‘ग्लोरियस अजंता’ हे प्रदर्शन बघितल्यावर प्रसाद पवार यांनी केलेल्या अद््भूत कामाची कल्पना येते. भारतीय संस्कृतीचा हा ठेवा जगभरात नेण्यासाठी माझे मंत्रालय सर्वतोपरी प्रयत्न करेल, अशी ग्वाही सांस्कृतिक कार्यमंत्री महेश शर्मा यांनी दिली.
भारत सरकारच्या सांस्कृतिक कार्य मंत्रालयाच्या अंतर्गत असलेले इंदिरा गांधी राष्ट्रीय कला केंद्र, नवी दिल्ली आणि प्रसाद पवार फाउंडेशन यांच्या संयुक्त विद्यमाने दिल्ली येथे आयोजित ग्लोरियस अजंता या प्रदर्शनाच्या उद््घाटनप्रसंगी ते बोलत होते.
भारताची ओळख बिलियन, ट्रिलियन डॉलरमध्ये मोजता येणारी संपत्ती नाही तर आपली संस्कृती आहे. कशाप्रकारे जगातील एवढा मोठा फोटो घेतला असेल, याचा विचार करणेही कठीण आहे. प्रसाद पवारने आपले पौराणिक कलाविष्कार जतन करण्यासाठी प्रयत्न केले नसते तर कदाचित येत्या दहा वीस वर्षांत हे सर्व नष्ट झाले असते. वर्तमान परिस्थिती जगातील सर्वजण भारतीय संस्कृतीकडे मोठ्या अपेक्षेने बघत आहेत, त्यासाठीचे प्रसाद पवारांचे योगदान अमूल्य आहे. हे आंतरराष्ट्रीय प्रदर्शन २२ जानेवारीपर्यंत नवी दिल्ली येथे आयोजित केले आहे.
कार्यक्रमास खासदार हेमंत गोडसे, आयजीएनसीएचे अध्यक्ष राम बहादूर राय, आयसीसीआरचे माजी अध्यक्ष लोकेश चंद्र, सदस्य सचिव डॉ. सच्चिदानंद जोशी, महाराष्ट्र साहित्य परिषद शाखा नाशिकरोडचे उपाध्यक्ष दत्ता गायकवाड व कार्याध्यक्ष उन्मेष गायधनी, नाशिकरोड देवलाली व्यापारी बँकेचे निवृत्ती अरिंगळे, इलेक्ट्रॉनिक मीडियाचे सुरेश चव्हाणके, रमेश साळवे व नीलेश बोथरे, कबड्डी असोसिएशनचे प्रकाश बोराडे, रमेश औटे, पांडुरंग गायधनी, पांडुरंग चव्हाण, जगदीश होळकर, अचल पंड्या व अनिल कुमार उपस्थित होते.
मोबाइल अॅप डाउनलोड करा आणि राहा अपडेट
