टीम मटा
चैत्र शुद्ध नवमी, या चैत्रातील नवव्या दिवशी प्रभू रामचंद्र यांचा जन्म झाला. हा दिवस भाविकांकडून रामनवमी म्हणून साजरा करण्यात येतो. मंगळवारी शहर परिसरात श्रीरामनवमी पारंपरिक उत्साहात साजरी झाली. श्रीरामाला केवडा, चंपा, चमेली अन् जाई ही फुले वा‌हण्यात आली. त्यानंतर आरती करून प्रसाद वाटण्यात आला. या उत्सवात रामजन्माच्या पाळण्याला महिलावर्गाने प्रचंड उपस्थिती दाखवली. ठिकठिकाणच्या राम मंदिरांत भजन, पूजन, कीर्तन, प्रवचन आदी कार्यक्रमांद्वारे जन्मोत्सव सोहळा साजरा करण्यात आला. गुढीपाडवा ते रामनवमी या काळात रामायण ग्रंथाचे वाचन, रामकथेचे निवेदन, गीत रामायणाचे गायन हे कार्यक्रमही झाले.
संकलन ः प्रशांत धिवंदे, डॉ. बाळकृष्ण शेलार, राजन जोशी, नवनाथ वाघचौरे, रामनाथ माळोदे, नामदेव पवार, अभिजित राऊत
छायाचित्रे ः सतीश काळे, पंकज चांडोले, विजय चव्हाण
पंचवटीत श्रीराम नामाचा जयघोष
--
पंचवटी ः परिसरात पहाटेपासूनच भाविकांचा उत्साह दिसून आला. श्री काळाराम मंदिराचा परिसर भाविकांच्या उपस्थितीने फुलून गेला होता. सकाळी दहापासूनच काळाराम मंदिराच्या पूर्व दरवाजाला भाविकांच्या लांबवर रांगा लागल्या होत्या. पालकमंत्री गिरीश महाजन यांच्यासह सर्वपक्षीय लोकप्रतिनिधींनी श्रीरामाचे दर्शन घेतले. भाविकांना दर्शन घेणे सोयीचे होण्यासाठी मंदिराच्या मंडपात लोखंडी जाळ्या आणि बल्ल्या लावण्यात आलेल्या होत्या. पांरपरिक वेशभूषेतील भाविकांनी लक्ष वेधून घेतले होते. मुठे गल्लीतील गोरेराम मंदिरातही जन्मोत्सवानिमित्त विविध कार्यक्रम घेण्यात आले.
तपोवनात अखंड पाठ
तपोवनातील श्रीराम पर्णकुटीतील संतसेवा शिबिर अन्नक्षेत्र चॅरिटेबल ट्रस्टतर्फे जन्मोत्सवानिमित्त श्रीराम चरितमानसचे अखंड पाठ करण्यात आले. ट्रस्टचे अध्यक्ष महंत बैजनाथ रामदयाल महाराज, जसवीरसिंह आनंद, संदीप बनकर, मनोज घिमान, शिवकुमार शर्मा, बंटी कोहली, सुरेश पारीख, मगन परदेशी, सुनील लुथेरिया आदींच्या उपस्थितीत अखंड पाठाची पूर्णाहुती करण्यात आली. रामकुंडावरील अहिल्यादेवी मंदिरातरही सोहळा रंगला.
वात्मीकनगरला सत्कार
येथील श्रीराम मंदिरात जन्मोत्सवात मान्यवरांचा सत्कार करण्यात आला. पालकमंत्री गिरीश महाजन, महापौर रंजन भानसी यांच्यासह विविध क्षेत्रांतील मान्यवरांचा सत्कार करण्यात आला. नगरसेवक हेमंत शेट्टी, जगदीश पाटील, प्रा. सरिता सोनवणे, शांता हिरे यांनी संयोजन केले.
--
काट्या मारुती मंदिर
श्री काट्या मारुती मंदिरात रामभक्त हनुमानासमोरील मंदिराच्या गाभाऱ्यातील राम, लक्ष्मण आणि सीता यांच्या मूर्तींची सजावट करण्यात आली होती. दुपारी बारा वाजता मंदिराचे पुजारी विवेक राजहंस हस्ते अभिषेक झाला. त्यानंतर विधिवत सेवा, पूजा, आरती करण्यात आली. भाविकांची सकाळपासूनच गर्दी झाली होती. पूजेनंतर प्रसादाचे वाटप करण्यात आले.
