Quantcast
Channel: Maharashtra Times
Viewing all 46150 articles
Browse latest View live

दुष्काळ संहिता मराठीत का नाही?

$
0
0

मनसेचा सवाल

म. टा. वृत्तसेवा, मालेगाव

तालुक्यात शासनाकडून अतितीव्र दुष्काळ जाहीर करण्यात आला आहे. त्या अनुषंगाने अनेक उपाययोजना करण्याबाबत प्रशासनास आदेश देण्यात आले आहे. परंतु दुष्काळ व्यवस्थापन संहिता २०१६ची प्रत मराठी भाषेत उपलब्ध नसल्याने सर्वसामान्य नागरिकांना कोणत्याही योजना आहेत याची माहिती उपलब्ध होत नाही. त्यामुळे संहितेचा मराठी प्रत उपलब्ध करून द्यावी अशी मागणी मनसे शहराध्यक्ष राकेश भामरे यांनी केली आहे.

दुष्काळ व्यवस्थापन संहिता २०१६ मध्ये तयार करण्यात आली आहे. संहितेची मराठी आवृत्ती कोठेही उपलबध नाही. महाराष्ट्रामध्ये कायद्याची भाषा मराठी आहे. शासन निर्णयाप्रमाणे सर्व कामकाज मराठीत व्हावे हे अपेक्षित असताना इंग्रजी भाषेचा वापर करणे चुकीचे आहे. सर्वसाधारण शेतकरी वर्ग ग्रामीण भागात राहतो. त्यामुळे त्यास ही संहिता मराठी भाषेत उपलब्ध न झाल्यास त्यांना प्रशासकीय योजनांची माहिती सविस्तरपणे समजू नये म्हणून इंग्रजी भाषेचा खटाटोप आहे का? असा प्रश्न उपस्थित होत आहे. यासह तालुक्यातील मेहुणे, कजवडे, अस्ताणे, डुंधे, कौळाणेसह मालमाथा परिसरात पाण्याचे ट्रँकर उपलब्ध करून देण्याची मागणी मनसेतर्फे करण्यात आली आहे.

मोबाइल अॅप डाउनलोड करा आणि राहा अपडेट


दहशत माजवणारी टोळी अटकेत

$
0
0

म. टा. वृत्तसेवा, मालेगाव

दुचाकीवर येऊन हातात तलवारी, कुऱ्हाड, कोयता आदी हत्यारे मिरवत शहरातील आयेशानगर, पवारवाडी पोलिस ठाणे हद्दीत दहशत माजवणाऱ्या पाच आरोपींना उत्तर प्रदेशातून तर उर्वरित नऊ आरोपींना मालेगाव परिसरातून पवारवाडी पोलिसांनी अटक केली आहे. या आरोपींना न्यायालयात उभे केले असता यातील पाच आरोपींना १५ फेब्रुवारीपर्यंत पोलिस कोठडी तर नऊ आरोपींना न्यायालयीन कोठडी सुनावण्यात आली आहे. यातील दोन आरोपी हे अल्पवयीन असल्याने त्यांना प्रधान न्यायाधिश मंडळ नाशिक येथे हजर करण्यात आले असल्याची माहिती पोलिस उपअधीक्षक रत्नाकर नवले यांनी पत्रकार परिषदेत दिली.

शुक्रवारी (दि.1) फेब्रुवारी रोजी हत्यारधारी टोळक्याने मध्यरात्री आयेशानगर व पवारवाडी भागात दहशत माजवली होती. यात तिघे गंभीर जखमी झाले होते. पोलिसात दाखल फिर्याद मागे घेण्याच्या कारणावरुन हा प्रकार घडल्याचे समोर आले आहे. या गुन्ह्याप्रकरणी पवारवाडी पोलीस ठाण्यात फिर्याद दाखल करण्यात आली होती. पोलिसांनी काही संशयीत आरोपी हे उत्तर प्रदेशातील आजमगढ येथून मुख्य आरोपी जलालुद्दीन (आरिफ) कुरेशी याच्यासह मोहमद अक्रम मोहमद सुलेमान, सऊद अहमद फैयाज अहमद, शोएब खान फिरोज खान व एजाज अहमद अब्दुल समद या पाच आरेापींना सरायमिर येथील एका घरातून अटक केली.

या गुन्ह्यातील उर्वरित नऊ आरोपी भिवंडी येथे लपल्याची माहिती मिळाल्याने एक पथक ठाणे येथे रवाना करण्यात आले होते. मात्र सदर आरोपी हे मालेगावी परत आल्याची माहिती मिळाल्याने पोलीस हवालदार सुरेश बाविस्कर, अंबादास डामसे, नवनाथ शेलार या पथकाने मोहमद शमीम, अनिस अहमद, मोहमद हसन, मुज्जमिल हुसेन, जुल्फेकार अहमद, मोहमद मोबिन, सईद अहमद, नाविद टकार्‍या आणि शहजाद डी या आरोपींचा शोध घेऊन अटक केली.

मोबाइल अॅप डाउनलोड करा आणि राहा अपडेट

नेचर क्लबतर्फे आज मुख्य वनसंरक्षकांना घेराव

$
0
0

म. टा. प्रतिनिधी, नाशिक

नेचर क्लब ऑफ नाशिकतर्फे मंगळवारी (दि. १२) मुख्य वनसंरक्षकांना घेराव घालण्यात येणार आहे. तरी पर्यावरणप्रेमींनी त्र्यंबक नाका परिसरातील अरण्य संकुलात असलेल्या मुख्य वनसंरक्षक कार्यालयात सकाळी १० वाजता एकत्र जमावे, असे आवाहन करण्यात आले आहे.

महाराष्ट्रातील भरतपूर समजल्या जाणाऱ्या नांदूरमध्यमेश्वर पक्षी अभयारण्यातील मोठ्या प्रमाणात सुरू असलेली मासेमारी थांबवावी, अभयारण्याचे नाशिकमधील कार्यालय नांदूरला स्थलांतर करावे, जखमी पक्ष्यांना अभयारण्यात उपचार मिळावेत, वन अधिकाऱ्यांना राजकारणी मंडळीचा येणारा दबाव बंद व्हावा, पक्षी संरक्षण समिती स्थापन करावी, गाईड काम करणाऱ्या मुलांना कायमस्वरूपी रोजगार मिळावा, पर्यटकांना विविध सुविधा उपलब्ध करून द्याव्यात अशा विविध मागण्यांसाठी सकाळी दहा ते चार वाजेपर्यंत मुख्य वनसंरक्षक कार्यालयाच्या प्रवेशद्वारावर मंगळवारी लाक्षणिक उपोषण केले जाणार होते. पण पोलिसांनी परवानगी न दिल्याने शहरातील सर्व पक्षीमित्र, प्राणीमित्र, सर्पमित्र, वृक्षमित्र, पर्यावरणावर कार्य करणाऱ्या संस्था एकत्रित येऊन कोणतीही घोषणाबाजी न करता शांतेतेच्या मार्गाने मुख्य वनसंरक्षकांना घेराव घालणार आहेत.

