सार्वजनिक बांधकाममंत्री छगन भुजबळ, जलसंपदामंत्री
सुनील तटकरे, केंद्रीय
राज्यमंत्री मिलिंद देवरा, प्रतिक
पाटील यांच्यासह अनेक दिग्गजांचे राजकीय भवितव्य गुरुवारी मतदानयंत्रात बंद झाले. गेल्या
लोकसभा निवडणुकीच्या तुलनेत काही प्रमाणात मतांची टक्केवारी वाढल्याने त्याचा लाभ
कोणत्या राजकीय पक्षाला होणार याबाबत राजकीय पक्ष व उमेदवारांकडून दावे-प्रतिदावे
केले जात आहेत.
टक्कावाढीचे दावे-प्रतिदावे
↧
↧
वगळलेल्या नावांची विशेष चौकशी
जिल्ह्यात गेल्या वर्षभरात वगळण्यात आलेल्या
मतदारांच्या अडीच लाख नावांची विशेष चौकशी करण्याची घोषणा जिल्हाधिकाऱ्यांनी केली
आहे. सर्वच पक्षाच्या मतदारांनी याबाबत मोठ्या प्रमाणात तक्रारी केल्याने
प्रशासनाने हा निर्णय घेतला आहे. त्यामुळे येत्या विधानसभा निवडणुकीत मतदार यादी
सदोष होईल, अशी
अपेक्षा प्रशासनाला आहे.
↧
दोन दिवस लोडशेडिंगची शक्यता
राज्याला वीजपुरवठा करणाऱ्या अकोला-औरंगाबाद या ४०० के.व्ही.
अतिउच्चदाब वाहिनीवर महत्त्वाचे दुरुस्तीचे काम करायचे असल्याने नाशिक शहरातील
वीजपुरवठा शुक्रवार ते रविवार ( २५ ते २७ एप्रिल) रोजी बंद राहण्याची शक्यता
महावितरणने वर्तवली आहे.
↧
सुधाकर बडगुजरांना घेतले ताब्यात
महापालिकेचे विरोधीपक्ष नेते सुधाकर बडगुजर यांच्या
मोटारीत काही हत्यारे आढळल्याच्या कारणावरून अंबड पोलिसांनी त्यांच्यासह तिघांना
ताब्यात घेतले. गुरूवारी दुपारी हा प्रकार घडला. या प्रकाराचा निषेध करण्यासाठी
शिवसेना भाजपच्या पदाधिकाऱ्यांनी अंबड पोलिस स्टेशनसमोर ठिय्या आंदोलन केले.
यामुळे सायंकाळपर्यंत येथे तणावाचे वातावरण होते.
↧
नांदुरी, वाघ महाविद्यालयात मतदारांची गर्दी
नाशिक लोकसभा मतदारासंघातील पंचवटी विभागात सकाळी
मतदारांमध्ये मतदानाबाबत फारसा उत्साह दिसून आला नाही. के. के. वाघ कॉलेज व
नांदुरी येथील मनपा शाळा, श्रीराम
विद्यालय व आडगाव येथे मतदार रांगा लावून उभे होते. मात्र, हिरावाडी, म्हसरूळ
येथे फारशी गर्दी नव्हती. दुपारनंतर मतदार घराबाहेर पडल्याने मतदानाची टक्केवारी
वाढली.
↧
↧
मतदानासोबत अफवांना जोर
लोकसभा निवडणुकीसाठी नाशिक मतदारसंघात मतदानाच्या
टक्क्यासह अफवांनीही वेग धरला होता. यात सिडकोत दीडतास लाईट गेल्याने मतदानयंत्र
बंद यासह विविध ठिकाणी पैसे वाटप होत असल्याच्या अफवा पसरत होत्या. सकाळपासून सुरू
झालेला हा अफवांचा बाजार संध्याकाळपर्यंत कायम होता.
