म. टा. प्रतिनिधी, नाशिक हल्लीच्या काळात आपल्याकडे असणारी प्रत्येक वस्तू ही स्पेशल असावी, असं प्रत्येकालाच वाटतं. यामध्ये विविध डिझाइन्सचे कपडे तर पहिले आकर्षण असतात. असे आकर्षक कपडे घरच्या घरीच आपल्याला हव्या त्या डिझाइन्समध्ये तयार करता यावे यासाठी महाराष्ट्र टाइम्स कल्चर क्लबच्या वतीने टी-शर्ट पेंटिंग वर्कशॉप महात्मानगर येथील सई संघवी यांच्या फिटनेस स्टुडिओत येथे झाले. क्षिप्रा गाडे व अमृता पिंपळवाडकर यांनी मार्गदर्शन केले. कोणत्याही मशिनचा वापर न करता टी-शर्ट प्रिंट करण्याचे धडे या वर्कशॉपद्वारे देण्यात आले. कोणताही सण, दिनविशेष, गिफ्ट्स आदींसाठी प्रिंटेड टी शर्टची क्रेझ हल्ली दिसून येते. मात्र, बाजारात असे टी शर्ट बनवून घेण्यासाठी मोठी रक्कम मोजावी लागते. टी शर्टवर घरच्या घरीच डिझाईन करता आले, तर खास करून तरुणाईसाठी ती मोठी आनंदाची गोष्ट ठरेल, या विचाराने या वर्कशॉप झाले. बाजारात मिळणाऱ्या प्रिंटेड टी शर्टप्रमाणेच टी शर्ट घरच्या घरीच प्रिंट करता यावेत, याविषयी सोप्प्या पद्धती या वर्कशॉपमध्ये शिकवण्यात आले. प्रारंभी मार्गदर्शकांनी डेमोद्वारे प्रिंट करण्याच्या सोप्या पद्धती सांगितल्या. कापडावर थेट पेंट करणे व स्टेन्सिलच्या आधाराने प्रिंट करण्याचे तंत्र यामध्ये शिकवण्यात आले. विविध विचार, पोर्ट्रेट, नावं कशी प्रिंट करायची, हेदेखील यावेळी सांगण्यात आले. कोणत्याही मशिनचा वापर न करता पूर्णतः हातानेच डिझाइन करण्याचे काम असल्याने सहभागी व्यक्तींना हे वर्कशॉप विशेष आवडले. मटा कल्चर क्लब लोगो, फेसबुक, ट्विटर लिंक, क्यू आर कोड चौकट वापरावी \Bफोटो : पंकज चांडोले \B
मोबाइल अॅप डाउनलोड करा आणि राहा अपडेट