मृत पक्ष्यांसाठी जबाबदार असलेल्या संबंधितांवर कायदेशीर कारवाई व्हावी, या मागणीसाठी निवेदन देऊन चर्चा करणार आहेत. या होणाऱ्या आंदोलनास अभयारण्यातील ग्रामपरिस्थिती विकास समितीनेही पाठिंबा दिला आहे. त्यांनी मंगळवारी अभयारण्याचे कामकाज न करण्याचा निर्णय घेतला आहे. तरी पक्ष्यांच्या संवर्धनासाठी नाशिकरांनी या आंदोलनात सहभागी व्हावे, असे आवाहन संस्थेचे अध्यक्ष आनंद बोरा यांनी केले आहे.

मोबाइल अॅप डाउनलोड करा आणि राहा अपडेट

मद्यासाठी केला हात फ्रॅक्चर

$
0
0

म. टा. प्रतिनिधी, नाशिक

मद्यसेवनास पैसे दिले नाही, या कारणातून बेदम मारहाण करीत दोघांनी खासगी वाहनचालकाचा हात फ्रॅक्चर केला. ही घटना आनंदवली भागात घडली असून, या प्रकरणी गंगापूर पोलिस ठाण्यात गुन्हा दाखल करण्यात आला.

दीपक शेवरे आणि चार्ली गायकवाड (रा. आनंदवली) अशी संशयित आरोपींची नावे आहेत. या प्रकरणी महिंद्राचे कॅन्व्हॉय वाहने पोहचविणाऱ्या कैलास दगा धोंडगे (रा. आनंदवली) यांनी तक्रार दिली. धोंडगे हे शनिवारी (दि. ९) रात्री नेहमीप्रमाणे कॅन्व्हाय वाहन आपल्या घराकडे घेऊन येत असताना ही घटना घडली. घराजवळ दोघा संशयितांनी त्यांना अडवून मद्यसेवनासाठी पैशांची मागणी केली. धोंडगे यांनी नकार दिल्याने संतप्त झालेल्या दीपकने हातातील लाकडी दांडक्याने त्यांच्या डाव्या हातावर मारून हात फॅक्चर केला. तर चार्ली गायकवाड याने शिवीगाळ करीत धोंगडे यांना लाथाबुक्यांनी मारहाण केली. 'तू येथे कसा राहतो', दमबाजी सुद्धा संशयितांनी केली.

सातपूर कॉलनीमध्ये

४० हजाराची घरफोडी

कुटुंबीय बाहेरगावी गेल्याची संधी साधत चोरट्यांनी घरफोडी करून सुमारे ४० हजार रुपये किंमतीचा मुद्देमाल चोरून नेला. ही घटना सातपूर कॉलनीत घडली असून, या प्रकरणी सातपूर पोलिस ठाण्यात गुन्हा दाखल करण्यात आला. भानूदास जगन्नाथ महांगडे (रा. आनंदछाया सोसा. बळवंतनगर) यांनी दिलेल्या तक्रारीनुसार, महांगडे कुटुंबीय ४ ते ९ फेब्रुवारी दरम्यान बाहेरगावी गेले. या काळात चोरट्यांनी त्यांच्या बंद घराचे कुलूप तोडून कपाटातील रोकडसह सोन्या-चांदीचे दागिने असा ४० हजार रुपयांचा मुद्देमाल चोरून नेला.

मांस विक्रेता ताब्यात

बंदी असतांना गोवंश मांस विक्री करणाऱ्या १७ वर्षांच्या युवकास पोलिसांनी ताब्यात घेतले. या प्रकरणी भद्रकाली पोलिस ठाण्यात महाराष्ट्र प्राणी संरक्षण कायद्यान्वये गुन्हा दाखल करण्यात आला. मुलावर दंडात्मक कारवाई करून त्यास पालकांच्या स्वाधीन करण्यात आले.

बागवानपुरा भागात राहणारा हा युवक रविवारी सकाळी राजवाडा येथे भागात गोवंश मांस विक्री करताना आढळून आला. पोलिसांनी धाव घेत त्यास ताब्यात घेतले. या प्रकरणी पोलिस शिपाई राजेश महाले यांनी दिलेल्या तक्रारीवरून गुन्हा दाखल करण्यात आला.

दोन दुचाकी लंपास

शहरात पार्क केलेल्या दोन दुचाकी वेगवेगळ्या ठिकाणाहून चोरट्यांनी चोरून नेल्या. या प्रकरणी भद्रकाली पोलिस ठाण्यात गुन्हा दाखल करण्यात आला. मखमलाबाद येथील सोमनाथ हरिभाऊ पिंगळे यांच्या तक्रारीनुसार, २९ डिसेंबर रोजी कामानिमित्त पिंगळे सीबीएस भागात आले. प्रिया हॉटेल परिसरात त्यांनी आपली प्लेझर (एमएच १५ सीपी ४२२२) दुचाकी उभी केली असता चोरट्यांनी ती पळवून नेली. दुसरी घटना बनकर मळ्यात घडली. नंदिनी पूल परिसरातील स्वप्नील रमेश वारे (रा. झेप अपार्ट. नंदिनी पूल) यांची पॅशन (एमएच १५ बीझेड १५१३) दुचाकी शनिवारी (दि. ९) रात्री त्यांच्या सोसायटीच्या पार्किंगमध्ये लावलेली असतांना चोरट्यांनी चोरून नेली. दोन्ही घटनांबाबत भद्रकाली पोलिसात गुन्हा दाखल करण्यात आला.

मोबाइल अॅप डाउनलोड करा आणि राहा अपडेट

नामदेव आरोटेंची अध्यक्षपदी निवड

$
0
0

नाशिक : राष्ट्रवादी काँग्रेसच्या सिन्नर विधानसभा अध्यक्षपदावर नामदेव आरोटे यांची निवड करण्यात आली असून, माजी खासदार समीर भुजबळ यांच्या हस्ते त्यांना नियुक्तीपत्र देण्यात आले. त्यावेळी जिल्हाध्यक्ष कोंडाजी मामा आव्हाड, शहराध्यक्ष रंजन ठाकरे, माजी आमदार जयंत जाधव, तालुकाध्यक्ष बाळासाहेब वाघ, शांताराम ढोकणे, शोभा मगर, कविता कर्डक, संजय खैरनार यांच्यासह इतर पदाधिकारी उपस्थित होते.

मोबाइल अॅप डाउनलोड करा आणि राहा अपडेट

अजित अभ्यंकरांचे उद्या व्याख्यान

$
0
0

म. टा. प्रतिनिधी, नाशिक

केंद्रीय अर्थसंकल्पाचे अभ्यासपूर्ण व सोपे विवेचन सर्वांसमोर यावे, त्यासाठी मार्क्सवादी कम्युनिस्ट पक्षातर्फे अर्थशास्त्राचे अभ्यासक प्रा. अजित अभ्यंकर यांचे बुधवारी (दि. १३) 'सावाना'च्या औरंगाबादकर सभागृहात सायंकाळी साडेपाच वाजता व्याख्यान होणार आहे. 'अर्थसंकल्प २०१९ घोषणांचा पाऊस, खोटं काय आणि खरं काय?' या विषयावर आधारित व्याख्यान होईल.