↧
सिन्नरमध्ये पैशांसह कार ताब्यात
नाशिक लोकसभेच्या पंचवार्षिक निवडणुकीत सुळेवाडी येथे मतदारांना पैसे वाटताना रंगेहाथ पकडले असून त्यांना स्‍थानिक कार्यकर्त्यानी पोलिसांच्या ताब्यात दिले. यामध्ये फोर्चुनर कारसह चाळीस हजार रुपये ताब्यात घेतले आहेत. या घटने व्यतिरिक्त सिन्नर तालुक्यात कुठलाही अनुचित प्रकार न घडता मतदान शांततेत पार पडले. तालुक्यात सायंकाळी पाच वाजेपर्यंत ५१ अक्के मतदान झाले होते.
↧
यादीतून अनेकांची नावे गायब
सिडको परिसरात लोकसभा निवडणुकीसाठी गुरूवारी झालेले
मतदान किरकोळ वाद वगळता शांततेत पार पाडले. या विभागासाठी दीडशेहून अधिक बूथ
लावण्यात आले होते. तेथे सुमारे ५० ते ६० टक्के सरासरी मतदान झाल्याचे समजते.
पवननगर, उत्तमनगर, अंबडगाव
या भागातील बऱ्याच मतदारांना नावे सापडली नाहीत. या मंडळींना रिकाम्या हातानेच घरी
परतावे लागले.
↧
मतदानात मध्य नाशिक संमिश्र
लोकसभा निवडणुकीतील मतदानाच्या एकूण टक्क्यात यंदा वाढ झाली
असली तरी शहरी भागातून अपेक्षित प्रतिसाद मिळाला नाही. यात गंगापूररोड, कॉलेजरोडसारख्या
उच्चभ्रू वस्तीचाही समावेश असून, या मध्य नाशिक परिसरात जेमतेम ४५
टक्क्यापर्यंत मतदान झाले.
↧
↧
ग्रामस्थांचे बहिष्काराचे अस्त्र
जिल्ह्यात सर्वत्र मतदानाचा उत्साह असला तरी काही
गावांनी मात्र बहिष्काराचे अस्त्र वापरुन त्यांचा रोष व्यक्त केला. त्यामुळे
लोकसभा निवडणुकीत मतदानाच्या महत्त्वाच्या प्रक्रियेमध्ये जिल्ह्याच्या सर्वच
भागांचा सहभाग मिळू शकलेला नाही.
↧
मतदारांना पैसे वाटप
बागवानपुरा, खडकाळी परिसरात विशिष्ट
उमेदवाराला मतदान करावे यासाठी मतदारांना पैशांचे वाटप केले जात असल्याचा प्रकार
पोलिसांनी उघडकीस आणला. या प्रकरणी भद्रकाली पोलिसांनी संशयित माजी नगरसेवक
नासिरखान रज्जाक खान पठाण उर्फ बबलू पठाण (४८, रा. बागवानपुरा) याच्यासह
दोन दूग्ध व्यावसायिक बंधुंवर गुन्हा दाखल केला आहे.
↧
पैसे वाटपाच्या आरोपावरून तणाव
मध्य नाशिक मतदार संघात सकाळपासून धिम्या गतीने सुरू
असलेल्या मतदानाच्या प्रक्र‌ियेला गालबोट लागले. बागवानपुरा परिसरात काही
नेत्यांच्या माध्यमातून मतदारांना पैशांचे आम‌िष दाखव‌िले जात असल्याची माह‌िती
पोल‌िसांना म‌िळताच त्यांनी केलेल्या कारवाईनंतर काही वेळ जुन्या नाश‌िकमध्ये
तणावाचे वातावरण होते.
↧
मतदारांनी लुटला फिरण्याचा आनंद
मतदानाची सुट्टी मिळाल्याने अनेक कुटुंबांनी सकाळीच मतदान
उरकून पर्यटनस्थळी जाणे पसंत केले. त्यामुळे नाशिकच्या जवळपास असलेली सर्व
प्रेक्षणीयस्थळे पर्यटकांनी ओसंडून वाहत होती. मतदानाची आयती सुटी चालून आल्याने
शहरातील अनेक कुटुंबांनी बच्चे मंडळींसह सुटीचा आनंद लुटला.
