म. टा. वृत्तसेवा, नाशिकरोड
नाशिकरोड येथे श्री महेश नवमीनिमित्त शोभायात्रा काढण्यात आली. विद्यार्थी गुणगौरव, वृक्षरोपण, विविध स्पर्धा आदी उपक्रम झाले. खासदार हेमंत गोडसे यांचा समाजातर्फे सत्कार करण्यात आला.
देवी चौकातील लक्ष्मीनारायण मंदिराजवळ बग्गीमध्ये भगवान शंकराची प्रतिमा ठेवून शोभायात्रेला सुरवात झाली. शिवाजी पुतळा, बिटको चौक, मुक्तिधाम, आर्टिलरी सेंटर रोडमार्गे खोले मळ्यातील महेश भवनपर्यंत शोभायात्रा काढण्यात आली. शोभायात्रेत बॅण्ड, ढोल पथक तसेच लाल व केशरी साड्या घातलेल्या माहेश्वरी महिला भगिनी व पांढऱ्या कपड्यातील बांधव सहभागी झाले. एकही नारा, एकही संदेश, जय महेश, जय महेश अशा घोषणा ते देत होते. माहेश्वरी भवनमध्ये उस्मानाबादचे श्रीकिसनजी भन्साळी यांच्याहस्ते प्रतिमापूजन व महाआरती झाली. माहेश्वरी भवन आवारात वृक्षारोपण करण्यात आले. महेश नवमीनिमित्त दोन दिवस उपक्रम राबविण्यात आले. यावेळी नंदलाल लाहोटी, जयंतीलाल लाहोटी, ओमप्रकाश सोमाणी, रामेश्वर जाजू, अनिल मालपाणी, विजय जाजू, विजय केला, विश्वनाथ भुतडा, रामनिवास सारडा, अजित करवा, अशोक भट्टड, सोमनाथ भट्टड, बंटकलाल राठी, गणेश झंवर, सुनील जाजू, दिनेश करवा, महेश कलंत्री, मुकेश चांडक, मयूर करवा, आशिष चरखा, सतीश कलंत्री, सुनील बूब, रमेश कासट, रामविलास राठी, प्रकाश लाहोटी, सचिन मालपाणी आदी उपस्थित होते.
विद्यार्थ्यांचा गौरव
माहेश्वरी भवनमध्ये विद्यार्थी सत्कार झाला. यावेळी ओमकारनाथ मालपाणी, नाशिकरोड माहेश्वरी सभा अध्यक्ष श्रीनिवास लोया, सचिव रामेश्वर मालपाणी, अशोक तापडिया, राधेशाम बूब, महिला मंडळ अध्यक्षा मीना जाजू, विजय करवा, महेश बूब, अमर मालपाणी, अच्युत राठी, संकेत राठी, शीतल राठी, सारिका करवा, प्रणाली भट्टड, निकिता मालाणी आदींची प्रमुख उपस्थित होती.