व्याख्यानात अर्थसंकल्प भारतीयांचे जीवनमान उंचवण्यासाठी फायदेशीर आहे किंवा नाही, अर्थसंकल्पातून सामान्यांना नेमके काय मिळाले, सरकारी धोरणांकडे पाहण्याचा दृष्टीकोन या नव्या अर्थसंकल्पामुळे बदलेल का, यासह इतर प्रश्नांची उत्तरे या व्याख्यानातून उलगडणार आहेत. कम्युनिस्ट नेते अॅड. वसुधा कराड, सिताराम ठोंबरे, श्रीधर देशपांडे, तानाजी जायभावे, डॉ. मिलिंद वाघ, सचिन मालेगावकर यांनी व्याख्यानाचे संयोजन केले आहे. व्याख्यानास नाशिककरांनी आवर्जून उपस्थित रहावे, असे आवाहन आयोजकांनी केले आहे.

मोबाइल अॅप डाउनलोड करा आणि राहा अपडेट

करवाढ कायमच!

$
0
0

काहीअंशी दिलासा; सर्वपक्षीय नगरसेवक तोंडघशी

...

- शेतीवरील कर आकारणीला स्थगिती

- सामासिक अंतरावरील कर रद्द

- पार्किंगवरील कर आकारणी कायम

- अनधिकृत ६०० चौरस फुटापर्यंतच्या सदनिकांची दंडातून सुटका

- ६०१ ते १००० चौरसफुटांच्या सदनिकांना तीनऐवजी दीड पट दंड

…...

म. टा. प्रतिनिधी, नाशिक

महापालिकेचे तत्कालीन आयुक्त तुकाराम मुंढे यांनी नाशिककरांवर लादलेली करवाढ विद्यमान आयुक्त राधाकृष्ण गमे यांनी कायम ठेवली आहे, मात्र शेतीवरील करवाढीला तात्पुरती स्थगिती दिली आहे. तसेच, अनिधिकृत ६०० चौ. फुटापर्यंतच्या घरांना दंडातून सूट दिली, तर ६०० चौ. फुटांपुढील घरांची दंड रक्कम तीनहून दीड पट करण्याचा दिलासादायक निर्णय घेण्यात आला आहे. महापौर रंजना भानसी व आयुक्त राधाकृष्ण गमे यांनी संयुक्तपणे ही माहिती दिली.

गेल्या अनेक वर्षांत करवाढ झाली नाही म्हणून तत्कालीन आयुक्त तुकाराम मुंढे यांनी घरपट्टीत मोठ्या प्रमाणात वाढ केली होती. या करवाढीचा ३१ मार्च २०१८ रोजी आदेश काढण्यात आला होता. यावेळी ही करवाढ ५ रुपये चौरस फुटांवरून २२ रुपये चौरसफूट इतकी करण्यात आली होती. याबाबत जनतेत क्षोभ उसळल्यानंतर, करवाढ मागे घ्यावी यासाठी आंदोलन करण्यात आले. मात्र मुंढे यांनी आपली भूमिका ठाम ठेवली. याबाबत स्थानिक पदाधिकाऱ्यांनी मुख्यमंत्र्यांची भेट घेऊन करवाढ मागे घ्यावी, अशी विनंती केली. मुख्यमंत्र्यांनी मध्यस्थी करून मुंढे यांना शुध्दीपत्रक काढण्यास भाग पाडले. ही करवाढ २२ रुपयांवरून ११ रुपये प्रति चौरसफूट करावी, असे २७ ऑगस्ट २०१८ रोजी आदेश देण्यात आले. तरीही दरवाढ जास्त असल्याचे नागरिकांचे म्हणणे होते. त्यानंतर मुंढे यांची बदली झाली. राधाकृष्ण गमे यांची नियुक्ती झाल्यानंतर ते याबाबत सकारात्मक बदल करतील अशी नागरिकांची अपेक्षा होती. दोन महिन्यांत अभ्यास करून निर्णय घेऊ, असे गमे यांनी त्यावेळी सांगितले होते. त्यानुसार सोमवारी पत्रकार परिषद घेण्यात आली. पूर्वी इमारतीचे मूल्यांकन करताना चटई क्षेत्राप्रमाणे करण्यात येत होते. मात्र मुंढे यांनी ते बिल्टअप एरियावर केले होते. त्याबाबत निर्णय घेण्यात आला असून, पुन्हा चटई क्षेत्रावर करण्यात आले आहे. मिळकतीचे निर्धारण करताना नाशिक महापालिकेच्या मंजूर विकास नियंत्रण व प्रोत्साहन नियमावलीनुसार इमारतीभोवती सामासिक अंतर सोडणे बंधनकारक आहे. मात्र ज्या ठिकाणी जादा क्षेत्र आढळून आल्यास उर्वरित क्षेत्रावर नियमानुसार कर आकारणी करण्यात येणार आहे. पार्किंगवरही कर आकारणी करण्यात येणार आहे.

महापालिकेने केलेल्या सर्वेक्षणात ५९ हजार मिळकती या अनधिकृत असल्याचे आढळून आले होते. त्यांच्यावर दंडात्मक करवाई करण्याच्या नोटिसा देण्यात आल्या होत्या. त्यातील ६०० चौरस फुटापर्यंत बांधकाम असलेल्या सदनिकांना दंडात्मक कारवाई करण्यात येणार नसल्याचा निर्णय घेण्यात आला आहे. ज्या सदनिकांचे क्षेत्र ६०१ ते १ हजार चौरस फूट आहे अशा सदनिकांना मालमत्ताकराच्या ५० टक्के दराने दंड आकारण्यात येणार आहे. या सदनिकांना तीन पट दंड आकारणी करण्यात येणार होती, आता ती दीड पट झाली आहे. सुमारे १००१ चौरस फुटावर असलेल्या सदनिकांना प्रतिवर्षी मालमत्ताकराच्या दुप्पट दराने दंड आकारणी करण्यात येणार आहे.

…..

अधिकृत अन् अनधिकृत मालमत्ता

फेरसर्वेक्षणात ५९ हजार मालमत्तांपैकी २२ हजार ५६६ मिळकती या अधिकृत आढळल्या असून, २७ हजार मिळकती या अनधिकृत आढळल्या आहेत. ३ हजार ४५२ सदनिकांमध्ये त्रुटी आहेत, तर ६ हजार सदनिकांची पडताळणी सुरू आहे.

..

महापौरांचा काढता पाय

नाशिक महापालिकेने केलेली करवाढ सरसकट मागे घ्यावी, यासाठी महासभेत दोनदा ठराव करण्यात आले. मात्र या ठरावाची अंमलबजावणी करण्यात आली नाही. हा ठराव म्हणजे नागरिकांची दिशाभूल करणारा होता, अशी जनतेची भावना झाली आहे. महापौरांना याबाबत विचारले असता उत्तर न देता त्यांनी पत्रकार परिषदेतून काढता पाय घेतला.

…..

शेतीच्या कर आकारणीचा चेंडू शासनाकडे

शेतीच्या कर आकारणीबाबत जमिनीच्या व्याख्येबाबत संभ्रम आहे. त्यामुळे शेतीवरील कर आकारणी तात्पुरती स्थगित ठेवण्यात आली आहे. जमिनीची व्याख्या शासनाकडून आल्यानंतर शेतीवरील कर आकारणी होणार की नाही याबाबत निर्णय घेण्यात येणार आहे.