नाग चौकात पालखी
नाग चौक परिसरातील नागेश्वर मित्रमंडळातर्फे सायंकाळी नाग चौक, काळाराम मंदिर, पंचवटी कारंजा, गजानन चौक या मार्गाने सवाद्य पालखी मिरवणूक काढण्यात आली. तत्पूर्वी दुपारी पूजा, आरती करण्यात आली त्यानंतर महाप्रसाद वाटप झाले. सायंकाळी साई भजनसंध्या झाली. परिसरातील नागरिक मोठ्या संख्येने उपस्थित होते.
---
देवळालीत अवतरले चैतन्य
देवळाली कॅम्प ः रामजन्माच्या अभंगाबरोबरच देवळालीचे वातावरण श्रीराम जय राम जय जय रामच्या घोषाने भारावले होते. लामरोडवरील भैरवनाथ मंदिरात सकाळी १० ते १२ वाजेपर्यंत रामजन्माचे अभंग झाले. सर्व भाविकांच्या हातात गुलाल पुष्प देऊन प्रभू रामरायांचा दुपारी १२ वाजता शंख, टाळ, मृदंगांच्या गजरात जन्म सोहळा होऊन त्यांच्यावर पुष्पवृष्टी करण्यात आली. हभप रामचंद्र गोडसे यांच्या हस्ते सपत्नीक आरती झाली. सर्व जोडप्यांनी राधे कृष्ण सीता रामच्या नामघोषात फुगडी खेळली. पंजिरी व फळांच्या प्रसादाचे वाटप करण्यात आले. पंचक्रोशीसह जिल्हाभरातून भाविकांची उपस्थिती लक्षणीय होती.
श्रीराम प्रतिष्ठानतर्फे शोभायात्रा
येथील श्रीराम प्रतिष्ठानने धनुष्यबाण हाती असलेली १५ फुटी प्रभू रामचंद्रांची भव्य मूर्ती असलेल्या रथासह विविध साधू-महंतांच्या उपस्थितीत शोभायात्रा काढली. प्रभू रामचंद्र, सीता, लक्ष्मण, हनुमान यांचा पेहराव केलेले कलाकार लक्ष वेधून घेत होते. मागे ढोल-ताशा पथकासह नागरिकांनी सहभागी होत सिलेक्शन कॉर्नर-हौसनरोड-झेंडा चौक-वडनेररोडवरील शारदा स्टॅण्ड-मिठाई स्ट्रीटमार्गे जुने बस स्थानकपर्यंत शोभायात्रा काढण्यात आली. चारणवाडी लेझीम पथक, दांडपट्टा, लाठीकाठी, भिंगरीसह विविध कसरती करण्यात आल्या. जुन्या स्थानकावर मिरवणुकीचा समारोप झाल्यानंतर महाप्रसादाचे वाटप करण्यात येऊन युवकांनी बाईक रॅली काढत प्रभू रामचंद्रांच्या नावासह हनुमंताच्या नावाचा जयघोष केला.
श्रीराम मंदिरात अभिषेक
वडनेररोडवरील विद्याविनय सोसायटी येथील अलंकार आणि पुष्पहारांनी सजलेल्या श्रीराम, लक्ष्मण आणि सीता यांच्या मूर्ती, आकर्षक रांगोळ्या, राम भजनात तल्लीन झालेल्या भक्तांच्या गर्दीने फुलून गेलेल्या श्रीराम मंदिरात कॅन्टोन्मेंट बोर्डाचे नगरसेवक सचिन ठाकरे यांच्या उपस्थितीत अमित कांडेकर यांनी सपत्नीक अभिषेक केला. रामजन्मोत्सवाची पूजा झाली यावेळी कॅन्टोन्मेन्ट बोर्डाचे नगरसेवक भगवान कटारिया, दिनकर आढाव उपस्थित होते. दुपारी १२ ते ३ या वेळेत हजारो भाविकांनी महाप्रसादाचा लाभ घेतला. सांयकाळी महाआरतीनंतर महाप्रसादाचे वाटप करण्यात आले.
