मटा फोकस
--
संकलन ः विनोद पाटील
---
‘स्मार्ट नाशिक’ला डिजिटल टच
--
नाशिकची निवड स्मार्ट सिटी योजनेत झाल्यानंतर शहराने आता डिजिटल कारभाराकडे वाटचाल सुरू केली आहे. महापालिका आयुक्त डॉ. अभिषेक कृष्णा यांनी शहराला खऱ्या अर्थाने ‘स्मार्ट’ करण्यासाठी अधिकाधिक सुविधा डिजिटल स्वरूपात उपलब्ध करून कामकाजात पारदर्शकता आणि गतिमानता राखण्यासाठी विशेष प्रयत्न सुरू केले आहेत. २२ नागरी सुविधा केंद्रे हे याच प्रयत्नातील महत्त्वाचे पाऊल आहे. सोबतच महापालिकेचे नाशिक स्मार्ट अॅपही नागरिकांच्या मदतीला असून, या २२ नागरी सेवा केंद्रांसह नाशिक स्मार्ट अॅपचा जवळपास पावणेतीन लाख नागरिकांनी वापर केला आहे.यातून जवळपास ८० टक्के नागरिकांचे प्रश्न वेळेत मार्गी लागल्याने नागरी सुविधा केंद्र आणि नाशिक स्मार्ट अॅप हे नाशिककरांसाठी वरदान ठरले आहे...
---
ऑनलाइन दाखले अन् निपटारा
शहरी भागात स्थानिक स्वराज्य संस्थेमार्फत नागरिकांना विविध प्रकारचे दाखले व परवानग्या देण्यात येतात. त्याकरिता नागरिकांना विविध विभागांत जाऊन सदर परवानग्या व दाखले प्राप्त करून घ्यावे लागतात. यामध्ये बराच वेळ जातो. नागरिकांचा वेळ आणि खर्च वाचावा यासाठी सर्व परवानग्या व दाखले एकाच ठिकाणी उपलब्ध करून देण्यासाठी नाशिक महापालिकेमार्फत नागरी सुविधा केंद्र विकसित करण्यात आले आहे. नागरिकांना ठराविक मुदतीत विविध विभागांचे दाखले मिळावेत म्हणून राज्य शासनाने सेवा हमी कायदा लागू केला असून, त्यानुसार १६ सेवांसाठी हा कायदा लागू करण्यात आला आहे. या कायद्याची अंमलबजावणी करण्यासाठी महापालिका आयुक्त अभिषेक कृष्णा यांनी ठोस पावले उचलत या १६ सेवांसोबतच तब्बल ४५ सेवा-सुविधांचे ऑनलाइन दाखले देण्यासह अर्जांचा निपटारा करण्यास सुरुवात केली आहे. त्यासाठी २२ ठिकाणी नागरी सेवा केंद्रे सुरू करण्यात आली असून, त्याद्वारे नागरिकांना त्यांच्याच भागात, तसेच घरपोच सुविधा दिल्या जात आहेत.
--
हजारो नाशिककरांनी घेतला लाभ
नागरिकांना नागरी सुविधा केंद्रामुळे एकाच ठिकाणी सर्व प्रकारचे दाखले व परवानग्या उपलब्ध होणार आहे. त्यात काही दाखले ऑनलाइनही घरपोच घेता येत आहेत. या योजनेनुसार जन्म, मृत्यू, मालमत्ता कर, विवाह प्रमाणपत्र, मालमत्ता हस्तांतरण दाखला, विभागीय दाखला, जोता, बांधकाम वापर परवाना, नळजोडणी, मलवाहिनी जोडणी, मालमत्ता कर भरणा, विविध कर वसुली, डॉग लायसन्स, भोगवटा प्रमाणपत्र, अग्निशमन दल परवाने, हॉस्प‌िटल्स नूतनीकरण आदी दाखले महापालिकेकडून आता नागरिकांना घरबसल्या दिले जात आहेत. दि. ५ एप्रिलपासून नाशिक महापालिकेने सुरू केलेल्या या नागरी सेवांमुळे आतापर्यंत ४३ हजार ३८८ नागरिकांनी या सेवांसाठी अर्ज केले आहेत. त्यापैकी जवळपास ३१ हजार ३०३ नागरिकांना या सेवेचा लाभ मिळाला आहे, तर घरपट्टी व पाणीपट्टी भरण्यासाठी दोन लाख ८ हजार ९७४ नागरिकांनी सेवा केंद्रांचा फायदा घेतला आहे. स्मार्ट नाशिक अॅपचा वापर करीत ३० हजार ६९२ जणांनी तक्रारी केल्या असून, त्यापैकी २९ हजार ६७७ नागरिकांच्या तक्रारी सोडविण्यात आल्या आहेत.