…....

नाशिक महापालिकेने शेतीवरचा कर सध्या स्थगित केला आहे. बाकी कराबाबत अद्याप निर्णय झालेला नाही.

- रंजना भानसी, महापौर

...

शहरात इन्फ्रास्ट्रक्चर उभारायचे असेल, तर निधीची आवश्यकता आहे. त्यामुळे तत्कालीन आयुक्तांनी घेतलेले निर्णय योग्य आहेत. ज्या मिळकतीचे सर्वेक्षण चुकीचे झाले आहे, त्याबाबत जबाबदारी निश्चित करून कारवाई केली जाईल.

- राधाकृष्ण गमे, आयुक्त

मोबाइल अॅप डाउनलोड करा आणि राहा अपडेट

शेतकरी महिलांचे स्वयंरोजगाराकडे पाऊल

$
0
0

म. टा. प्रतिनिधी, नाशिक

अल्पभूधारक आणि भूमिहीन शेतकरी कुटुंबातील महिलांना कुक्कुटपालन व तत्सम स्वयंरोजगार उपलब्ध करून देण्यासाठी सोमवारी एक पाऊल पुढे टाकण्यात आले. नव्या तंत्रज्ञान आणि पूरक व्यवसायाची माहिती तसेच प्रशिक्षण देण्याबाबतचा सामंजस्य करार गोदरेज ॲग्रोटेक आणि जिल्हा प्रशासन यांच्यात करण्यात आला.

करारावर जिल्हाधिकारी राधाकृष्णन बी. आणि गोदरेज ॲग्रोटेक सीएसआर शाखेच्या व्यवस्थापक अनाहिता भटनागर यांनी स्वाक्षऱ्या केल्या. शेतकरी कुटुंबांनी उपजीविकेसाठी केवळ शेती व्यवसायावर अवलंबून न राहाता शेती पुरक व्यवसायाद्वारे आर्थिक दृष्ट्या सक्षम व्हावे यासाठी विविध पातळीवर प्रयत्न होतात. गोदरेज अॅग्रोटेकने या दृष्टीने पुढचे पाऊल टाकले आहे. जिल्ह्यातील जांबुटके, खडकीजाम, रासेगाव, उमराळे (बु), धेरवाडी, जानोरी, आशेवाडी आणि तुंगलधारा या आठ गावांमधील अल्पभूधारक शेतकरी कुटुंबांना यामध्ये सहभागी करून घेण्यात येणार आहे. विशेषत: अशा कुटुंबातील महिलांना प्रशिक्षणाच्या माध्यमातून स्वावलंबी करण्यात येणार आहे. याखेरीज सरकारच्या विविध योजना गरजूंपर्यंत पोहोचविण्याचा प्रयत्न या उपक्रमांतर्गत करण्यात येणार आहे.

अपारंपरिक व्यवसायांचे प्रशिक्षण

गोदरेज ॲग्रोटेकशी संलग्न असलेल्या संपदा या स्वयंसेवी संस्थेमार्फत प्रशिक्षण दिले जाणार आहे. शेतकरी कुटुंबातील युवकांपर्यंत आवश्यक माहिती पोहचविण्याचा विशेषत्वाने प्रयत्न उपक्रमाच्या माध्यमातून करण्यात येणार आहे. शेतीतील उत्पादनवाढ, मशरूम उत्पादनासारखे अपारंपरिक व्यवसाय, पशुपालन आदींकडे शेतकऱ्यांना वळविण्याचे प्रयत्न प्रशिक्षणाच माध्यमातून करण्यात येणार असल्याची माहिती भटनागर यांनी दिली.

मोबाइल अॅप डाउनलोड करा आणि राहा अपडेट


गावशिवारात रणधुमाळी

$
0
0

जिल्ह्यातील ५१ ग्रामपंचायतींसाठी निवडणूक कार्यक्रम जाहीर

म. टा. प्रतिनिधी, नाशिक

एप्रिल ते जून २०१९ या काळात मुदत संपणाऱ्या राज्यातील ५६५ ग्रामपंचायतींच्या सार्वत्रिक निवडणुकांचा कार्यक्रम निवडणूक आयोगाने जाहीर केला आहे. जिल्ह्यातील ५१ ग्रामपचायंतीचा यामध्ये समावेश आहे.

निवडणुकीसाठी गुरूवारी (दि. १४) प्रभागनिहाय मतदारयाद्या प्रसिद्ध केल्या जाणार आहेत. अंतिम मतदार यादी २१ फेब्रुवारीला प्रसिद्ध होणार असून लोकसभा निवडणूकांपुर्वीच ग्रामपंचायतींमध्ये निवडणुकांची रणधुमाळी रंगणार आहे. मुदत संपणाऱ्या ग्रामपंचायतींचा निवडणूक कार्यक्रम राज्य निवडणूक आयोगाने सोमवारी (दि.११) जाहीर केला.

इगतपुरी तालुक्यातील ३३, त्र्यंबकेश्‍वर तालुक्यातील १० ग्रामपंचयातींसह नाशिक तालुक्यातील चार, येवला तालुक्यातील दोन, मालेगाव आणि पेठ तालुक्यातील प्रत्येकी एका तालुक्यात ग्रामपंचायत निवडणूक होणार आहे. काही ग्रामपंचायतींमध्ये रिक्त सरपंच पदासाठी पोटनिवडणुका घेण्यात येणार आहेत. आयोगाने दिलेल्या निर्देशांनुसार गुरुवारी मतदारयादी प्रसिद्ध केली जाणार असून त्यावर सोमवारपर्यत (दि. १८) हरकती नोंदविता येणार आहेत. दाखल हरकती व सुचना निकाली काढून २१ फेब्रुवारीला अंतीम यादी प्रसिद्ध करण्यात येणार आहे.

निवडणूक होणाऱ्या ग्रामपंचायतींची संख्या

तालुका संख्या

इगतपुरी ३३

त्र्यंबकेश्‍वर १०

नाशिक ०४

येवला ०२

पेठ ०१

मालेगाव ०१

एकूण ५१

मोबाइल अॅप डाउनलोड करा आणि राहा अपडेट

प्रसाधनगृहाचे शुल्क बंद करा

$
0
0

म. टा. प्रतिनिधी, नाशिक

राज्य परिवहन महामंडळाच्या बसस्थानकात महिलांसाठी मोफत प्रसाधनगृहाची व्यवस्था असूनही, महिलांकडून प्रसाधनगृह वापरासाठी शुल्क घेतले जाते. तरी अशी शुल्क वसुली त्वरित बंद व्हावी, असे निवेदन राष्ट्रवादी महिला काँग्रेसतर्फे महामंडळाच्या विभाग नियंत्रक नितीन मैंद यांना देण्यात आले. शहरातील बस स्थानकात मोफत महिला प्रसाधनगृह, असे फलक लावावेत. तसेच प्रसाधनगृहाच्या सर्व ठेकेदारांना महिलांकडून शुल्क वसूल करू नयेत, असे सूचित करावे, अशा मागण्यांचे निवेदन शहराध्यक्षा अनिता भामरे यांनी दिले. यावेळी गटनेत्या कविता कर्डक, जिल्हाध्यक्ष शोभा मगर, डॉ. माधवी दहेकर, पुष्पा राठोड, रजनी चौरसिया, सलमा शेख, संगिता सानप, शकिला शेख, सरिता पगारे आदी महिला पदाधिकारी उपस्थित होत्या.

