आगामी सिंहस्थ कुंभमेळ्यासाठी सुमारे दोन हजार
कोटीहून अधिक रुपये खर्च केले जाणार आहेत. मात्र, त्यापैकी किती
पैसे गोदावरी नदीचे प्रदूषण रोखण्यासाठी खर्च होणार आहेत किंवा त्यासाठी नक्की
किती तरतूद करण्यात आली आहे, असा प्रश्न मुंबई हायकोर्टाने राज्य
सरकारला विचारला आहे. गोदावरी प्रदूषणाबाबतच्या याचिकेवर गुरुवारी सुनावणी झाली.
गोदा प्रदूषणमुक्तीसाठी किती खर्च करणार ?
↧
↧
कुंडीतल्या वडाचाच उरला आधार!
गेल्या काही वर्षांत शहरात सिमेंटचे जंगल वाढत
असतानाच वड, पिंपळ अशा मोठ्या झाडांची सर्रास कत्तल करण्यात आली. शहरीकरण व औद्योगिकीकरणाच्या रेट्यात शहरातील अनेक
मोठ्या झाडांचा बळी गेला. शहरात सध्या सुरू असलेल्या रस्ता रुंदीकरणाच्या कामातही
वडाची अनेक झाडे नष्ट झाली आहेत. त्यामुळेच यंदा वटपौर्णिमा साजरी करण्यासाठी वट‍वृक्ष
न मिळाल्याने काही ठिकाणी महिला वर्गाला कुंडीत लावलेल्या वडाची पूजा करावी लागली.
↧
घोटीला नगरपालिकेचा दर्जा द्या
घोटी शहर हे जिल्ह्याची नामांकीत बाजारपेठ असून
महत्त्वाची उद्योगनगरी आहे. शहराची वाढती लोकसंख्या व व्यापक भौगोलिक विस्तार या
पार्श्वभूमीवर ग्रामपंचायतीकडून होणाऱ्या विकासकामांवर मर्यादा येत आहेत. या
पार्श्वभूमीवर नगरपालिका निर्मितीसाठी शासनाच्या सर्व अटींची घोटीकरांनी पूर्तता
केली असल्याने घोटी नगरपालिका निर्मितीसाठी शासनाने तत्काळ निर्णय घ्यावा, असे
सांगत घोटी शहरवासीयांच्या वतीने मुंबई उच्च न्यायालयात जनहीत याचिका दाखल
करण्याचा इरादा घोटीतील सामाजिक कार्यकर्ते अण्‍णासाहेब डोंगरे व मुन्ना शेख यांनी
व्यक्त केला आहे.
↧
रविवारी आदिवासी जागृती परिषद
महाराष्ट्र सरकार काही समाजांचा अादिवासी
प्रवर्गामध्ये समावेश करीत असल्याच्या निषेधार्थ आदिवासी संस्थांच्या वतीने
आदिवासी जागृती परिषदेचे आयोजन करण्यात आले आहे. ही परिषद रविवारी सकाळी १० ते ५
या वेळेत दादासाहेब गायकवाड सभागृहात होणार आहे. माजी आदिवासी विकासमंत्री मधुकर
पिचड यांच्यासह राज्यातील आदिवासी आमदार व प्रमुख नेते परिषदेत सहभागी होणार आहेत.
↧
त्र्यंबकमध्ये हरिनामाचा गजर
शेकडो वर्षांच्या परंपरेने भागवत धर्माचे आद्य
संस्थापक संत निवृत्तीनाथ महाराज यांची पालखी विठुमाऊलीच्या भेटीसाठी रवाना झाली
आहे. त्र्यंबकेश्वर ते पंढरपूर असा २७ दिवसांचा पायी प्रवास सुरू झाला असून,
सुमारे
४० दिंड्या या सोहळ्यात सहभागी झाल्या आहेत. टाळ मृदुंग, डोयीवर तुळस
घेतलेल्या वयोवृध्दा हरिनामाचा गजर करत आषाढीच्या ओढीने मार्गस्‍थ झाले आहेत.
↧
↧
एलबीटी नको, १% सरचार्ज चालेल
जकात नकोच, पण एलबीटीही
नको. एलबीटीला पर्याय म्हणून व्हॅटमध्ये एक टक्का सरचार्ज भरण्यास तयार असल्याचे
नाशिक शहरातील प्रमुख २६ व्यापारी उद्योजक संघटनांच्या पदाधिकाऱ्यांनी महापौरांना सांगितले.
