Quantcast
Channel: Maharashtra Times
Viewing all 46150 articles
Browse latest View live

किटकनाशके चोरटे गजाआड

0
0

म. टा. प्रतिनिधी, नाशिक
जिल्ह्यात किटकनाशकांची दुकाने फोडणाऱ्या नऊ जणांच्या टोळीला ग्रामीण पोलिसांच्या स्थानिक गुन्हे शाखेने अटक केली. त्यांच्याकडून दोन चारचाकी, एक दुचाकी आणि सात लाख २९ हजार रुपये किमतीची किटकनाशके असा सुमारे साडे तेरा लाखांचा मुद्देमाल जप्त करण्यात आला आहे.
काही महिन्यांपासून जिल्ह्यातील निफाड, दिंडोरी, चांदवड तालुक्यांमधील किटकनाशकांची दुकानांमधून शेती उपयुक्त औषधे, किटकनाशके, बुरशीनाशके चोरीस जाण्याचे प्रकार वाढले होते. परंतु चोरटे हाती लागत नव्हते. गुन्हे शाखेचे पोलिस निरीक्षक अशोक करपे यांना चोरांबाबत माहिती मिळाली. त्यानुसार स्थानिक गुन्हे शाखेच्या पथकाने नऊ संशयितांना दिंडोरी तसेच चांदवड तालुक्यातील सिंदवड, खतवड, तिसगाव, बहादुरी येथून ताब्यात घेतले. सोपान दिनकर बस्ते, राहुल भाऊसाहेब मोरे, गुलाब निवृत्ती लांडे, लहू शंकर बस्ते (सर्व रा. सिंदवड, ता. दिंडोरी) सतीश अरुण मोरे (रा. कसबे सुकेणे, ता. निफाड), शुभम नामदेव गवे (रा. खटवड, ता. दिंडोरी), खंडेराव पोपट कडाळे, (रा. तिसगाव, ता. दिंडोरी), किरण अशोक गायकवाड (रा. बहादुरी, ता. चांदवड), ज्ञानेश्वर मधुकर गणोरे (रा. खडक सुकेणे, ता. निफाड) अशी अटक केलेल्या आरोपींची नावे आहेत. त्यांनी किटकनाशकांची ११ दुकाने फोडल्याची कबुली दिली असून १३ लाख २४ हजार ५५९ रुपयांचा मुद्देमाल जप्त केला आहे. पोलिस अधीक्षक संजय दराडे, अपर अधीक्षक विशाल गायकवाड यांच्या मार्गदर्शनाखाली सहायक निरीक्षक राम करपे, उपनिरीक्षक मच्छिंद्र रनमाळे, रवी शिलावट, रामभाऊ मुंढे, हवालदार दीपक अहिरे, हनुमंत महाले, अमोल घुगे आदींनी हे गुन्हे उघडकीस आणले.

मोबाइल अॅप डाउनलोड करा आणि राहा अपडेट


कल्पना चावलाचा वारसा सुरू राहील

0
0

म. टा. प्रतिनिधी, नाशिक
विद्यार्थ्यांमध्ये खगोलशास्त्र व अंतराळ संशोधनात रुची निर्माण करण्यासाठी शहरात आयोजित केलेला जागतिक अंतराळ सप्ताह महत्त्वाचा आहे. या सप्ताहामुळे विद्यार्थ्यांमध्ये विज्ञान व अंतराळाची गोडी, कुतुहूल निर्माण होण्यास मदत होत आहे. यामुळे कल्पना चावला यांच्यासारख्या अंतराळवीर तयार होऊन त्यांच्या कार्याचा वारसा सुरू राहील, असा विश्वास महापौर रंजनी भानसी यांनी व्यक्त केला.
महापालिका आणि कल्पना युथ फाउंडेशन यांच्यातर्फे जागतिक अंतराळ सप्ताहाचे उद्‍घाटन महापौर भानसी यांच्या हस्ते यशवंतराव चव्हाण तारांगण येथे बुधवारी झाले. अंतराळ सप्ताह ४ ते १० ऑक्टोबर दरम्यान साजरा केला जाणार आहे. याप्रसंगी महापौर भानसी बोलत होत्या. या सप्ताहासाठी भरीव कामगिरी करणाऱ्या कल्पना युथ फाउंडेशनला शुभेच्छा देत यापुढेही असेच प्रेरणादायी कार्य पुढे चालू ठेवावे, असे आवाहन केले.

नासा स्पेस एज्युकेटर अपूर्वा जाखडी यांनी कार्यक्रमात प्रारंभी अंतराळ सप्ताहाची पार्श्वभूमी सांगितली. तसेच यावर्षी युनोने जाहीर केलेली ‘एक्सप्लोरिंग न्यू वर्ल्ड्स इन स्पेस’ याविषयी माहिती दिली. जगातील जवळपास ८५ देशांमध्ये हा सप्ताह साजरा केला जातो. नाशिककरांनीही यात आपला सहभाग नोंदवावा, असे त्यांनी आवाहनही त्यांनी केले. कल्पना युथ फाउंडेशनचे अध्यक्ष प्रा. जयदीप शाह यांनी या सप्ताहात घेतले जाणारे विविध कार्यक्रम व स्पर्धा यांची विद्यार्थ्यांना माहिती दिली. अंतराळ सप्ताहाचे तीन वर्षांपासून आयोजन करणारी देशातील पहिली महापालिका ठरल्याबद्दल फाउंडेशनचे उपाध्यक्ष प्रा. भूषण उगले यांनी नाशिक महापालिकेचे अभिनंदन केले. यावेळी समिती सभापती शिवाजी गांगुर्डे, अतिरिक्त आयुक्त किशोर बोर्डे, शिक्षणाधिकारी नितीन उपासनी, शहर अभियंता उत्तम पवार, इस्रोचे माजी अभियंता अविनाश शिरोडे, तसेच सुशांत राजोळे, हेमंत आढाव, पवन कदम, दीपक तरवडे आणि केंब्रिज इंटरनॅशनल स्कूलचे विद्यार्थी उपस्थित होते. विद्यार्थ्यांसाठी तारांगणचा ‘शो’ दाखविण्यात आला. सप्ताहांतर्गत निबंध, पोस्टर अशा विविध स्पर्धा होणार आहेत.

सप्ताहांतर्गत होणारे कार्यक्रम
शुक्रवार (दि. ६) : पॉवर पॉईंट स्पर्धा - के. के. वाघ कॉलेज
रविवार (दि. ८) : पोस्टर स्पर्धा, अंतराळ प्रश्न मंजुषा स्पर्धा, इस्रोच्या वैज्ञानिकांसह व्हिडियो कॉन्फरन्स
मंगळवार (दि. १०) : गिरीश पिंपळे यांचे तारांगण येथे व्याख्यान

मोबाइल अॅप डाउनलोड करा आणि राहा अपडेट

चिमुकलीच्या घशात अडकली सेफ्टी पिन

0
0

म. टा. प्रतिनिधी, नाशिक

खेळताना चुकून सेफ्टीप‌नि गिळल्याने कळवण तालुक्यातील एका वर्षाच्या मुलीचा जीव धोक्यात आला होता. सिव्ह‌लि हॉस्प‌टिलमधील तज्ज्ञ डॉक्टरांनी यशस्वी शस्त्रक्रिया करून गळ्यात अडकलेली सेफ्टी प‌नि बाहेर काढली.