मोबाइल अॅप डाउनलोड करा आणि राहा अपडेट

वऱ्हाडींच्या मदतीला धावली एसटी!

$
0
0

म. टा. वृत्तसेवा, धुळे

तालुक्यातील वणी-मळाणे येथील सोनवणे कुटुंबातील मुलाचा विवाहसोहळा रविवारी (दि. १०) साक्री शहरात आयोजित करण्यात आला होता. यासाठी विवाहस्थळी जाण्यासाठी शहरातील एका ट्रॅव्हल्सकडून तीन खासगी बसेस बुकिंग आगाऊ रक्कम भरून दोन महिन्यांपूर्वीच करण्यात आली होती. मात्र, विवाहाच्या दिवशी सकाळी आठवाजेपर्यंत बस वऱ्हाडीमंडळींना घेण्यासाठी न आल्याने ट्रॅव्हल्स कार्यालयाला विचारणा केली असता तीनही बस नादुरुस्त असल्याचे सांगण्यात आले. यामुळे नवरदेवाच्या नातेवाइकांनी राज्य परिवहन महामंडळातील धुळे आगारप्रमुख भगवान जगनोर यांना ही माहिती दिली. त्यांनी तत्काळ विवाहस्थळी जाण्यासाठी दोन एसटी बस उपलब्ध करून दिल्याने वऱ्हाडींच्या मदतीला बस धावून आल्याचा प्रत्यय रविवारी आला.

धुळे तालुक्यातील वणी-मळाणे येथील संदीप सोनवणे यांचा साक्री शहरात रविवारी (दि. १०) विवाह होता. यासाठी त्यांचे बंधू सिद्धार्थ सोनवणे यांनी दि. २८ डिसेंबर २०१८ रोजी धुळ्यातील एका टूर ॲण्ड ट्रॅव्हल्सकडून तीन खासगी बसेसची बुकिंग केली होती. ठरल्याप्रमाणे ट्रॅव्हल्सचे व्यवस्थापकाने ३३ हजार रुपयांत तीन बस उपलब्ध करून देण्याचे कबूल केले होते. त्यासाठी आगाऊ दहा हजारही देण्यात आले. मात्र, ऐन विवाहाच्या दिवशी सकाळी आठ वाजता वऱ्हाड घेण्यासाठी वणी-मळाणे गावात या बस आल्याच नाहीत. यामुळे सकाळी ९ वाजेपर्यंत वऱ्हाडीमंडळींची दमछाक झाली.

दुपारी चार वाजता लागले लग्न

तब्बल दोनशेहून अधिक जण बसची वाट पाहत बसले. मात्र, दहा वाजेच्या सुमारास व्यवस्थापकांशी संपर्क झाला आणि विवाहासाठी येणाऱ्या बसेस अचानक खराब झाल्या आहेत. पर्यायी व्यवस्था होणे शक्य नाही, असे सांगून फोन बंद केला. यामुळे विवाहासाठी जाणारे वऱ्हाडीची चांगलीच फजिती झाली. या वेळी धुळे बसस्थानकातील आगारप्रमुख भगवान जगनोर यांच्याशी संदीप सोनवणे यांनी संपर्क करून विनंती केली. पूर्ण व्यथा ऐकून घेत आगारप्रमुखांनी तत्काळ दोन बसेस उपलब्ध करून दिल्या. विशेष म्हणजे, त्याचा सर्व खर्च हा ट्रॅव्हल्सच्या व्यवस्थापकांकडून वसूल करण्यात आला. वसंतपंचमी असल्याने रविवारी मोठी लग्न मुहूर्त असल्याने बसेस उपलब्ध होणे शक्यच नव्हते. अशावेळी एसटीने वऱ्हाडींच्या मदतीला धावून आल्याने त्यांनी समाधान व्यक्त केले. या एसटीच्या मदतीने वऱ्हाडी साक्रीला पोहोचले आणि दुपारी चार वाजता विवाहसोहळा पार पडला. प्रवाशांच्या सेवेसाठी एसटी असून, सुरक्षित व वेळेवर प्रवासाच्या सुविधा देणे आमचे कर्तव्य आहे, असे मत आगारप्रमुख जगनोर यांनी व्यक्त केले.

मोबाइल अॅप डाउनलोड करा आणि राहा अपडेट

पवारांच्या नावाशिवाय झोप नाही

$
0
0

म. टा. प्रतिनिधी, जळगाव

जलसंपदा मंत्री गिरीश महाजन यांना पवारांचे नाव घेतल्याशिवाय झोप लागत नाही. त्यांना ‘मेनिया’ आजार झाला असे म्हटले तरी वावगे ठरणार नाही अशा शब्दांत राष्ट्रवादी काँग्रेसचे जिल्हाध्यक्ष अॅड. रवींद्र पाटील यांनी महाजन यांच्यावर टीका केली. आधी जळगाव जिल्ह्याचा विकास करावा मगच बारामतीचा विचार करावा, असा टोलाही सोमवारी (दि. ११) राष्ट्रवादी काँग्रेसच्या पत्रकार परिषदेत त्यांनी लगावला.

भाजपचे सोमवारी (दि. ११) शक्तिकेंद्र प्रमुखांचे संमेलन जळगावात पार पडले. या संमेलनात भाजपचे मंत्री गिरीश महाजन यांच्यासह माजी मंत्री आमदार एकनाथ खडसे यांनी विरोधकांवर टीका केली. या टीकेला उत्तर देण्यासाठी जिल्हा राष्ट्रवादी काँग्रेसकडून पत्रकार परिषत घेण्यात आली. या वेळी राष्ट्रवादीचे जिल्हाध्यक्ष अॅड. रवींद्र पाटील, महानगराध्यक्ष नामदेव चौधरी, कल्पना पाटील, मंगला पाटील, अभिषेक पाटील, लीना चौधरी, ललित बागूल, अरविंद मानकरी, सलीम इनामदार यांच्यासह पदाधिकारी उपस्थित होते.

या वेळी रवींद्र पाटील यांनी सांगितले की, गिरीष महाजन यांना पवार यांचे नाव घेतल्याशिवाय झोप येत नाही. असे वाटते त्यांना ‘मेनिया’ नावाचा आजार झाला आहे. पंतप्रधान नरेंद्र मोदी हे शरद पवार यांचा सल्ला घेतात. अशा परिस्थितीत मंत्री महाजन यांनी पवार यांच्यावर टीका करणे म्हणजे त्यांच्या बुद्धिची कीव कराविशी वाटते, अशा शब्दांत पाटील यांनी महाजन यांच्यावर टीका केली.