मुख्यमंत्री पृथ्वीराज चव्हाण यांना संघटनांच्या भावाना कळवण्याचे आश्वासन महापौर
अॅड. यतीन वाघ यांनी यावेळी दिले.
↧
बांगलादेशी तरुणीकडून देहविक्री
बांगलादेशी तरुणीला देहविक्रेय लावल्याचा
प्रकार अंबड पोलिस स्टेशनच्या हद्दीत उघडकीस आला आहे. याप्रकरणी पोलिसांनी पाच
जणांवर गुन्हा दाखल केला आहे. २०१३ पासून कलकत्ता, मुंबई, अहमदनगर
पाठोपाठ नाशिकमध्ये हा प्रकार घडला.
↧
सहा महिन्यांनंतर लागला सेटच्या निकालाचा मुहूर्त
सहाय्यक प्राध्यापक पात्रता पदासाठी घेण्यात
येणाऱ्या राज्य चाचणी परीक्षा (सेट)चा निकाल गुरूवारी (१२ जून) रोजी जाहीर झाला.
ही परीक्षा पुणे विद्यापीठातर्फे १ डिसेंबर २०१३ मध्ये घेण्यात आली होती. या
परीक्षेसाठी एकूण ६९६४१ परीक्षार्थी बसलेले होते. त्यापैकी २८१० जण उत्तीर्ण झाले.
या परीक्षेचा निकाल ४.०३ टक्के लागला.
↧
डेंग्यूचा पहिला पेशंट आढळला
गेल्या वर्षी पावसाळ्यात धुमाकूळ घालून
नागरिकांना त्रस्त करणाऱ्या डेंग्यू आजाराचा पहिला पेशंट पावसाळा सुरू
होण्यापूर्वीच आढळून आला आहे. जेलरोड परिसरातील महालक्ष्मीनगर येथील पंचक येथे ४२
वर्षीय व्यक्तीस डेंग्यूची लागण झाली असल्याचे आढळून आले.
↧
↧
आदिवासींच्या आंदोलनाचा आदिवासींनाच फटका?
पावसाळ्यात आदिवासी गावांमध्ये राबविण्यात
येणाऱ्या नवसंजीवनी योजनेची बैठक आदिवासी बांधवांच्याच आंदोलनामुळे गुरुवारी रद्द
करावी लागली आहे. आदिवासी बांधवांनी आदिवासी विकास आयुक्तालयाला घेराव घातल्याने
प्रकल्प अधिकारी बैठकीला अनुपस्थित राहू शकले नसल्याने जिल्हाधिकाऱ्यांच्या
अध्यक्षतेखालील ही बैठकच होऊ शकली नाही.
↧
चौथ्या दिवशीही उपोषण सुरूच
सिन्नर तालुक्यातील माळेगाव औद्योगिक वसाहतीतील
टीआय सायकल या कारखान्यातील कामगारांनी आपल्या न्याय मागण्यासाठी कंपनीच्या गेटवर
बेमुदत उपोषण सुरू केले आहे. चार दिवस होऊनही उपोषणाकडे व्यवस्थापणाने लक्ष न
दिल्याने सात उपोषणकर्त्यांची प्रकृती गंभीर झाली आहे. या उपोषणाला पाठिंबा
देण्यासाठी सिटूतर्फे शनिवारी (दि. १४) तहसील कार्यालयावर मोर्चा काढण्यात येणार
आहे.
↧
मालेगाव तालुक्यात खरिपाच्या मशागतीला वेग
शेतकरी खरीप हंगामाच्या पेरणीपूर्व मशागतीला
लागला असून बियाणे, खते
घेण्यासाठी लगबग सुरू झाली आहे. यावर्षीही मका आणि कापूस लागवडीवर शेतकऱ्यांचा भर
आहे. खत विक्रेत्यांना शासनाचे नियम धाब्यावर बसवून निर्धारीत किंमतीपेक्षा जास्त
किंमतीने बियाणे विक्री सुरू केल्याने हंगामाच्या सुरुवातीलाच शेतकऱ्यांच्या शोषण
करण्यास सुरुवात केली आहे.