प्रमिला गवळी असे ही शस्त्रक्र‌यिा करण्यात आलेल्या मुलीचे नाव आहे. ती कळवण तालुक्यातील सीतापुरी येथील रहिवाशी आहे. मंगळवारी (दि. ३) सायंकाळी घरात खेळत असताना ती सेफ्टी प‌नि तोंडात टाकून चघळू लागली. अनावधानाने ही सेफ्टी पीन तिने गिळली. पीन घशामध्ये उघडली गेल्याने काही वेळाने तिला त्रास होऊ लागला. तिने कुटुंबीयांना याची माहिती दिली. त्यांनी तातडीने तिला जवळच्या हॉस्प‌टिलमध्ये दाखल केले. डॉक्टरांनी प्राथमिक तपासणी करून तिला वणीच्या प्राथमिक आरोग्य केंद्रात पाठव‌लिे. तेथेही उपचार करणे शक्य नसल्याने तिला सिव्हील हॉस्प‌टिलमध्ये हलविण्यात आले. प्रमिलावर अतिदक्षता विभागात उपचार सुरू करण्यात आले. कान, नाक, घसा तज्ज्ञ डॉ. संजय गांगुर्डे यांनी तपासणी केली. प्रमिलाचा एक्सरे काढल्यानंतर स्वर व श्वसननलिकेजवळ सेफ्टी पीन उघडलेल्या अवस्थेत अडकल्याचे स्पष्ट झाले. त्यामुळे दुर्बीणीच्या सहायाने शस्त्रक्रिया करण्याचा निर्णय घेण्यात आला. लॅरिगोस्कोपच्या मदतीने ही शस्त्रक्रिया करण्यात आली. तोंडावाटे सेफ्टी प‌नि काढण्यासाठी पाऊण तासाचा वेळ लागला. शस्त्रक्रियेदरम्यान, प्रमिलाच्या श्‍वसननलिकेला इजा होणार नाही याचीही खबरदारी घेण्यात आली. अखेर घशात अडकलेली पीन काढण्यात डॉक्टरांना यश आले. या शस्त्रक्रियेसाठी भुलतज्ज्ञ डॉ. सचीन पवार यांच्यासह डॉ. सिद्धार्थ शेळके व सहकाऱ्यांनी परिश्रम घेतले.

प्रमिलाच्या गळ्यात अडकलेली प‌नि स्वर यंत्राच्या आत होती. त्यामुळे तेथे जखम झाल्यास रक्तस्त्राव होऊन मृत्यू होण्याचा धोका अधिक होता. त्यामुळेच तातडीने शस्त्रक्रिया केली. प्रमिला आता सुखरुप आहे.

-डॉ. संजय गांगुर्डे, कान, नाक, घसा तज्ज्ञ

मोबाइल अॅप डाउनलोड करा आणि राहा अपडेट

स्मार्ट सिटी सर्वांच्या सहकार्यातून

0
0

म. टा. वृत्तसेवा, सिडको

नाशिक शहराचा विकास करण्यासाठी शहरातील सर्वच संघटनांना सामावून घेणार अाहे. मुख्यमंत्री नाशिकच्या विकासासाठी कायमच तत्पर असतात. त्यामुळे येत्या काळात सर्वांच्या सहकार्याने स्मार्ट सिटी साकारणार असल्याचे प्रतिपादन महापौर रंजना भानसी यांनी केले.

शहरात दर दोन वर्षांनी क्रेडाईच्या माध्यमातून होणाऱ्या शेल्टर २०१७ या प्रदर्शनाच्या लोगोच्या अनावरणावेळी महापौर बोलत होत्या. खासदार हेमंत गोडसे, हरिश्चंद्र चव्हाण, आमदार बाळासाहेब सानप, सीमा हिरे, डॉ. राहुल आहेर, उपमहापौर प्रथमेश गिते, स्थायी समितीचे सभापती शिवाजी गांगुर्डे, महापालिकेतील विरोधी पक्षनेते अजय बोरस्ते, दिनकर पाटील आदी व्यासपीठावर होते.

क्रेडाईचे अध्यक्ष सुनील कोतवाल यांनी प्रास्ताविकात सांगितले, की शेल्टर हे प्रदर्शन फक्त क्रेडाईचेच संपूर्ण नाशिककरांचे आहे. यानिमित्त नाशिकचे ब्रँडिंग करण्याची मोठी संधी आहे. ‘नाशिक, इंडियाज कल की सोच’ असे ब्रीदवाक्य असलेल्या या प्रदर्शनाचा फायदा पूर्ण शहराला निश्चितच होईल. शेल्टर २०१७ चे समन्वयक उदय घुगे यांनी प्रदर्शनाचे सादरीकरण करताना अनेक नव्या बाबींचा समावेश या प्रदर्शनात केला असल्याचे नमूद करताना तंत्रज्ञानाचा वापर केला असल्याचे सांगत नावनोंदणीकरिता आरएफआयडी तंत्रज्ञानाचे टॅग दर्शकांना दिले जातील. त्यामुळे अगदी माहितीपत्रके देण्याऐवजी ई माहितीपत्रके दिल्याने पर्यावरणाचेही संवर्धन होईल.

खासदार गोडसे यांनी नाशिक-पुणे-मुंबई या सुवर्ण त्रिकोणातील नाशिकचा विकास कमी प्रमाणात झाला असल्याचे सांगत येत्या काळात केंद्र सरकार व राज्य सरकारचे नाशिकच्या विकासाकडे लक्ष असल्याचे सांगितले. आमदार सानप डॉ. आहेर यांनीही मनोगत व्यक्त केले. कार्यक्रमाला क्रेडाईतर्फे सचिव उमेश वानखेडे, हेमंत पारख, नरेश कारडा, अमित रोहमारे, अनिल आहेर, सुनील गवांदे, सुरेश पाटील, नगरसेवक श्याम साबळे, विजय संकलेचा, अनंत राजेगावकर, जितूभाई ठक्कर, सदूभाऊ शुक्ल आदी उपस्थित होते. क्रेडाईच्या या कार्यक्रमात अनेक मान्यवर उपस्थित असतानाही केवळ नाशिकचे नाव राष्ट्रीय व आंतरराष्ट्रीय स्तरावर नेणाऱ्या नाशिकच्या अनिकेत वाघमारे, प्रिया नायडू, अनिरुद्ध केंगे, सृष्टी नेरकर, रवी शर्मा या पाच विद्यार्थ्यांच्या हस्ते दीपप्रज्वलन झाले.


असे राहणार ‘शेल्टर’...

दि. २१ ते २५ डिसेंबरदरम्यान डोंगरे वसतिगृह येथे भरणाऱ्या शेल्टर २०१७ प्रदर्शनातून नाशिककरांना घराचे स्वप्न पूर्ण करण्याची संधी मिळणार असून, १७५ बिल्डर्सचे ६०० हून अधिक गृह प्रकल्प, १५ गृहकर्ज पुरविणाऱ्या वित्तीय संस्था व १०० हून अधिक बांधकाम साहित्याशी निगडित संस्थांच्या सहभागाने नाशिककरांना एकाच ठिकाणी अनेक पर्याय उपलब्ध राहणार आहेत.

मोबाइल अॅप डाउनलोड करा आणि राहा अपडेट

शेफ कपूर यांचा लाइव्ह कुकरी शो

0
0

म. टा. प्रतिनिधी, नाशिक

महाराष्ट्र टाइम्स कल्चर क्लब व व्हेजिको ट्री संजीव कपूर खजानाच्या वतीने खमंग, चटपटीत पदार्थ बनविण्याचे तंत्र नामांकित शेफ संजीव कपूर यांच्याकडून शिकण्याची सुवर्णसंधी नाशिककरांसाठी उपलब्ध करून देण्यात आली आहे.

येत्या सोमवारी (दि. ९) दुपारी ३ वाजता नभांगण लॉन्स, इंदिरानगर येथे आयोजित लाइव्ह कुकरी शोमधून ही संधी महिलावर्गाला उपलब्ध होणार आहे. संजीव कपूर स्वतः या कार्यक्रमात विविध पाककृती करून दाखवणार आहेत.