श्रीकृष्ण मंदिरात मैफल
देवळालीतील मेन स्ट्रीटवरील श्रीकृष्ण मंदिरात राम जन्मला गं सखे राम जन्मला या गीतांचे स्वर गुंजले. सोहळ्यापूर्वी गायक नंदकुमार देशपांडे यांसह मंगेश टाकळकर, उत्तम टाकळकर यांनी दशरथा घे हे पायसदान, अबीर गुलाल, ध्यान लागले रामाचे, अमुचा कैवारी हनुमान आदी पारंपरिक भक्तिगीते सादर केली. दिनेश हाबडे, मुकेश गायकवाड, महेश गायकवाड, राहुल नाणेगावकर, सागर नागरे आदींनी संयोजन केले.
विठ्ठल मंदिरात सोहळा
देवळालीतील प्राचीन विठ्ठल मंदिरात वारकरी संप्रदायाच्या नियमाप्रमाणे श्रीरामजन्मोत्सव साजरा करण्यात आला. आरतीनंतर सुरेश वाघुळकर, प्रकाश वाघुळकर, लक्ष्मण पाटोळे, पांडुरंग झोंबाड, राजाराम भिवागडे, दीपक शिंदे आदी भाविक उपस्थित होते.
---
नाशिकरोडला विधिवत सोहळा
नाशिकरोड - सिन्नर फाटा ः नाशिकरोड, देवळालीगाव, विहितगाव, जेलरोड, टाकळी परिसरातील राम मंदिरांत दुपारी रामजन्म सोहळा झाल्यानंतर भाविकांनी जय श्रीरामचा जयघोष केला. परिसरातील विविध मंदिरांत भाविकांचा मोठा उत्साह दिसून आला.
मुक्तिधाममध्ये महापूजा
येथील मुक्तिधाम मंदिरात सकाळी आठपासून सायंकाळी पाचपर्यंत रामायणपाठ झाला. दिवसभर भजन झाले. दुपारी बाराला रामजन्मोत्सोव साजरा करण्यात आला. धर्मादाय आयुक्त घुगे यांच्या हस्ते महापूजा करण्यात आली. उपनगर पोलिस ठाण्याचे वरिष्ठ निरीक्षक अशोक भगत यांनी सपत्नीक आरती केली. मुक्तिधामचे विश्वस्त हिरालाल चौहन, विजय चौहान, नटवरलाल चौहान, जगदीश चौहान आदींची प्रमुख उपस्थिती होती. राजेंद्र कुलकर्णी, सुरेश मानकर, ज्ञानेश्वर यंदे, नाना पवार, सुनील शिरसाठ संजय बेलेकर, तुकाराम निमसे, मंदिराचे पुजारी नागेश शास्त्री देशपांडे, जयंत मिश्रा, कृष्णानंद वाघमारे आदींनी संयोजन केले. गुरुवर्य वैरागकर प्रतिष्ठानतर्फे शंभर विद्यार्थ्यांनी सामुहिक तबलावादन सादर केले.
देवळालीगावात अभिषेक
देवळालीगावातील राम मंदिरात सकाळी मूर्तीला अभिषेक करण्यात आला. ज्येष्ठ नागरिक वसंतराव तनपुरे यांच्या हस्ते पूजा करण्यात आली. यावेळी शांतारामबापू कदम, रुंजा पाटोळे, मनोहर कोरडे, नगरसेवक सूर्यकांत लवटे, सत्यभामा गाडेकर, श्याम गोहाड, मनोज जोशी, संतोष कोल्हे, सतीश शिंदे, प्रमोद बुवा, किशोर बोराडे, महेश देशमुख आदींची प्रमुख उपस्थिती होती. गाडेकर मळ्यातील साईबाबा मंदिरात भाविकांनी दर्शनासाठी गर्दी केली होती. गांधीनगर येथील रामलीला समितीतर्फे सकाळी गांधीनगर येथील शिवाजीच चौकात भक्तिगीतांचा कार्यक्रम झाला. त्यानंतर झालेल्या महाप्रसादाचा लाभ भाविकांनी घेतली. देवी चौकातील राम मंदिरात भजन-कीर्तनाचा कार्याक्रम झाला.
