीलीमीटर व्यासाच्या जलवाहिनीचे काम हाती घेण्यात येणार असून, त्यामुळे आज, मंगळवारी सिडको परिसरातील अनेक ठिकाणांचा दुपार तसेच संध्याकाळचा पाणीपुरवठा होणार नाही.
↧
हायवेपर्यंत पोचणे होणार सोपे
शहरातील
लिंकरोड, मध्य रिंगरोड आणि बाह्य रिंगरोडची रखडलेली कामे
येत्या सिंहस्थाच्या आत पूर्ण झाल्यास शहरातील कोणत्याही भागातून अवघ्या १० ते १५
मिनिटांत हायवेपर्यंत पोहचणे शक्य होणार आहे. याबरोबर शहराच्या मध्यवर्ती भागातील
वाहतूक पूर्णतः शहराबाहेरून वळल्याने वाहतूक कोंडीची समस्या काही प्रमाणात
सुटण्याची चिन्हे आहेत.
↧