महाराष्ट्र टाइम्स कल्चर क्लबतर्फे नेहमीच विविध कार्यक्रमांचे आयोजन करण्यात येत असते. वर्षभरातील महत्त्वाचे सण उत्सव स्पेशल करण्यासाठी तर अशा कार्यक्रमांची रीघ लागलेली असते. सध्या दिवाळीचे वातावरण सर्वत्र आहे. शहर रंगीबेरंगी दिव्यांनी सजण्यासाठी सज्ज झाले आहे. या सणात फराळ व चटकदार पदार्थ मुख्य वैशिष्ट्य व आकर्षण असतात. यंदाच्या दिवाळीत काही तरी वेगळे पदार्थ करण्याची संधी मिळावी, यासाठी मटा कल्चर क्लबतर्फे हा कार्यक्रम आयोजित करण्यात आला आहे.


कल्चर क्लब सदस्य होण्यासाठी

फेसबुक लिंक - https://www.facebook.com/MTCultureClub

टि्वटर लिंक - https://twitter.com/MTCultureClub

टीप - कल्चर क्लबच्या वेबसाइटवर जाण्यासाठी हा कोड तुमच्या मोबाइलवर स्कॅन करा.



दिवाळीनिमित्त वैशिष्ट्यपूर्ण रेसिपींची मेजवानी

या कार्यक्रमात मास्टर शेफ संजीव कपूर दिवाळीनिमित्त स्वतः काही रेसिपी तयार करून दाखवणार आहेत. महाराष्ट्र टाइम्स कल्चर क्लब सदस्यांसाठी १५० तर इतरांसाठी ३०० रुपये रजिस्ट्रेशन फी असणार आहे. अधिक माहितीसाठी महाराष्ट्र टाइम्स, २ रा मजला, अल्फा स्क्वेअर, डिसुझा कॉलनी, कॉलेज रोड या पत्त्यावर संपर्क करावा किंवा (०२५३) ६६३७९८७, ९५५२५६६८४२ या क्रमांकावर संपर्क साधावा, असे आवाहन करण्यात आले आहे.

मोबाइल अॅप डाउनलोड करा आणि राहा अपडेट

‘स्वाइन फ्लू’मध्ये नाशिक दुसऱ्या स्थानी

0
0

म. टा. प्रतिनिधी, नाशिक

मागील नऊ महिन्यात स्वाइन फ्लूमुळे नाशिक जिल्ह्यात ८० नागरिकांचा बळी गेला. यात, नाशिक शहर, जिल्हा तसेच आजुबाजुच्या जिल्ह्यातील नागरिकांचा समावेश आहे. जीवघेण्या स्वाइन फ्लूमुळे सर्वाधिक बळी पुणे जिल्ह्यात (१००) गेले असून, त्याखालोखाल नाशिकचा क्रमांक लागतो.
ऑक्टोबर हिट सरता सरता थंडीची चाहूल लागणार असून, आरोग्य यंत्रणेसाठी ही धोक्याची घंटा ठरली आहे. राज्यभरात यंदा स्वाइन फ्लू या आजाराने थैमान घातले असून, यात ६०० जणांचा बळी गेला आहे. नाशिकमध्ये २०१५ मध्ये सिंहस्थ कुंभमेळा झाला. या काळात लाखो भाविक शहरात दाखल झाले. त्यावेळी स्वाइन फ्लूमुळे वर्षभरात ८७ बळी गेले होते. यंदा मात्र नऊ महिन्यातच हा आकडा ८० च्या घरात पोहचला आहे. वर्षाअखेरीस यात आणखी वाढ होण्याची शक्यता वर्तवली जाते आहे. राज्य आरोग्य विभागाने नाशिक तसेच पुणे येथील स्थानिक स्वराज्य संस्था, तसेच आरोग्य विभागास सूचना केल्या असून, संशयित पेशंटवर वेळीच उपचार करण्यासाठी तपासणीवर भर देण्याचे आदेश देण्यात आले आहेत. स्वाइन फ्लूला रोखण्यासाठी आवश्यक औषधसाठा सज्ज ठेवण्याच्या सुचनाही स्थानिक स्वराज्य संस्थेला देण्यात आल्या आहेत. हायपर टेन्शन, डायबेटीस तसेच गरोदार महिलांबाबत विशेष लक्ष ठेवण्याची गरज असते. दरम्यान, स्वाइन फ्लूमुळे राज्यभरात मृत्युचा आकडा वाढत असून, राज्य आरोग्य विभागाने त्याची कारणमिमांसा सुरू केली आहे. यासंदर्भात एक कमिटी कार्यरत असून, ती मृत्युच्या कारणांचा आढावा घेत असल्याचे सूत्रांनी सांगितले.

सप्टेंबरमध्ये १८ बळी

स्वाइन फ्लूमुळे मृत्यू झालेल्या ६० टक्के व्यक्तींना कॅन्सर, अस्थमा, मधुमेही रुग्ण असल्याचे कमिटीवरील पॅनलने स्पष्ट केले आहे. उर्वरित घटनांमध्ये पेशंटवर अगदीच शेवटच्या स्टेजवर स्वाइन फ्लूबाबत उपचार झाल्याचे सदर कमिटीच्या अहवालात समोर आले आहे. नाशिकमध्ये सप्टेंबर महिन्यात १८ मृत्यू झाले असून, सिव्हिल हॉस्पिटल, ग्रामीण रुग्णालये तसेच प्राथमिक आरोग्य केंद्रात दररोज संशयित पेशंटची तपासणी केली जाते. तपमानातील चढ-उताराचा परिणाम स्वाइन फ्लूच्या फैलावास कारणीभूत ठरत असल्याचा दावा आरोग्य विभागातील सूत्रांनी केला.

मोबाइल अॅप डाउनलोड करा आणि राहा अपडेट

दिंडोरी अंधारात

0
0

म. टा. वृत्तसेवा, दिंडोरी

ऐन सणासुदीच्या व परीक्षांचे काळात दिंडोरी शहरासह तालुक्यात विजेचे भारनियमन वाढल्याने नागरिक त्रस्त झाले आहेत. लखमापूर शिवारात अगोदरच बिबट्याची दहशत असताना रात्रीच्या भारनियमनाने घबराटीत वाढ होत आहे.

दिंडोरी शहरात गेले काही वर्षे विजेचे भारनियमन नव्हते. तर ग्रामीण भागात भारनियमन कमी होते. परंतु गेल्या महिनाभरापासून भारनियमनात अचानक वाढ झाली असून, दिंडोरी शहरात दोन टप्प्यात सहा तासाहून अधिक भारनियमन सुरू आहे. ग्रामीण भागात बारा तासापेक्षा जास्त भारनियमन सुरू आहे. दिवसाच्या भारनियमन काळात विविध व्यवसाय ठप्प होत असून, ऑनलाइन असलेले विविध शासकीय कार्यलयातील कामकाज बंद पडत आहेत. तर रात्रीच्या भारनियमनाने ऐन परीक्षेच्या काळात विद्यार्थ्यांची अडचण होत आहे. भारनियमन त्वरित बंद करून सुरळीत वीजपुरवठा करण्याची मागणी ग्रामस्थांनी केली आहे.

मोबाइल अॅप डाउनलोड करा आणि राहा अपडेट

कर्मचाऱ्यांच्या आरोग्य विम्यावर अखेर फुली

0
0

म. टा. खास प्रतिनिधी, नाशिक

महापालिकेच्या कर्मचाऱ्यांनी खासगी आरोग्य विम्याला विरोध केल्याने या विम्यावर फुली मारण्यात आली आहे. दोन लाखाच्या खासगी विम्याचा हफ्ता हा जीएसटीमुळे दोन हजारांवरून साडेचार हजारावर गेला आहे. त्यामुळे कर्मचाऱ्यांनी विमा काढण्यास नकार दिल्यानंतर दिवाळी सानुग्रह अनुदानातून एक हजार रुपयांची कपात होणार नसल्याचे स्पष्टीकरण लेखा विभागाने दिले आहे. तसेच कर्मचाऱ्यांना पूर्ण १५ हजार रुपये देण्याचा ठराव सत्ताधाऱ्यांनी दिल्याने शुक्रवारी साडेसात हजार कर्मचाऱ्यांच्या खात्यावर १५ हजार रुपये जमा होणार आहेत.