↧
↧
सर्वच उमेदवारांकडून नियमांचे उल्‍लंघन
निवडणूक आयोगाने घरपोच व्होटर स्लिप पोहोचण्यासाठी
केलेल्या नियोजनाचा बोजवारा उडाला. तसेच, उमेदवारांच्या नावाने
कोणत्याही पक्षाने व्होटर स्लिप वाटू नये, असे निर्देशही देण्यात
आले होते. मात्र, या
नियमाचे सर्व पक्षाच्या उमेदवारांनी सर्रास उल्‍लंघन केले. राष्ट्रवादी काँग्रेस, शिवसेना, महाराष्ट्र
नवनिर्माण सेना, माकप
आदी पक्षाच्या उमेदवारांच्या फोटो व निशानीसह व्होटर स्लिप मतदान केंद्राबाहेर
वाटल्या जात होत्या.
↧
त्यांना आधार वडापावचाच!
अरे, नाष्टा आणला नाही का अजून पोटात कावळे
कोकायला लागले…काका, काहीतरी मागवा राव आता उभे रहायलाही जीव
नाही…पोटात
भर टाकायलाच लागेल आता! हे संवाद आहेत पोलिंग बुथजवळचे, मतदारयादीत
नाव शोधून देणाऱ्यांचे तसेच ड्युटीला उभ्या असलेल्या पोलिसांचे.
↧
लॅपटॉपने हलका केला ताण
‘या
प्रभागात तुमचे नाव नाही काका, तुम्ही असे करा ना, शेजारच्या प्रभागात पहा’... ‘अहो, बाबा
तुमचे नाव या यादीत नाही तुम्ही दुसरीकडे शोधा बरं!’ प्रत्येक निवडणुकीला
कानावर येणारा हा संवाद यंदा मात्र ऐकू आलाच नाही. त्याला कारण म्हणजे आधुनिक
झालेली यंत्रणा. प्रत्येक दहा पावलांवर लॅपटॉपवरच मतदारांना नाव शोधून मिळत
असल्याने यंदा नाव शोधण्यासाठी फारसे परिश्रम करावे लागले नाही.
↧
नाशिकरोडला शांततेत मतदान
संवेदनशील असलेल्या नाशिकरोड परिसरात लोकसभा निवडणुकीसाठी गुरुवारी शांततेत मतदान पार पडले. मतदानाला सकाळपासून वेग आला होता मात्र दुपारनंतर त्यात शिथीलता आली. मतदान प्रक्रीया विना अडथळा पार पडल्याने प्रशासनानेही सुस्कारा टाकला.
↧
↧
जुन्या नाश‌िकमध्ये संथ प्रतिसाद
मतदानासाठी घरोघरी जाऊन उमेदवारांनी केलेल्या
आवाहनानंतरही जुन्या नाश‌िकमधून मतदानास संथ प्रतिसाद मिळाला. सकाळ आणि
दुपारच्या तुलनेत दुपारी चार वाजेनंतर मात्र मतदान केंद्रांच्या आवारात मोठ्या
रांगा लागल्या होत्या.
↧
आधी मतदान, मग लग्न!
आधी मतदान करेन आणि मगच लग्नाच्या बोहल्यावर चढेन, असा
निश्चय नाशिकरोडच्या चेहडी परिसरातील मीनाक्षीने केला आणि तो सार्थ ठरवत गुरुवारी
मतदान करुनच ती विवाह मंडपात आली.
↧
मतदान यंत्र बदलण्याची नामुष्की
वारंवार मतदान यंत्रांची चाचणी घेतल्याचे आणि मॉक पोल
करण्यात आल्याचा दावा करणाऱ्या निवडणूक यंत्रणेला मात्र, अनेक
ठिकाणी मतदान यंत्र मतदानाच्या दिवशीच बदलावे लागले. या नामुष्कीमुळे मतदान
यंत्रांची कडक चाचणी आवश्यक बनली आहे.
↧
More Pages to Explore .....