--
कॅशलेस ट्रॅन्झॅक्शनला प्रोत्साहन
महापालिकेमार्फत या नागरी सुविधा केंद्रांत जवळपास ४५ सेवा पुरविण्यात येत असून, त्यासाठी महापालिकेला येस बँकेचे सहकार्य मिळत आहे. बँकेने सदर नागरी सुविधा केंद्र चालविण्याकामी विनामूल्य मनुष्यबळ उपलब्ध करून दिले आहे. सदर नागरी सुविधा केंद्रामध्ये येस बँकेमार्फत कॅशलेस ट्रॅन्झॅक्शनला प्रोत्साहन देण्यात येत आहे. त्याकरिता बँकेमार्फत डेबिट व क्रेडिट कार्डद्वारे नागरिकांना कर भरणा करण्याकामी प्रत्येक नागरी सुविधा केंद्रास प्रत्येकी एक पीओएस मशिन उपलब्ध करून दिले आहे. या नागरी सुविधा केंद्रांत प्राप्त होणाऱ्या सर्व अर्जांवर विहित कालावधीमध्ये कार्यवाही करून नागरिकांना वेळेत दाखले व परवानग्या देण्यात येतात. ही नागरी सुविधा केंद्रे हे त्या-त्या विभागातील विभागीय अधिकाऱ्यांच्या नियंत्रणाखाली कामकाज करीत आहेत.
--
भ्रष्टाचाराला ऑनलाइनने चाप
महापालिकेने या नागरी सुविधा केंद्रांबरोबर या सेवा नागरिकांना ऑनलाइनही उपलब्ध करून दिल्या आहेत. नागरिक ऑनलाइनदेखील अर्ज भरू शकतात. त्याप्रमाणे विविध दाखले व परवानग्यांकरिता आवश्यक शुल्काचा भरणा ऑनलाइन करता येत आहेत. नगररचना, वैद्यकीय, आरोग्य विभागातील प्रमाणपत्रांसाठी पैशांची देवाणघेवाण होते. आता थेट संवादच होणार नसल्याने भ्रष्टाचारालाही चाप बसणार आहे. सद्य:स्थितीत नागरी सुविधा केंद्रे ही प्रायोगिक तत्त्वावर सुरू करण्यात आली असून, ही नागरी सुविधा केंद्रे व्यवस्थितरीत्या कार्यान्वित झाल्यानंतर भविष्यात त्यांचा विस्तार करण्यात येईल.
---
कालमर्यादा निश्चिती
नागरिकांना सुविधा व दाखल्यांसाठी कमीत कमी तीन, तर जास्तीत जास्त ६० दिवसांची कालमर्यादा निश्चित करण्यात आली आहे. ऑनलाइन सुविधा प्राप्त करण्याकामी www.cfc.nmcutilities.in या वेबसाइटवर जाऊन नागरिक थेट ऑनलाइन अर्ज करून दाखले घरपोच मिळवू शकत आहेत. या परवानग्यांसाठी महापालिकेचे उंबरठे झिजविण्याची आता आवश्यकता राहिलेली नाही. नागरिकांना दाखला मिळविण्यासाठी व अर्ज करण्यासाठी या केंद्रामध्ये प्रथम यावे लागत होते. परंतु, कालांतराने आता अर्ज करण्यासह पैसे भरण्याचीही सुविधा ऑनलाइन होणार आहे. त्यामुळे जलद सेवा मिळणार आहे.