महापालिकेच्या वतीने पालिकेच्या सात हजार ५६३ कर्मचाऱ्यांना प्रत्येकी १५ हजाराचे सानुग्रह अनुदान देण्याचे जाहीर करण्यात आले आहे.या १५ हजार सानुग्रह अनुदानातून आरोग्य विम्यासाठी एक हजार रुपये कपात करण्यात येणार होती. तर उर्वरीत रक्कम कर्मचाऱ्यांना भरायची होती.

परंतु यावेळी जीएसटी आणि दोन लाखाच्या विमा पॉलिसीमुळे विमा हफ्ता हा साडेचार हजारावर गेला. त्यामुळे कर्मचाऱ्यांना हा हफ्ता डोईजड झाला होता. हा विमा ऐच्छिक करण्याची मागणी म्युन्सिपल कर्मचारी सेनेने महापौरांकडे केली होती. विरोधी पक्षनेते अजय बोरस्ते व कर्मचारी संघटनेचे प्रवीण तिदमे यांनी महापौरांना विनंती केल्यानंतर कर्मचाऱ्यांना पूर्ण १५ हजार रुपये रक्कम देण्याचा निर्णय घेण्यात आला आहे. लेखा विभागाकडून सर्व सात हजार ५६३ कर्मचाऱ्यांच्या खात्यावर दिवाळी सानुग्रह अनुदानाची रक्कम जमा केली जाणार आहे.

मोबाइल अॅप डाउनलोड करा आणि राहा अपडेट


कोजागरीला अवतरले चैतन्य

0
0

म. टा. वृत्तसेवा, कळवण
कोजागरी पौणिमेनिमित्त गुरुवारी दोन लाख भाविकांनी गर्दी केल्याने श्रीक्षेत्र सप्तशृंगगड परिसर भगवामय झाला. देवीच्या जागरण गोंधळाने चैतन्याची उधळण झाली. अभिषेकासाठी राज्यभरातून आलेल्या कावडीधारकांचे जल आदिमायेच्या चरणी अर्पण करण्यात आले.
पहाटेपासून कावड धारकांसह भाविकांची गर्दी झाल्याने सप्तशृंगगड परिसर गजबजून गेला. भकत म्हणून आलेल्या अप्पर जिल्हाधिकारी कान्हुराज बगाटे यांनी सपत्नीक आणि देणगीदार भाविक गुलशन पटेल यांच्या हस्ते पंचामृत महापूजा करण्यात आली. गुरूवारी सकाळी १० वाजेपासून कावडीधारकांसह भाविकांनी शिवालय तलावर गर्दी केली. आपापपल्या गटासोबत देवीच्या मंदिराकडे येताना दिसत होते. मंदिरात जाण्यासाठी भाविकांनी गर्दी केल्याने दुपारी पायऱ्यामध्ये १५ ठिकाणी बाऱ्या लावून भाविकांना मंदिरात सोडण्यात येत होते. संस्थांनच्या प्रसादालयात भाविकांना मोफत महाप्रसादाची व्यवस्था करण्यात आली आहे. दिवसभरात ३० ते ३५ हजार भाविकांनी मोफत महाप्रसादाचा लाभ घेतला आहे. कावडीधारकांना सायंकाळी ७ वाजेनंतर देवीच्या अभिषेकासाठी शिप्रा, गोदावरी, नर्मदा, गंगा, जमुना, कावेरी, मुळा, मुठा, रामेश्वर, इद्रांयणी आदी पवित्र नद्यांचे जल घेण्यासाठी संस्थानमार्फत स्वतंत्र व्यवस्था करण्यात आली. या सर्व नद्यांचे जल एकत्र करून सकाळी १० वाजता देवीच्या अभिषेकास सुरुवात करण्यात आली. यानंतर दुपारी १२ वाजता देवीची आरती होऊन कोजागरी पौर्णिमा उत्सव उत्साहात साजरा करण्यात आला. सर्वत्र बोल मेरी अंबे, प्रेम से बोलो जय मातादी, सप्तश्रृंगी माता की जय, परशराम बाला की जय, मार्कंडेय महाराज की जय आदी घोषणांनी परिसर दुमदुमून गेला होता.

तृतीयपंथींचा जागर
श्रीक्षेत्र सप्तश्रृंग गडावर कोजागरी पौर्णिमेला तृतीयपंथींचा मेळावा भरतो. या मेळाव्यासाठी गडावर राज्यभरातील तृतीयपंथी दाखल झाले. यात मुंबई, पुणे, कल्याण, नाशिकसह मध्य प्रदेशातील तृतीयपंथींचाही समावेश होता. तृतीयपंथींकडून कोजागरी पौर्णिमेनिमित्त देवीचा छबिना म्हणजे मिरवणूक काढण्यात आली. यानंतर रात्री त्यांचा मेळावा भरला. यात त्यांच्या गुरूला शिष्याकडून भेट देण्याची पंरपरा आहे. शिष्याला दीक्षा देण्याचाही कार्यक्रम झाले. रात्रभर जागर करून देवीच्या गीतांचे गायन करण्यात आले. तसेच ठिकठिकाणच्या कार्यक्रमात जाऊन तृतीयपंथींनीही नृत्य केले.

मोबाइल अॅप डाउनलोड करा आणि राहा अपडेट

अभियंत्यांना सटाण्यात घेराव

0
0

म. टा. वृत्तसेवा, सटाणा

शहरात गेल्या महिनाभरापासून सुरू करण्यात आलेले विजेच्या अघोषित भारनिमयना बरोबरच अधूनमधून सुरू असलेला विजेचा लंपडावमुळे व्यापारी वर्गासह शेतकरी, उद्योजक व विद्यार्थी अक्षरशः वैतागले आहेत. त्यामुळे राष्ट्रवादी काँग्रेसच्या वतीने येथील वीज वितरण कंपनीच्या उपविभागीय कार्यालयावर बैलगाडी मोर्चा नेण्यात आला. त्यानंतर कार्यकारी उपअभियंता अनिल उईके यांना घेराव घालण्यात आला. तब्बल दोन तासांनंतर नाशिक येथील अधीक्षक अभियंता नाशिक यांच्याशी चर्चा केल्यानंतर हे आंदोलन मागे घेण्यात आले.

गत महिनाभरापासून सटाणा शहरासह तालुक्यात वीजेचे भारनियमन सुरू आहे. परिणामी शेतकऱ्यांकडे पाणी असूनही वीज नसल्याने पिकांना पाणीपुरवठा करता येत नाही. तर उद्योजक, व्यापारी वर्गाला सततच्या भारनियमनामुळे मोठा फटका बसत आहे. विद्यार्थ्यांच्याही सध्या सहामाही परीक्षा सुरू असल्याने त्यांच्याही अभ्यासातही व्यत्यय येत आहे. या पार्श्वभूमीवर राष्ट्रवादी काँग्रेस पक्षाचे वतीने येथील वीज वितरण कंपनीच्या उपविभागीय कार्यालयावर मोर्चा काढण्यात आला. कार्यकारी अभियंता अनिल उईके यांच्या दालनात जोरदार घोषणाबाजी करून त्यांना घेराव घालण्यात आला.

यावेळी डॉ. व्ही. के. येवलकर यांनी वीज भारनियमनाबरोबरच वीज खंड‌ित होण्याने रुग्णांना ऑक्स‌िजन देणे, हॉस्पिटलमधील उपकरणे बंद असल्याने रुग्णांच्या जीवाशी खेळ होवून जीव‌ित हानी होण्याची शक्यता वर्तविली.