आधी जामनेर टँकरमुक्त करावे

बारामती जिंकण्याची भाषा करण्याआधी जलसंपदा मंत्री गिरीश महाजन यांनी आधी जळगाव जिल्ह्याचा विकास करावा. त्यांचा जामनेर तालुका टँकरमुक्त करावा. जिल्ह्यात समांतर रस्ते, सिंचनाचा प्रश्न प्रलंबित आहे. भयावह पाणीटंचाई असून, चारा छावण्या नाहीत, शेतकऱ्यांचे हाल सुरू आहेत. पिण्याचे पाण्याचीदेखील समस्या निर्माण झाली आहे. महाजनांनी आधी या प्रश्नांकडे लक्ष द्यावे मगच बारामतीचा विचार करावा, असा टोलाही अॅड. पाटील यांनी लगावला. जळगाव जिल्ह्यात विकास कामे करण्याचे सोडून महाजन यांच्यासह भाजपचे नेते राजकीय गप्पांच्या फुशारकीत मशगूल झाले आहेत. त्यांनी या राजकीय गप्पा मारण्यापेक्षा विकासकामांची वस्तुस्थिती सांगावी असेही पाटील म्हणाले.

उमेदवार जाहीर करायचे नसतात

विरोधकांना उमेदवार मिळत नसल्याची टीका माजी मंत्री आमदार एकनाथ खडसे यांनी केली होती. त्यावर उत्तर देताना राष्ट्रवादी काँग्रेसकडे लोकसभा मतदारसंघाच्या दोन्ही जागांसाठी उमेदवार तयार आहेत. पण ते उमेदवार असे लगेच जाहीर करायचे नसतात, असेही रवींद्र पाटील यांनी सांगितले. जिल्हा राष्ट्रवादी युवक काँग्रेस व जळगाव शहर युवक काँग्रेसकडून वाढत्या बेरोजगारीच्या विरोधात उद्या (दि. १३) दुपारी १ वाजता जिल्हाधिकारी कार्यालयावर ‘जवाब दो’ निषेध मोर्चाचे आयोजन करण्यात आल्याची माहिती युवक अध्यक्ष ललित बागूल व अभिषेक पाटील यांनी पत्रकार परिषदेत दिली.

मोबाइल अॅप डाउनलोड करा आणि राहा अपडेट

topchi 2019: तोपची २०१९; नाशिककरांनी अनुभवला थरार

$
0
0

नाशिक

धडाडणाऱ्या तोफा.... कानठळ्या बसविणारा आवाज.... आवाजाच्या वेगाने जाणारे तोफगोळे... काही सेकंदात भेदला जाणारे लक्ष्य... प्रत्यक्ष युद्धभूमीचा थरार देणारी प्रात्यक्षिके लष्करी जवानांनी मोठ्या साहसाने मंगळवारी प्रदर्शित केली. निमित्त होते लष्कराच्या देवळाली आर्टिलरी सेंटरच्यावतीने दरवर्षी 'तोपची' या शक्ती प्रदर्शनाचे.

लेफ्टनंट जनरल वाय. व्ही. के. मोहन आणि लेफ्टनंटर जनरल आर. एस. सलारिया यांच्या प्रमुख उपस्थितीत तोफची २०१९ संपन्न झाला. याप्रसंगी जवानांनी रशियन तोफ एम ४६, १०५ मिलीमीटर तोफ, सोल्टम तोफ, बोफोर्स तोफ, इस्राईलची सोल्टम तोफ, पिनाका रॉकेट, पर्शियन बनावटीचे स्मर्ज रॉकेट, १२२ मोटर, ईएलएम रडार, लोरो रडार, स्वाती रडार आदींची प्रात्यक्षिके सादर करण्यात आली.

गेल्या नोव्हेंबर महिन्यात लष्करात दाखल झालेल्या वज्र आणि होवेत्झर या दोन तोफांचे 'तोपची २०१९'मध्ये प्रथमच प्रदर्शन करण्यात आले.

मोबाइल अॅप डाउनलोड करा आणि राहा अपडेट

...तर प्रकाश आंबेडकर यांना अध्यक्ष करीन!

$
0
0

म. टा. प्रतिनिधी, नाशिक

रिपब्लिकन पार्टी ऑफ इंडियामधील (रिपाइं) अंतर्गत गटबाजी दूर होऊन, ऐक्य येणार असेल तर प्रकाश आंबेडकर यांना पक्षाचा अध्यक्ष करण्यास मी तयार आहे. वंचित आघाडी करून सत्ता मिळणार नाही, माझ्यासोबत आलात तरच ती मिळेल, असे आवाहन केंद्रीय सामाजिक न्यायमंत्री रामदास आठवले यांनी केले. रिपाइंच्या अभिवादन सभेत ते बोलत होते.

पंचवटीतील श्री काळाराम मंदिर सत्याग्रहास ९० वर्षे पूर्ण झाल्यानिमित्त रिपाइंच्या वतीने शनिवारी महामेळावा व अभिवादन सभेचे आयोजन करण्यात आले होते. हुतात्मा अनंत कान्हेरे मैदानाशेजारील ईदगाह मैदानावर सायंकाळी ६ वाजता या मेळव्यास प्रारंभ झाला. आठवले यांच्या हस्ते या मेळाव्याचे उद्घाटन करण्यात आले. पशुसंवर्धनमंत्री महादेव जानकर, रिपाइंचे जिल्हाध्यक्ष प्रकाश लोंढे यांसह रिपाइंचे उत्तर महाराष्ट्रातील पदाधिकारी उपस्थित होते.

सभेत मंत्री जानकर म्हणाले, की बहुजनांची मते घेऊन फसवण्याची भूमिका यापूर्वीच्या सरकारची होती. पण, सध्याचे सरकार सर्वांच्या हिताचे निर्णय घेत असून, फसवण्याच्या वृत्तीला फाटा देत आहे. त्यामुळे येत्या निवडणुकीत आपला नेता नक्कीच कॅबिनेट मंत्रीमंडळात असेल, असा आशावाद त्यांनी व्यक्त केला.

मोबाइल अॅप डाउनलोड करा आणि राहा अपडेट

‘मनसिवे’कडून तरुणाला चोप

$
0
0

म. टा. खास प्रतिनिधी, नाशिक

मनसेचे अध्यक्ष राज ठाकरे यांनी भारतीय हवाई दलाचे विंग कमांडर अभिनंदन वर्धमान यांच्या स्वागता संदर्भात फेसबुकवर टाकलेल्या पोस्टवर नाशिकमधील एका तरुणाने अश्लील शेरेबाजी केली, म्हणून महाराष्ट्र नवनिर्माण विद्यार्थी सेनेच्या पदाधिकाऱ्यांनी संबधित तरुणास चोप दिला.

कुणाल मनिषा फालक असे मारहाण करण्यात आलेल्या तरुणाचे नाव असल्याचा दावा मनविसेच्या पदाधिकाऱ्यांनी केला आहे. त्याने राज ठाकरे यांच्यासदर्भात असभ्य भाषेत पोस्ट टाकली होती. यावेळी मनविसेच्या पदाधिकाऱ्यांनी पोस्ट हटविण्याची मागणी केली. परंतु, संबंधित तरुणाने नकार दिल्यानंतर मनविसेच्या पदाधिकाऱ्यांनी त्याला गोविंदनगर परिसरात गाठत चोप दिला. यावेळी महिलांना त्याला चपलांनी मारहाण केली. संबंधित तरुणाने या प्रकरणी अद्याप पोलिसात तक्रार केली नसल्याचे समजते.