↧
वाहन नोंदणीवरून आरटीओला घेराव
दर महिन्याला होणाऱ्या वाहन नोंदणी शिबिरात
कपात करण्याचा राज्य परिवहन विभागाने नुकताच निर्णय घेतला. हा निर्णय वाहनधारकांना
वेठीस धरणारा असल्याचा आरोप करत बुधवारी संतप्त शिवसैनिकांनी सटाण्यात आरटीओला
घेराव घालून सुमारे एक तास वाहन नोंदणी बंद पाडली. महिन्यातून सटाण्यात तीन वेळा
वाहन नोंदणी शिबिर घेण्याची मागणी यावेळी आंदोलनकर्त्यांनी केली.
↧
↧
नांदगाव, येवल्यात कार्यकर्त्यांचे मुंडण
केंद्रीय ग्रामविकास मंत्री गोपीनाथ मुंडे यांच्या दशक्रिया विधीनिमित्त
नांदगाव तालुक्यातील त्यांच्या हजारो चाहत्यांनी मुंडन करून श्रद्धांजली अर्पण
केली. नांदगाव तालुक्यात गोपीनाथ मुंडे यांना मानणारा मोठा वर्ग होता. तालुक्यात
त्यांचे जिव्हाळ्याचे संबध होते.
↧
६०२ कर्मचाऱ्यांचा घरभाडे भत्ता बंद
तालुक्यातील जिल्हा परिषदेच्या सेवेत असणाऱ्या व मुख्यालयी न राहणाऱ्या ६०२
कर्मचाऱ्यांचा घरभाडे भत्ता बंद करण्यात आला आहे. मे महिन्याच्या वेतनातून घरभाडे
भत्ता वजा करून पगार बिल जिल्हा परिषदेकडे पाठवण्यात आले आहे.
↧
इगतपुरीतील ग्रामपंचायती बिनविरोध
इगतपुरी तालुक्यात जून महिन्यात मुद्दत संपलेल्या सुमारे ३७ ग्रामपंचायतीच्या
पंचवार्षिक सार्वत्रिक निवडणुका या महिन्यात होत आहेत. या पार्श्वभूमीवर
माघारीच्या प्रक्रियेत पिंपळगाव घाडगा, वाळविहीर, आवळखेड, भावली खुर्द आणि
चिंचलेखैरे या चार गावांनी स्थानिक पातळीवर मतभेद बाजूला सारून संपूर्ण
ग्रामपंचायत बिनविरोध निवडली आहे.
↧
येवल्यात पालिका कर्मचाऱ्यांचे धरणे
नगरपालिका कर्मचाऱ्यांच्या प्रलंबित मागण्यांसाठी भारतीय मजदूर संघाच्या वतीने
नगरपालिका कार्यालयासमोर जोरदार घोषणाबाजी करत धरणे आंदोलन करण्यात आले.
नगराध्यक्ष नीलेश पटेल यांच्यासोबत संघटना पदाधिकाऱ्यांनी मागण्यांसंदर्भात चर्चा
केली.
↧
↧
नामकरणावरून दोन गटात वाद
बागलाण तालुक्यातील करंजाड येथील मराठा
विद्याप्रसारक समाज संचलित हायस्कूलच्या नामकरणावरून दोन गटात वाद उफाळून आला आहे.
मविप्रच्या मध्यवर्ती कार्यालयात नामकरणावरून एका टोळक्याने धुडगूस घातल्याने खळबळ
उडाली आहे.
↧
मेळाच्या बंधाऱ्याला मिळाले पाणी उपलब्धता प्रमाणपत्र
ममदापूर परिसरातील गावांना वरदान ठरणाऱ्या
मेळाच्या साठवण प्रकल्पाला जलविज्ञान प्रकल्पाने पाणी उपलब्धता प्रमाणपत्र दिले
आहे. यामुळे या प्रकल्पाच्या कामाला गती मिळणार आहे. पालकमंत्री छगन भुजबळ यांनी
यासाठी संबधितांच्या बैठका घेवून अधिकाऱ्यांना सूचना केल्या होत्या.
↧
खोटे पंचनामे पडणार महागात
तालुक्यातील गारपीट आणि अवकाळी पावसामुळे
झालेल्या नुकसानीचे पंचनामे करताना मोठ्या प्रमाणात गैरप्रकार झाल्याच्या तक्रारी
वाढल्यामुळे तहसीलदार आश्विनीकुमार पोतदार यांनी सर्व पंचनाम्याची चौकशी करण्याचे
आदेश दिले आहेत.
↧
More Pages to Explore .....