जिल्हाध्यक्ष रवींद्र पगार व माजी आमदार संजय चव्हाण यांनी नाशिकचे अधीक्षक अभियंता यांच्याशी संवाद साधला. वीज उपलब्धता व मागणी यामधील तफावत वाढल्याने भारनियमन वाढल्याचे त्यांनी स्पष्ट केले. येत्या आठवड्याभरात वीज भारनियमन बंद न झाल्यास आंदोलन छेडण्याचा इशारा देण्यात आला. या आंदोलनात माजी आमदार संजय चव्हाण, शैलेश सूर्यवंशी, राजेंद्र सोनवणे, रत्नाकर सोनवणे आदींसह शेतकरी, व्यापारी सहभागी झाले होते.

मोबाइल अॅप डाउनलोड करा आणि राहा अपडेट

‘त्या’ करणार सोशल ‘इंजिनीअरिंग’

0
0

नाशिक : भव्य इमारती आणि झगमगीत रस्ते उभारून स्वत:चे आयुष्य चकचकीत करण्याचे स्वप्न बघण्याऐवजी इंजिनीअरिंगच्या दोन विद्यार्थिनी ग्रामपंचायतची निवडणूक लढवित आहेत. विशेष म्हणजे सिव्हिल शाखेच्या अंतिम वर्षात शिक्षण घेणाऱ्या या विद्यार्थिनींचे मुख्य ध्येय सोशल इंजिनीअरिंग घडवून गावात विकास साधण्याचे आहे.

एनडीएमव्हीपीच्या केबीटी इंजीनिअरिंग कॉलेजमध्ये पूनम सानप आणि शारदा निफाडे या विद्यार्थिनी शिक्षण घेतात. त्या दोघीही सिव्हिल विद्याशाखेत अंतिम वर्षाला आहेत. त्यांच्यासोबतच्या शहरी पार्श्वभूमी असलेल्या अनेक वर्गमित्र आणि मैत्रिणींना पदव्युत्तर शिक्षण, मेट्रो शहरांमधील नोकरीच्या उच्च संधी आणि परदेशातील करिअरची ओढ आहे. मात्र, आपल्याला पाठबळ देणाऱ्या गावाच्याच पाठीशी उभे राहून गावाचे ‘करिअर’ घडवायचे असाच ध्यास निफाड तालुक्यातील शिंगवे येथील पूनम सानप आणि पिंपळसच्या शारदा निफाडे या विद्यार्थिनींनी घेतला आहे. सध्या जिल्ह्याच्या ग्रामीण भागात ग्रामपंचायत निवडणुकांची रणधुमाळी सुरू आहे. गावाच्या विकासाचा मुद्दा अन् पारंपरिक चेहरे अशा वातावरणाला छेद देत ग्रामपंचायतच्या सदस्यपदासाठी या दोन्ही तरुणींनी प्रतिस्पर्ध्यांसमोर आव्हान उभे केले आहे.

या दोन्हीही तरुणींची शैक्षणिक पार्श्वभूमी चांगली आहे. ज्या गावाने आम्हाला पुढे आणले त्या गावात अद्यापही रस्ते, वीज आणि पाण्यासारख्या प्राथमिक सुविधांसाठी झगडावे लागते, हे चित्र बदलणे ही नव्या पिढीची जबाबदारी आहे. त्यासाठी राजकारण आणि समाजकारण नक्कीच उपयुक्त ठरेल, या तत्वावर पूनम आणि शारदा या दोघी वर्गमैत्रिणींचा विश्वास आहे. त्यामुळे सिव्हिल इंजिनीअरिंगचे शिक्षण घेताना दोघींनी निवडणूक रिंगणात उतरण्याचा निर्णय घेतल्याने पूनम सानप यांनी ‘मटा’ शी बोलताना सांगितले.

दुहेरी जबाबदारी

दोघीही तरुणी सध्या सकाळी कॉलेज करून दुपारी प्रचारासाठी पुन्हा गावात येतात. पूनम यांच्या आईने यापूर्वी सदस्य पदावर काम केले आहे. गावातील सामाजिक कार्यकर्ते धोंडिराम आप्पा रायते यांच्याकडून सामाजिक क्षेत्रात यायला प्रोत्साहन मिळाल्याने पूनम सांगतात. तर शारदा यांच्या मोठ्या बहिणीनेही शिक्षण घेताना निवडणूक लढवत सदस्य पदावर काम केले आहे. ज्या मातीतून आपण पुढे आलो तिला विसरून कसे चालेल? अशा आशयाचे या वर्गमैत्रिणींचे उदगार राजकारणाची नवी दिशा सुचवित आहेत.

यंग ब्रिगेडचे आव्हान

यंदा ग्रामपंचायतींच्या निवडणुका खुल्या गटातून होत असल्याने गावोगावी या मुलींप्रमाणेच यंग ब्रिगेडने निवडणुकीत उडी घेतली आहे. उच्च शिक्षित व अवघ्या विशीतले तरुण-तरुणींनी जुन्या पिढीतील उमेदवारांपुढे काही ठिकाणी आव्हान उभे केले आहे. वयाच्या तांत्रिक अटीत बसत नसल्याने इतर पदांऐवजी अनेकांनी सदस्य पदासाठीच व्यूहरचना केली आहे. या यंग ब्रिगेडने उभ्या केलेल्या नव्या आव्हानाची जागोजागी चर्चा आहे.

मोबाइल अॅप डाउनलोड करा आणि राहा अपडेट

कायदापालन जबाबदारी हॉटेल व्यवस्थापनाचीच

0
0

म. टा. प्रतिनिधी, नाशिक
हॉटेल्समध्ये काय करावे आणि करू नये याबाबत स्पष्ट कायदे आहे. त्याची अंमलबजावणीची जबाबदारी हॉटेल व्यवस्थापन तसेच मालकांची आहे. कायद्याचे उल्लंघन झाल्यास कारवाई होणारच, असा इशारा ग्रामीण पोलिस दलाचे अपर पोलिस अधीक्षक विशाल गायकवाड यांनी दिला आहे.

इगतपुरी तालुक्यात १२५ पेक्षा जास्त रिसॉर्ट आणि हॉटेल्स आहेत. बॉलिवुडसह निसर्गप्रेमींना वेड लावणाऱ्या इगतपुरी तालुक्यात पर्यटन व्यवसायाने जोर पकडला आहे. निसर्गरम्य वातावरणाशी एकरूप होण्यासाठी मुंबईच नव्हे तर परदेशातील नागरिक येथे दाखल होतात. यामुळे तालुक्यात ठिकठिकाणी तसेच अगदी दुर्गम भागात हॉटेल्स वा रिसॉर्ट सुरू झाले आहेत. यातील काही ठिकाणी अवैध प्रकार सुरू असतात. नुकतेच ग्रामीण पोलिसांनी बलायदुरी येथील रेन फॉरेस्ट या पंचतारांकित हॉटेलमध्ये धांगडधिंगा घालणाऱ्या सात जणांवर कारवाई केली. या ठिकाणाहून मद्यप्राशन करून अश्लिल वर्तन करणाऱ्या सात तरुणींची सुटका केली. यातील काही मुली अल्पवयीन आहेत. दोन मुली नाशिकमधील तर उर्वरित पाच जणी मुंबईतील एका डान्सबारमधील असल्याचे पोलिसांच्या तपासात निष्पन्न झाले आहे. स्थानिक नागरिकांनी माहिती दिल्यानंतर पोलिसांनी कारवाई केली. याबाबत अपर पोलिस अधीक्षक विशाल गायकवाड यांनी सांगितले, की संशयिताविरोधात अश्लिल वर्तन केल्याप्रकरणी गुन्हा दाखल झाला आहे. यात हॉटेल मालकावरही कारवाई करण्यात आली आहे. इगतपुरी तालुक्यात हॉटेल तसेच रिसॉर्टची संख्या मोठी असून, कायद्याचे पालन करण्याची जबाबदारी हॉटेल व्यवस्थापनाची आहे. आपल्याकडे येणाऱ्या ग्राहकाची नक्की मागणी काय आहे, त्यासाठी ग्राहकाकडून कायद्याचे उल्लंघन होणार नाही याची खबरदारी हॉटेल व्यवस्थापकांनी घ्यायला हवी, असे गायकवाड यांनी स्पष्ट केले. दरम्यान, या मुलींसाठी काम करणाऱ्या एजंटांची झाडाझडती सुरू आहे.