मोबाइल अॅप डाउनलोड करा आणि राहा अपडेट


शिवमहापुराण आजपासून

$
0
0

नाशिक : मानव उत्थान सेवा समितीच्या वतीने महाशिवरात्रीचे औचित्य साधून सातपूर कॉलनीतील मौले हॉल जवळील महालक्ष्मी मंदिरात रविवारपासून (दि. ३) शिव महापुराण कथासारचे आयोजन करण्यात आले आहे. सायंकाळी सहा वाजता या कथासारचा शुभारंभ होईल. यामध्ये दोन दिवस श्री हंस कल्याण धाम आश्रमच्या प्रबंधक साध्वी हिराजी, साध्वी मुक्तिकाजी यांचे अध्यात्मावर आधारीत सारगर्भीत विचार भाविकांना श्रवण करता येणार आहेत. महाशिवरात्रीच्या दिवशी सोमवारी (दि. ४) दुपारी दोन वाजता परिसरातून सद्भावना पदयात्रा काढण्यात येणार आहे. सायंकाळी सहा ते नऊ यावेळेत शिव महापुराण भाविकांना श्रवण करावयास मिळेल.

मोबाइल अॅप डाउनलोड करा आणि राहा अपडेट

राजकीय नेत्यांची आज मांदियाळी

$
0
0

म. टा. प्रतिनिधी, नाशिक

लोकसभा निवडणुकांची घोषणा येत्या दोन-तीन दिवसांत होण्याची शक्यता असून, या पार्श्वभूमीवर राजकीय नेत्यांच्या दौऱ्यांना जोर आला आहे. शहरात रविवार, सोमवार आणि मंगळवारी राजकीय नेतेमंडळींची मांदियाळी जमणार असून, वेगवेगळ्या व्यासपीठांवरून राजकीय तोफा धडाडणार आहेत. त्यामुळे नाशिकमधून कोणाचे रणशिंग फुंकले जाणार याकडे सर्वांचेच लक्ष लागले आहे.

आगामी लोकसभा निवडणुकीच्या पार्श्वभूमीवर राजकीय आखाडा तापण्यास सुरुवात झाली आहे. निवडणुकांसाठीच्या मोर्चेबांधणीला वेग आला असून, यामुळेच राजकीय दौऱ्यांनाही जोर आला आहे. रिपब्लिकन पक्षाचे (ए) अध्यक्ष रामदास आठवले शनिवारी सरकारी योजनांच्या आढावा बैठकीसह विविध कार्यक्रमांच्या निमित्ताने नाशिकमध्ये होते. ईदगाह मैदानावर त्यांची सभाही झाली. सामाजिक न्यायमंत्री राजकुमार बडोले, राज्यमंत्री दिलीप कांबळे, पशुसंवर्धन व दुग्धविकासमंत्री महादेव जानकर उपस्थित होते. राष्ट्रवादी काँग्रेसचे राष्ट्रीय अध्यक्ष माजी केंद्रीय कृषिमंत्री शरद पवार हेदेखील दोन दिवसांच्या जिल्हा दौऱ्यावर येत असून, नाशिक व दिंडोरी लोकसभा कार्यकर्त्यांशी संवाद साधणार आहे. माजी उपमुख्यमंत्री छगन भुजबळ, प्रदेशाध्यक्ष जयंत पाटील, विधान परिषदेचे विरोधी पक्षनेते धनंजय मुंडे हेदेखील त्यांच्यासमवेत रविवारी नाशिकमध्ये असणार आहेत. ग्रामविकासमंत्री पंकजा मुंडे यादेखील गोपीनाथ मुंडे यांच्या पुतळा अनावरण सोहळ्याच्या निमित्ताने रविवारी नाशिकमध्ये असतील. याशिवाय सदाभाऊ खोत, एकनाथ शिंदे, अर्थमंत्री सुधीर मुनगंटीवार हेदेखील विविध कार्यक्रमांच्या निमित्ताने नाशिकमध्ये येणार आहेत.

मोबाइल अॅप डाउनलोड करा आणि राहा अपडेट

‘आम्ही मंदिरात जात नाही’

$
0
0

म. टा. खास प्रतिनिधी, नाशिक

एकेकाळी आम्हाला मंदिरात येऊ देत नव्हते; आता आम्हाला मंदिरात या, असे सांगितात. पण, आम्ही जात नाही कारण आता आम्हाला बौद्ध मंदिर आहे, असे सांगत केंद्रीय सामाजिक न्यायमंत्री रामदास आठवले यांनी काळाराम मंदिराच्या प्रवेश आंदोलनाच्या आठवणी जाग्या केल्या. डॉ. बाबासाहेब आंबेडकरांनी २ मार्च १९३० रोजी हे आंदोलन नाशिकला केल्याचेही त्यांनी यावेळी सांगितले.

सामाजिक न्याय व विशेष सहाय्य विभागातर्फे डॉ. बाबासाहेब आंबेडकर समाज भूषण, शाहू-फुले-आंबेडकर व संत रविदास पुरस्कार सोहळ्यात ते बोलत होत. यावेळी त्यांनी पुरस्कारार्थींचे अभिनंदन करतांना त्यांनी आपल्याला अद्याप तिकीट न मिळाल्याची खंतही व्यक्त केली. यावेळी त्यांनी सामाजिक न्यायमंत्री राजकुमार बडोले व राज्यमंत्री दिलीप कांबळे यांनी पक्षाला सांगावे, असा चिमटही काढला. अनेकांनी पुरस्कार मिळाले नसल्याचे मला फोन केले; पण मी त्यांना मलाच तिकीट न मिळाल्याचे सांगितल्याचा किस्साही सांगितला. पूर्वीचा भाजप व आताचा भाजप यात बदल झाला आहे. या पक्षाने आपल्या सर्व भूमिकेत बदल केले आहे. आम्ही त्यांच्याबरोबर आहोत. मात्र, भाजपने आरक्षणाला धक्का लावला तर आम्ही पण त्यांना धक्का देऊ, असा सूचक इशाराही आठवले यांनी दिला.

या सोहळ्यात त्यांनी अनेक जण आठवले बरोबर कोणी नाही असे सांगतात; मात्र त्यांनी माझ्याबरोबर देशभर फिरावे, असे आवाहनही आठवले यांनी यावेळी केले. या सोहळ्यात सामजिक न्यायमंत्री राजकुमार बडोले यांनी सामाजिक न्याय विभागाच्या विविध योजना सांगत साडेचार वर्षात केलेल्या कामांचा आढावा घेतला.

मोदी म्हणतात, हॅलो कवीराज!

पंतप्रधान नरेंद्र मोदी मला जेव्हा भेटतात तेव्हा ते मला 'हॅलो कविराज' म्हणून हाक मारतात, असेही आठवले यांनी सांगितले. यावेळी मी स्वत:ला कवी समजत नाही. पण, माझ्या चारोळ्याचे अनेक जण कौतुक करतात, असेही ते म्हणाले. यावेळी आठवले यांनी अनेक चारोळ्या म्हणत प्रेक्षकांची दाद मिळविली.

मोबाइल अॅप डाउनलोड करा आणि राहा अपडेट

शाळा इतरत्र हलवा!