---
या ४५ नागरी सुविधा ऑनलाइन उपलब्ध
--
जन्म दाखला
मृत्यू दाखला
मालमत्ता कर भरणा
विवाह प्रमाणपत्र
मालमत्ता हस्तांतरण दाखला
विभागीय दाखला
जोता दाखला
बांधकाम वापर परवाना
नळजोडणी
मलवाहिनी जोडणी
विविध कर वसुली
डॉग लायसन्स, जन्म-मृत्यूचे दाखले
रुग्णालय नोंदणी
रुग्णालय नूतनीकरण
सोनोग्राफी सेंटर
प्री-फायर एनओसी
फायनल फायर एनओसी
फायर एक्सटिंग्युशर्स दाखला
डॉग लायसन्स नूतनीकरण
लॉजिंग लायसन्स अँड रिनिव्हल
सेफ्टिक टँक (निवासी)
सेफ्टिक टँक ( वाणिज्यिक)
बायोमेडिकल वेस्ट नोंदणी
अॅसेसमेंट रजिस्टर
नवीन मालमत्ता नोंदणी
अतिरिक्त बांधकामांना मंजुरी
पाणीपट्टी कर भरणा
वॉटर मीटर चोरी, खराब
इंजिनीअर लायसन्स
भोगवटा प्रमाणपत्र
रिवाइज बांधकाम दाखला
झोन सर्टिफिकेट
टीडीआर सर्टिफिकेट
टीडीआर युटिलायझेशन
शहर विकास आराखडा नकाशा
जाहिरात परवाना
तात्पुरता जाहिरात परवाना
जाहिरात परवाना नूतनीकरण
मनपा सभागृह, मोकळ्या जागा भाडेसंदर्भात
मनपा गाळे भाडेसंदर्भात
रोड डॅमेज चार्जेस
प्लंबिंग लायसन्स
नळजोडणी हस्तांतरण
वृक्षतोड परवानगी
झाडांच्या फांद्या तोडणे
--
नागरी सेवा केंद्रांमधील अर्ज व निपटारा स्थिती
--
विभाग अर्ज निपटारा शिल्लक
घरपट्टी भरणा १४२४८० १४२४८० ०
पाणीपट्टी भरणा ६६४९४ ६६४९४ ०
जन्म प्रमाणपत्र १९१६५ १७८३१ १३३४
फायर अंतिम दाखला ११८ ११३ ५
फायर एनओसी ५६१ २१५ ३४६
नळजोडणी ५१५ ३०८ २०७
जोते प्रमाणपत्र ९१ ५ ८६
झोन दाखला ४११ १४८ २६३
दूषित टाकी स्वच्छता ७९२ ७०९ ८३
नवीन नळजोडणी ३१७२ २३३८ ८३४
पाणी जोडणी हस्तांतरण ७५३ ४५ ७०८
बांधकाम परवाना ८१८ १०४ ७१४
भोगवटा प्रमाणपत्र २५४६ २५६ २२९०
मालमत्ता कर उतारा १४१६ ७५७ ६५९
मालमत्ता हस्तांतरण ३३०२ २९२५ ३७७
मृत्यू प्रमाणपत्र ६९४६ ६३८२ ५६४
रुग्णालयाची नोंदणी ९५ ८ ८७
रुग्णालय नूतनीकरण २३९ २१ २१८
विवाह नोंदणी प्रमाणपत्र ५६२ ४०९ १५३
-----------------
स्मार्ट नाशिक अॅपला वाढता प्रतिसाद
--
३० हजार ६९२ -एकूण प्राप्त तक्रारी
२९ हजार २७७ -निपटारा झालेल्या तक्रारी
१४१५- प्रलंबित तक्रारींची संख्या
--
अॅपवरील विभागनिहाय तक्रारींची स्थिती
--
विभाग एकूण तक्रारी निपटारा प्रलंबित
पाणीपुरवठा विभाग ३५५४ ३३२४ ३०
आरोग्य व मलनिस्सारण ६२८३ ६२१९ ६४
सार्वजनिक बांधकाम ३१८० २८०१ ३७९
उद्यान विभाग १०९९ १०५७ ४२
एमटीएस विभाग ७० ६७ ३
नगररचना विभाग ६०९ ५६० ४९
प्रॉपर्टी टॅक्स २२३ २२० ३