स्थानिकांची पोलिसांना साथ

हॉटेलांमध्ये सुरू असलेल्या गैरप्रकारांबाबत स्थानिकांकडून पोलिसांना माहिती पुरविली जाते. त्यानुसार पोलिस कारवाई करतात. मोठ्या आवाजाचा इतर अवैध प्रकारांचा त्रास स्थानिकांना होतो. त्यामुळे स्थानिक थेट पोलिसांकडे तक्रार करतात. नागरिकांचा सकारत्मक प्रतिसाद मिळणे ही बाब चांगली असल्याचे गायकवाड यांनी स्पष्ट केले.

मोबाइल अॅप डाउनलोड करा आणि राहा अपडेट

त्र्यंबकमधील ‘पर्यटन’ ओसरले

0
0

म. टा. वृत्तसेवा, त्र्यंबकेश्वर

शनिवार, रविवार आणि शासकीय सुटी संपल्यामुळे त्र्यंबकेश्वर येथे सध्या शुकशुकाट दिसत आहे. भाविक, पर्यटनावर आधारलेल्या अर्थव्यवस्थेला यामुळे चांगलीच खिळ बसली असून, अशीच परिस्थिती आणखी महिनाभर राहील असा अंदाज येथील व्यवसाय‌ीकांनी व्यक्त केला आहे. शाळा महाविद्यालयांच्या सत्र परीक्षा आणि त्यानंतर सणावारांचा माहौल असल्यामुळे त्र्यंबकेश्वरमध्ये सध्या शांतता आहे.

गत वर्षांच्या तुलनेत यावर्षी यात्रेकरूंची संख्या घटल्याचे ठळकपणे जाणवत आहे. यावर्षी पाऊस जास्त झाला आणि पुराच्या बातम्या पसरल्याने भाविकांनी इकडे येण्यास टाळले. दूरध्वनीवरून येथील पूर परिस्थितीबाबत पुरोहित आणि नातेवाईकांकडे विचारणा होत असल्याचे वारंवार निदर्शनास आले. सोशल मीड‌ियावरील अफवांमुळे पर्यटनावर परिणाम झाल्याचेही काही व्यावसायीक सांगतात.

वाहनतळाचे चुकीचे नियोजन

त्र्यंबकेश्वर येथे यात्रा कितीही वाढली तरी त्याचा फायदा ठरव‌िक परिसरातील व्यवसायीकांना होतो. असाच यापूर्वीचाही अनुभव असल्याने यात्रा पर्यटनाच्या तेजी-मंदी बाबत शहरात उदसीनता दिसून येते. यात्रा वाढली तरी ती आम्हाला काय फायद्याची असाच संवाद शहरातल्या बहुतांश परिसरात होत असतो. वाहतळ ते मंदिर असा थेट सरळ मार्ग गजबजलेला असतो. त्याच वेळेस संत निवृत्त‌िनाथ महाराज समाधी मंदिर आणि परिसरात शुकशुकाट असतो. वाहनतळाचे नियोजन करतांना शहरातील मोकळे शासकीय भूखंड वापरात आले तर निश्च‌ितच या परिसरातील व्यवसायीकांना लाभ होईल. तसेच मंदिर आणि सध्याचे वाहनतळ या एकमेव रस्त्यावर होणारी गर्दीही कमी होईल.

पुरातत्व खात्याचेही दुर्लक्ष

पावसाळा संपला आहे. मंदिराच्या पाठीमागे असलेले डोंगर हिरवेगार झाले आहेत. मंदिरावरही मोठ्या प्रमाणात गवत उगवलेले आहे. तसे पाहता पुरातत्व खात्यास सिंहस्थपूर्व कामांसाठी चार कोटींचा भरीव निधी मिळाला होता. तथापि येथे नेमकेकोणते काम झाले याचे संशोधन आता करण्याची वेळ आली आहे. मंदिरावर हिरवे गवत उगवले आहेत.

मोबाइल अॅप डाउनलोड करा आणि राहा अपडेट

त्र्यंबकचा मनोरुग्ण सीमेवर आढळला

0
0

म. टा. वृत्तसेवा, घोटी

गुजरात राज्यातील भारतीय सीमेवर त्र्यंबकेश्वर तालुक्यातील देवगाव शिवारातील मनोरुग्ण तरुण आढळून आला आहे. महिनाभरापूर्वी गायब झालेला हा तरुण थेट सीमेवर कसा पोचला याबाबत आश्चर्य व्यक्त केले जात आहे.
सीताराम सोमा वारे (२३) असे सीमेवर आढळलेल्या तरुणाचे नाव आहे. तो त्र्यंबक तालुक्यातील आणि घोटी पोलिस ठाण्याच्या हद्दीतील देवगाव शिवारातील हट्टीपाडा येथे राहतो. वेडाच्या भरात घरातून नेहमीच जात असल्याने त्याच्याकडे कुटुंबीयांचे दुर्लक्ष झाले. घरची परिस्थिती हालाखीची असल्याने त्याला शोधण्यास कोणी जात नाही. महिनाभरापासून तो घरातून असाच निघून गेला होता. गुजरातमधील भुज कच्छ वेस्ट या भागातील भारतीय सीमेवर सोमनाथ जवानांना आढळून आला. त्याला खावडा पोलिसांच्या ताब्यात देण्यात आले. पोलिसांनी विश्वासात घेऊन त्याची विचारपूस केली. त्याने आपली माहिती दिली. गुजरात पोलिसांनी घोटी पोलिसांशी संपर्क साधला. घोटी पोलिसांनी वारे कुटुंबीयांना सीतारामविषयी कळविले. दरम्यान, बिकट आर्थिक परिस्थिमुळे त्याला कच्छ येथे जाऊन आणण्यास इच्छुक नसल्याचे सीतारामचा भाऊ राजू सोमा वारे याने कळविले.

मोबाइल अॅप डाउनलोड करा आणि राहा अपडेट

प्रवासी नसल्यानं हैदराबाद-शिर्डी उड्डाणं रद्द

0
0

म. टा. प्रतिनिधी, शिर्डी
अलायन्स एअर इंडियाने गुरुवारी अचानक मुंबई-शिर्डी आणि हैदराबाद-शिर्डी या दोन विमानांची सेवा रद्द केली. त्याचा मोठा फटका बसून प्रवासी शिर्डीतच अडकून पडले. विमान उड्डाणे का रद्द केली याचे स्पष्टीकरण विमान कंपनी देत नसली तरी, तरी पुरेसे प्रवासी मिळत नाही, हेच प्रमुख कारण असल्याचे समजते.
१ ऑक्टोबरपासून शिर्डीहून मुंबई आणि हैदराबादसाठी विमान सेवा सुरू करण्यात आली. हैदराबादच्या सेवेला दररोज ५० ते ६० प्रवासी मिळतात, पण मुंबईच्या विमानात मात्र १५हून अधिक प्रवासी नसतात. गुरुवारी मात्र मुंबईसाठी २२ तर हैदराबादसाठी ५५ प्रवाशांनी बुकिंग केले होते, असे समजते. पण बुधवारी रात्रीच अलायन्स एअर इंडियाने शिर्डी एअरपोर्ट कंपनीला संदेश पाठवून गुरुवारी मुंबई व हैदराबाद सेवा रद्द राहील, असे कळविले. त्यामुळे गुरुवारी मुंबई व हैदराबाद येथून विमाने शिर्डीला आलीच नाहीत. त्याचा मोठा फटका बसून प्रवासी शिर्डीतच अडकून राहिले. अचानक उड्डाणे का रद्द झाली याची माहिती देण्यास अलायन्स एअरलाइन्सचे शिर्डीतील मॅनेजर अनिल पलटणकर यांनी असमर्थता दर्शवली. आज, शुक्रवारी मात्र दोन्ही विमाने शिर्डीला येतील, असेही त्यांनी स्पष्ट केले.