$
0
0

रेल्वे प्रशासनाच्या मनमाड रेल्वे विद्यालयाला सूचना

म. टा. वृत्तसेवा, मनमाड

मनमाड येथील रेल्वे हद्दीतील मध्य रेल्वे माध्यमिक विद्यालय अर्थात इंडियन हायस्कूलच्या मैदानावर रेल्वे पार्किंग झोन सुरू केल्यानंतर रेल्वे प्रशासनाने आता शाळेची संपूर्ण इमारतच हस्तगत करून त्या ठिकाणी विकासकामांचा घाट घालण्याच्या हालचाली सुरू केल्या आहेत. त्यामुळे शाळेतील १५०० विद्यार्थ्यांच्या भवितव्याचा प्रश्न निर्माण झाला आहे.

मध्ये रेल्वेने ही शाळा हलविण्याबाबत शाळा प्रशासनाला थेट सूचना दिल्या आहेत. या प्रश्नी शहरातील विविध क्षेत्रातील नागरिक, पालक, माजी विद्यार्थी यांनी एकत्रित येऊन रेल्वेविरुद्ध आंदोलन उभारावे, तसेच शाळा इतरत्र हलवू देऊ नये असा सूर सर्व स्तरांतून व्यक्त केला जात आहे. तब्बल ९७ वर्षांची परंपरा असलेल्या शहरातील सर्वात जुन्या अशा इंडियन हायस्कूलच्या रेल्वे हद्दीतील जागेचा प्रश्न विद्यार्थ्यांच्या वार्षिक परीक्षा तोंडावर असताना पेटल्याचे चित्र आहे. रेल्वे हद्दीत शहराच्या मध्यवर्ती भागात हे विद्यालय असून रेल्वेचे अधिकारी शाळेच्या मॅनेजमेंट कमिटी वर वर्षानुवर्षे आहेत. स्वातंत्र्यपूर्व काळातील या शाळेला मध्य रेल्वे माध्यमिक विद्यालय असेही म्हटले जाते.

पार्किंगपासून वादाची ठिणगी

रेल्वे स्थानकाच्या नजीक असलेल्या या शाळेचे मैदान रेल्वे मैदान म्हणून काही महिन्यांपूर्वी रेल्वेने ताब्यात घेऊन तिथे रेल्वे पार्किंग झोन उभारले. आणि येथून शाळेचे संस्थाचालक व रेल्वे प्रशासन यांच्यात जागेबाबत संघर्ष सुरू झाला आणि तो थेट न्यायालयात जाऊन पोहचला.

पर्यायांचा शोध

शाळेच्या संस्था चालकांनी विविध पर्याय शोधण्याचे प्रयत्न सुरू केले आहेत. गावातील इमारत रेल्वेला दिली तर रेल्वेने पर्यायी जागा द्यावी अशी मागणी वरिष्ठ रेल्वे अधिकाऱ्यांकडे करण्यात आली आहे. मनमाड पालिका प्रशासनाला देखील शाळेसाठी जागा द्यावी असे साकडे घालण्यात आले आहे. शहरातील सरस्वती विद्यालयात इंडियन हायस्कूल वर्ग करण्याचा एक पर्याय देखील खुला असून त्या बाबत ही चर्चा सुरू असल्याचे सांगितले जात आहे. तसेच विद्यालय रेल्वे इतरत्र हलवणार असल्याच्या हालचाली काही महिन्यांपासून सुरू असताना याबाबत संस्था चालकांनी पालक, नागरिकांना अंधारात ठेवले, असा आरोप होत आहे.

मोबाइल अॅप डाउनलोड करा आणि राहा अपडेट

गस्तीत कुचराई नकोच!

$
0
0

म. टा. खास प्रतिनिधी, नाशिक

पोलिस रस्त्यावर दिसले की नागरिकांना दिलासा मिळतो. पोलिसांची दृश्यमानतासुद्धा अनेक गुन्ह्यांना पायबंद घालू शकते. त्यामुळे गस्तीत कुचराई नकोच, असा स्पष्ट आदेश पोलिस आयुक्त विश्वास नांगरे-पाटील यांनी पहिल्याच बैठकीदरम्यान दिला. या वेळी त्यांनी सायबर पोलिस ठाण्यासह शहरातील १३ पोलिस ठाण्यांचा आढावा घेतला.

पोलिस आयुक्त विश्वास नांगरे-पाटील यांनी शनिवारी पदभार स्वीकारला. डॉ. रवींद्रकुमार सिंगल यांच्याकडून सूत्रे हाती येताच नांगरे-पाटील यांनी पत्रकार परिषदेत आपला अजेंडा सांगितला. यानंतर सायंकाळी साडेपाचच्या दरम्यान यांनी सर्व पोलिस उपायुक्त, सहाय्यक पोलिस आयुक्त, पोलिस निरीक्षकांसोबत आढावा बैठक घेतली. तब्बल तीन तासांहून अधिक वेळ ही बैठक चालली. त्यात मार्गदर्शन करताना पोलिस आयुक्तांनी पोलिसांची दृश्यमानता वाढण्याकडे लक्ष देण्याचे स्पष्ट निर्देश दिले. गस्त, नाकाबंदी यामुळे संभाव्य गुन्हे रोखता येऊ शकतात, तसेच सतत पोलिस नजरेस पडल्याने नागरिकांनासुद्धा दिलासा मिळतो, असे त्यांनी स्पष्ट केले.

दरम्यान, पोलिस आयुक्तांनी शहरातील सर्व पोलिस स्टेशनचा आढावा घेतला. यात पोलिस ठाणे हद्दीतील गुन्हेगारी, त्याची कारणे, संघटित गुन्हेगारी, मालमत्तेचे गुन्हे, सराईत गुन्हेगारांची स्थिती याबाबत जाणून घेतले. पोलिस ठाणे हद्दीतील याच माहितीच्या आधारे सेक्टरनिहाय काम करणार असल्याचे आयुक्तांनी सुरुवातीस झालेल्या पत्रकार परिषदेमध्ये स्पष्ट केले होते. पोलिस आयुक्तांनी व्हिजिबिलीटी वाढवण्याबाबतच्या दिलेल्या आदेशाचा परिणाम रात्रीतून दोन ठिकाणी दिसून आला.

रात्री दहानंतरही तपासणी

नाशिक भागातील सिन्नर फाटा येथे दिवसा पोलिस असतात. मात्र, शनिवारी रात्री १० वाजेनंतरही येथे तपासणी सुरू होती. प्रथमच रात्रीच्या वेळी तपासणी सुरू असल्याचे या भागातील रहिवासी जितेंद्र सोनवणे यांनी सांगितले. रात्री-अपरात्री या भागात रेल्वे प्रवाशांची मोठी वर्दळ असते. सुरक्षेच्या दृष्टिकोनातून हा बंदोबस्त नियमित ठेवावा, अशी अपेक्षा सोनवणे यांनी व्यक्त केली. दरम्यान, रविवारी सकाळी वडनेर गेट ते पाथर्डी फाटा या रस्त्यावर पोलिस तपासणी करताना आढळले. या महत्त्वपूर्ण रस्त्यावर प्रथमच पोलिस तपासणी सुरू झाल्याने शेतशिवारातील नागरिकांनी समाधान व्यक्त केले.

मोबाइल अॅप डाउनलोड करा आणि राहा अपडेट

Viewing all 46150 articles
Browse latest View live


Latest Images