वैद्यकीय विभाग २४ २१ ३
विद्युत विभाग १०२४८ ९६०० ६४८
ड्रेनेज विभाग ३४२५ ३३७० ५५
वॉटर टॅक्स १९६ १९६ ००
भूमिगत गटार ८९ ७१ १८
उद्यान (बांधकाम) ८० ७५ ५
उद्यान ( हॉर्टिकल्चर) ८२३ ७८० ४३
पर्यावरण विभाग १२ ११ १
--
शहरातील २२ नागरी सुविधा केंद्रे
--
विभागीय कार्यालये अन् उपकार्यालये ः
-मनपा मुख्यालय, राजीव गांधी भवन, मनपा मुख्यालय, शरणपूररोड
-नवीन नाशिक विभागीय कार्यालय, नवीन नाशिक, अंबड पोलिस स्टेशनसमोर
-कामटवाडे उपकार्यालय, मधुरा लॉन्ससमोर, कामटवाडेरोड
-वडनेर-पिंपळगाव उपकार्यालय, मारुती मंदिराजवळ, वडनेर पिंपळगाव
-पाथर्डी गाव उपकार्यालय, पाथर्डी गाव
-अंबड गाव उपकार्यालय, अंबड गाव पाण्याच्या टाकीजवळ, अंबड
-नाशिक पूर्व विभागीय कार्यालय, विभागीय कार्यालय, मेनरोड, शालिमाररोड
-इंदिरानगर उपकार्यालय, कलानगर, इंदिरानगर
-गांधीनगर उपकार्यालय, मारुती मंदिराजवळ, नाशिक-पुणे महामार्ग, गांधीनगर
-पंचवटी विभागीय कार्यालय, पंचवटी, मखमलाबाद नाक्याजवळ
-म्हसरूळ उपकार्यालय, महापालिका शाळा क्रमांक ८९, भाजी मार्केटशेजारी, म्हसरूळ
-मखमलाबाद उपकार्यालय, मारुती मंदिराजवळ, मखमलाबाद
-आडगाव उपकार्यालय, आडगाव बस स्टॉप, मेनरोड, आडगाव
-नांदूर-मानूर उपकार्यालय, महापालिका शाळेसमोर, नांदूर-जेलरोड मार्ग, नांदूर गाव
-नाशिकरोड विभागीय कार्यालय, मुक्तिधामरोड, नाशिकरोड
-चेहेडी गाव उपकार्यालय, चेहेडी जकात नका, नाशिक-पुणेरोड, नाशिकरोड
-दसक गाव उपकार्यालय, शिवाजीनगर, म्हसोबा मंदिरासमोर, जेलरोड, नाशिकरोड
-पंचक गाव उपकार्यालय, पंचक सरकारी दवाखाना, जेलरोड, नाशिकरोड
-नाशिक पश्चिम विभागीय कार्यालय, पंडित कॉलनी, शरणपूररोड
-महात्मानगर, महात्मानगर पाण्याच्या टाकीजवळ, महात्मानगर, नाशिक
-सावरकरनगर, आकाशवाणी केंद्राजवळ, सावरकरनगर
-सातपूर मनपा विभागीय कार्यालय, त्र्यंबकरोड, सातपूर
--
महापालिकेचा कारभार अधिकाधिक गतिमान व पारदर्शक करण्यासाठी प्रयत्न केले जात असून, नागरिकांना घरबसल्या ऑनलाइन सर्व सुविधा देण्याचा मानस आहे. यापुढच्या काळात दाखले आणि सुविधांसाठी नागरिकांना वारंवार महापालिकेत चकरा मारण्याची गरज राहणार नाही. नागरिकांना या सुविधा व दाखले वेळेत मिळतील यासाठीचीही खबरदारी घेण्यात येत आहे. ४५ सेवा-सुविधा ऑनलाइन करणे हा त्याचाच भाग आहे.
-अभिषेक कृष्णा, आयुक्त, नाशिक महापालिका
मोबाइल अॅप डाउनलोड करा आणि राहा अपडेट