मोबाइल अॅप डाउनलोड करा आणि राहा अपडेट


आमदार, खासदारांची ‘एसपीव्ही’त नो एन्ट्री

0
0

म. टा. खास प्रतिनिधी, नाशिक

स्मार्ट सिटी अंतर्गत स्थापन झालेल्या स्पेशल पर्पज व्हेइकलमध्ये (एसपीव्ही) खासदार व आमदारांची घुसखोरी करणारा महापौरांचा ठराव आयुक्तांनी फेटाळून लावला.

रिक्त दोन संचालकांच्या जागेवर उतरत्या पक्षबळानुसार काँग्रस आणि राष्ट्रवादी काँग्रेसच्या सदस्यांची नियुक्ती करण्यासंदर्भात महापौरांना अवगत करून देण्याचे आदेश नगरसचिव विभागाला दिला आहे. आयुक्तांनी नगरसचिवांना पत्र लिहून ‘एसपीव्ही’च्या नियुक्त्यांची आठवण करून दिल्याने सत्ताधाऱ्यांना झटका बसला आहे.

स्मार्ट सिटीवर नियंत्रण ठेवण्यासाठी ‘एसपीव्ही’ची स्थापना करण्यात आली आहे. त्याच्या संचालक मंडळात सर्व पक्षाच्या सदस्यांचा समावेश करण्यात आला आहे. महापालिकेत सत्ताबदल झाल्याने ‘एसपीव्ही’च्या संचालकांमध्ये फेरबदल झाले आहे. सिताराम कुंटे ‘एसपीव्ही’चे संचालक असून आयुक्त, पोलिस आयुक्त, जिल्हाधिकारी, महापौर, सभागृह नेता, स्थायी समिती सभापती, विरोधी पक्षनेता या कंपनीचे संचालक आहे. तसेच प्रत्येक पक्षाचा एक सदस्य या कंपनीत संचालक असणार आहे.

काँग्रेसकडून शाहू खैरे तर राष्ट्रवादी काँग्रेसकडून गुरूमित बग्गा यांचा प्रस्ताव देण्यात आला आहे. परंतु, बग्गा यांना विरोध करण्यासाठी महापौरांनी या ‘एसपीव्ही’त गटनेते आणि खासदार व आमदार असे नवीन दहा सदस्य संचालक करण्याचा ठराव केला होता. त्यामुळे बग्गांची नियुक्ती रखडली होती. परंतु आयुक्त अभिषेक कृष्णा यांनी नियमात अशी तरतूद नसल्याचे सांगत महापौरांचा ठराव फेटाळून लावला. तसेच नियमानुसार काँग्रेस आणि राष्ट्रवादीच्या प्रत्येकी एक सदस्याची नियुक्ती करण्यासंदर्भात महापौरांना अवगत करून देण्याचे पत्र नगरसचिवांना दिले. त्यामुळे सत्ताधाऱ्यांना हा मोठा झटका मानला जात आहे. येत्या सभेत गुरूमित बग्गा आणि शाहू खैरे यांची नियुक्ती होण्याची शक्यता आहे.

मोबाइल अॅप डाउनलोड करा आणि राहा अपडेट

‘लोटा परेड’ परंपरा कायम

0
0

म. टा. वृत्तसेवा, सिन्नर फाटा

स्वच्छ भारत मिशन अंतर्गत हागणदारीचे संपूर्ण उच्चाटनाचे शिवधनुष्य सरकारने उचललेले असले तरी विभागातील निम्म्याच ग्रामपंचायतींमध्ये त्याची यशस्वी अंमलबजावणी झाली आहे. मार्च २०१८ पर्यंत उर्वरित निम्म्या गावांमध्ये घरोघर ही योजना पोचविण्याचे प्रशासनापुढे आव्हान ठाकले आहे.
नाशिक विभागातील ४ हजार ८७२ पैकी २ हजार ६१२ ग्रामपंचायतींमधील हागणदारीला वेशीबाहेर काढण्यात प्रशासनाला यश आले आहे. तर ५४ पैकी केवळ नऊ तालुक्यांमध्ये पूर्णत: शंभर टक्के ही योजना यशस्वी राबविल्याचा प्रशासनाचा दावा आहे. उर्वरित तब्बल ४५ तालुक्यांमध्ये आजही लोटा परेडची परंपरा सुरुच आहे. तेथे लोटा परेडच्या परंपरेला कायमची मुठमाती देण्यासाठी प्रशासनाने आजवर विविध उतारेही केले; मात्र त्यास दाद न मिळाल्याने प्रशासनाने आता जहाल उपाय करण्याची तयारी केली आहे. स्वच्छ भारत मिशन अंतर्गत मार्च २०१८ पर्यंत सर्व ग्रामपंचायती हागणदारीमुक्त करण्याचे सरकारचे ध्येय आहे. त्यासाठी आजवर पुरेसा निधीही उपलब्ध करून देण्यात आला आहे. जनजागृती, प्रबोधन, आर्थिक दंड यासारख्या उपाययोजना करूनही आतापर्यंत निम्म्याच गावांमध्ये प्रशासनाला यश आले आहे.

नाशिक-नगरची आघाडी

विभागात नाशिक व नगर या दोन जिल्ह्यांनी हागणदारीमुक्तीत आघाडी घेतली आहे. नाशिकमधील १ हजार ३६८ पैकी ९१२ तर नगरमधील १ हजार ३०८ पैकी ८०७ ग्रामपंचायती हागणदारीमुक्त झाल्या आहेत. नाशिकच्या ७८२ तर नगरच्या ६८६ ग्रामपंचायतींची हागणदारीमुक्तीची पडताळणी झाली आहे. नाशिकमधील ४५६ व नगरमधील ५०१ ग्रामपंचायती हागणदारीमुक्त घोषित होणे बाकी आहे.

धुळ्यात निचांकी प्रतिसाद

विभागातील धुळे, जळगाव व नंदुरबार या जिल्ह्यांनी लोटा परेडची परंपरा अबाधित राखली आहे. ही परंपरा अबाधित राखण्यासाठी या जिल्ह्यांचे योगदान अजुनही सुरूच आहे. धुळे जिल्ह्यातील एकही तालुका हागणदारीमुक्त झालेला नाही. या जिल्ह्यातील अवघ्या २८.४२ टक्के ग्रामपंचायती हागणदारीमुक्त झाल्या आहेत. जळगाव जिल्ह्यात हेच प्रमाण ४३.०८ तर नंदुरबारमध्ये ४८.५० टक्के इतके आहे.


ग्रामपंचायतींमधील हागणदारीमुक्त योजनेचा लेखाजोखा

जिल्हा...........एकूण ग्रा. पं. ......हागणदारीमुक्त ग्रा. पं. .......टक्के
नाशिक.............१,३६८................९१२...................६६.६७
नगर................१,३०८................८०७...................६१.७०
नंदुरबार...............४९९................२४२...................४८.५०
जळगाव.............१,१४९...............४९५...................४३.०८
धुळे................५४९...................१५६...................२८.४२

एकूण..............४,८७३.............२,६१२................५३.६०

मोबाइल अॅप डाउनलोड करा आणि राहा अपडेट

साडेतीन लाखांची देवळालीमध्ये चोरी

0
0

म. टा. वृत्तसेवा, देवळाली कॅम्प

येथील निवृत्त कर्नल सुनील सावंत यांच्या घरात पहाटेच्या सुमारास चोरट्यांनी सोन्याचे दागिने व रोख वीस हजार रुपये चोरून नेले. या प्रकरणी देवळाली कॅम्प पोलिस स्टेशनमध्ये चोरीचा गुन्हा दाखल करण्यात आला आहे.
पोलिसांनी दिलेल्या महितीनुसार निवृत्त कर्नल सुनील सावंत हे पत्नी सरोज यांच्यासह त्रिवेणी सदन, माचीसवाला बंगल्याजवळ, भगूर कॅम्प रोडवर रो-हाउसमध्ये राहतात. ते बुधवारी (दि. ४) पहाटे सव्वा पाच ते सव्वा सहा या वेळेत घर बंद करून मॉर्निंग वॉकसाठी गेले होते. चोरट्यांनी यावेळी संधी साधत कुलूप तोडून घरामध्ये प्रवेश केला. कपाटातून सोन्याच्या बांगड्या, पाटल्या, कडे, मंगळसूत्र, कानातील रिंगा, पोत, अंगठी आदीसह रोख २० हजार असा एकूण तीन लाख चाळीस हजार रुपयांचा ऐवज लंपास केला. सावंत दाम्पत्य मॉर्निंग वॉकवरून परतले असता त्यांना घराचे कुलूप तुटलेले दिसून आले. त्यांनी देवळाली कॅम्प पोलिस स्टेशनशी तात्काळ संपर्क साधत घटनेची माहिती दिली. पोलिसांनी घटनास्थळी धाव घेत पाहणी केली. या प्रकरणी गुन्हा दाखल करण्यात आला आहे. पुढील तपास पोलिस उपनिरीक्षक रघुनाथ नरोटे करीत आहेत.

मोबाइल अॅप डाउनलोड करा आणि राहा अपडेट

नायजेरियनकडून देशभरात फसवणूक

0
0

म. टा. प्रतिनिधी, नाशिक

फेसबुकवरून मैत्री करीत कॅन्सरविरोधी तसेच इतर आजारांवर उपयुक्त असलेल्या औ‍षधी बियांची ऑनलाइन विक्री करणाऱ्या निल्स हॅम्पे (३०, नवी मुंबई, मूळ देश नायजेरिया) या नायजेरियन भामट्याला पकडल्यानंतर फसवणुकीचे अनेक प्रकार समोर येत आहे. संशयित आरोपीने पुणेसह दिल्ली येथील नागरिकांना कोट्यवधी रुपयांना गंडविल्याचे प्राथमिक चौकशीत समोर आले आहे.

सायबर पोलिसांनी निल्स याला मंगळवारी (दि. ३) नवी मुंबई येथे जेरबंद केले. कोर्टाने त्यास तीन दिवसांची पोलिस कोठडी सुनावली. पोलिसांकडून या प्रकरणी अजूनही त्याच्याकडे चौकशी सुरू आहे. सायबर पोलिसांच्या माहितीनुसार, गत महिन्यात हॅम्पे व त्याच्या सहकाऱ्यांनी दिल्लीतील एका नागरिकाची तब्बल दीड कोटी रुपयांची फसवणूक केली. त्यापूर्वी नवी दिल्लीतीलच कोर्टात काम करणाऱ्या अनुराग नावाच्या व्यक्तीस १४ लाख रुपयांना चुना लावला होता. संशयिताने पुण्यातही फसवणूक केल्याचे प्राथमिक चौकशीत समोर आल्याचे पोलिस सूत्रांनी सांगितले. सोशल मीडियाच्या माध्यमातून संशयितांनी देशभरात अनेक नागरिकांना गंडविल्याचा पोलिसांना संशय आहे. त्यानुसार, पोलिस माहिती संकलित करीत आहेत.

नायजेरियन दूतावासाचे दुर्लक्ष

राज्यात तसेच देशभरात अशा प्रकारे फसवणुकीचे रॅकेट चालवणाऱ्या अनेक नायजेरियन गँग कार्यरत आहे. त्यातील एका गँगच्या सदस्याला सायबर पोलिसांनी दिल्लीच्या नोएडा येथून काही महिन्यांपूर्वी अटक केली होती. त्याने एका घटस्फोटित महिलेची आर्थिक फसवणूक केली. आता पुन्हा नायजेरियन संशयितास अटक झाली आहे. या प्रकरणी नायजेरियन दूतावासाकडून योग्य ती मदत मिळत नाही, अशी खंत पोलिस सूत्रांनी व्यक्त केली.

‘सोशल’ मैत्रीची मोडस ऑपरेंडी

संशयित आरोपी किंवा त्याची एक मैत्रीण फेसबुकवर ४० ते ५० वयोगटातील नागरिकांशी संपर्क साधते. काही दिवस चॅटिंग करून विश्वास संपादन करण्याचे काम केले जाते. त्यानंतर, एक दिवस तरुणी अडचणीत आल्याचे भासवते. आमची कंपनी ५ लाख पौंडाला वेबसाइटवरून औषधे खरेदी करत असते. परंतु, भारतातून हा पुरवठा अचानक बंद झाला असून, त्या औषधी बिया तुम्ही भारतातून आम्हाला पुरवल्या तर तुम्हाला चांगला फायदा होईल, असे चित्र निर्माण केले जाते. नाशिकमधील तक्रारदारासोबत २२ जुलै रोजी असा प्रकार घडला होता.

सध्या गुन्ह्याचा तपास सुरू असून, यामागे एखादी टोळी असावी अशी शक्यता वाटते. सोशल मीडियाचा विस्तार व्यापक असून, संशयिताच्या संपर्कात आलेल्या बऱ्याच व्यक्तींची फसवणूक झाल्याची शक्यता नाकारता येत नाही.
- देवराज बोरसे,
सहायक पोलिस निरीक्षक

मोबाइल अॅप डाउनलोड करा आणि राहा अपडेट

फटाके विक्री खुल्या जागेवरच

0
0

म. टा. खास प्रतिनिधी, नाशिक

गेल्या वर्षी औरंगाबादमध्ये झालेल्या आगीच्या घटनेच्या पार्श्वभूमीवर महापालिकेच्या वतीने फटाके विक्री गाळ्यांबाबत काटेकोरपणे नियमावलीची अंमबजावणी केली जाणार आहे. महापालिकेने सहा विभागात सहा खुल्या जागा निश्चित केल्या असून, त्या ठिकाणी २६५ गाळ्यांना परवानगी दिली आहे. या व्यतीरिक्त शहरात खासगी जागेवर फटाके विक्रीचे गाळे लागल्यास थेट फौजदारी कारवाई करण्याचा इशारा देण्यात आला आहे.

दिवाळीच्या पार्श्वभूमीवर फटाके स्टॉल्सची मागणी महापालिकेकडे वाढली आहे. गेल्या वर्षी औरंगाबादमध्ये फटाके स्टॉल्सला आग लागून लाखोंचे नुकसान झाले होते. फटाके स्टॉल्स लावतांना नियमांचे पालन न केल्याने ही मोठी दुर्घटना घडली होती. त्यामुळे महापालिकेने यंदा फटाके स्टॉल्सच्या नियमांची काटेकोर अंमलबजावणी करण्याचा निर्णय घेतला आहे. खुल्या जागेवर ५० स्टॉल्स तसेच शहरात केवळ २६५ फटाके स्टॉल्सलाच परवानगी दिली आहे. व्यतीरिक्त खासगी जागेत कुठेही फटाके स्टॉल्स उभारता येणार नाहीत. तसे आढळल्यास फौजदारी कारवाईचा इशारा पालिकेने दिली आहे.

प्रतिस्टॉल दहा हजार शुल्क

महापालिकेने फटाके स्टॉल्सची संख्या निश्चित करण्यासह त्यांच्यावरील शुल्क वाढवले आहे. प्रत्येक फटाके स्टॉल्सधारकाला चार हजार रुपये भाडे आकारले जाणार असून, तीन हजार रुपये पर्यावरण शुल्क असणार आहे. तसेच या सर्वांवर १८ टक्के जीएसटी लागू केला जाणार असल्याने प्रति स्टॉल्सचा खर्च हा दहा हजाराच्या आसपास जाणार आहे.

मोबाइल अॅप डाउनलोड करा आणि राहा अपडेट

Viewing all 46150 articles
Browse latest View live




Latest Images