---
टाकळीत पालखी सोहळा
टाकळीतील मारुती देवस्थान आणि रामदास स्वामी मठात दुपारी बाराला श्रीरामजन्मोत्सव साजरा करण्यात आला. रामदास स्वामी मठातून सर्मथांच्या पादुका व कुबडी पहाटे पाचला काळाराम मंदिरात दर्शनासाठी नेण्यात आल्या. त्यासाठी पालखी सोहळा झाला. सकाळी पाच ते आठ या वेळेत धार्मिक कार्यक्रम झाले. विश्वस्त मंडळाचे अध्यक्ष एन. के. ब्रह्मे सुधीर शिरवाडकर, ज्योतिराव खैरनार, प्रकाश पवार, विजया माहेश्वरी यांच्यासह मान्यवरांची उपस्थिती होती. मंगळवारपासून सायंकाळी व्याख्यानमालेला सुरुवात झाली. ती ११ एप्रिलपर्यंत सुरू राहणार आहे.
--
विष्णूनगर गजबजले
सिन्नर फाटा येथील विष्णूनगरमधील हनुमान मंदिरात दुपारी बारा वाजता श्री रामजन्मोत्सव साजरा झाला. याप्रसंगी उपस्थित भाविकांनी टाळ-मृदंगांच्या गजरात केलेल्या रामनामाच्या गजराने संपूर्ण परिसर गजबजून गेला. तरुण महाराष्ट्र मित्र मंडळातर्फे आतषबाजी करण्यात आली. महिलांची उपस्थिती लक्षणीय होती. भाविकांना प्रसादाचे वाटप करण्यात आले. दिलीप पवार, संदीप गायकवाड, विलास चव्हाण, अर्जुन दवते, नितीन वराडे, संजय घुले, अशोक वराडे, किशोर चव्हाण आदींनी संयोजन केले.
चेहेडी पंपिंग स्टेशन
येथील हनुमान मंदिरात सकाळी भजन झाले. स्थानिक भाविकांनी या वेळी गर्दी केली होती. दुपारी बारा वाजता श्री रामजन्मोत्सव साजरा झाला. याप्रसंगी उपस्थित भाविकांना प्रसादाचे वाटप करण्यात आले. चेहेडी गावातील मुख्य मंदिरातही भजनाचे आयोजन केले गेले.
---
सिडकोनगरी दुमदुमली
सिडको ः सियावर रामचंद्र की जयच्या जयघोषात सकाळपासूनच सिडको व इंदिरानगर परिसर गजबजला होता. परिसरातील सर्वच मंदिरांत भाविकांचा उत्साह दिसून आला. सर्वच मंदिरांची फुले व रोषणाईद्वारे सजावट करण्यात आली होती. अनेक ठिकाणी सामाजिक संस्थांनी प्रसादवाटप केले.
उत्तमनगरला महापूजा
उत्तमनगर येथील श्रीराम मंदिरात श्रीराम मंदिर ट्रस्टच्या वतीने प्रभू श्रीराम जन्मोत्सव सोहळ्याचे आयोजन करण्यात आले आहे. सकाळी पुजारी नंदकिशोर उपासनी व अविनाश उपासनी यांनी पौराहित्य करीत महाअभिषेक, महापूजा केली. हभप गजेंद्र महाराज राजपूत यांचे हरिकीर्तन झाले. दुपारी आमदार सीमा हिरे, नगरसेवक राजेंद्र महाले, मुकेश शहाणे, दीपक दातीर, डी. जी. सूर्यवंशी, श्यामकुमार साबळे, नगरसेविका प्रतिभा पवार, छाया देवांग, रत्नमाला राणे, कल्पना पांडे, डॉ. मंजूषा दराडे, गोविंद घुगे, संजय भामरे, डॉ. संदीप मंडलेचा आदींसह मान्यवरांच्या उपस्थितीत महाआरती करण्यात आली. यावेळी मंदिर ट्रस्टच्या वतीने ३१ फूट भव्य कळसाची उभारणी केली जात असल्याचे सांगण्यात आले.
शिवाजी चौकात अभिषेक
येथील राम मंदिरात श्रीराम जन्मोत्सवानिमित्त दर वर्षीप्रमाणे यंदाही विविध कार्यक्रमांचे आयोजन करण्यात आले होते. सकाळी श्रीरामाला अभिषेक घालण्यात येऊन महापूजा करण्यात आली. भाविकांच्या हस्ते पाळणा हलवून श्रीरामाचा जन्मोत्सव साजरा करण्यात आला. दिवसभर मंदिरात भाविकांची दर्शनासाठी गर्दी झाल्याचे दिसून आले.
रायगड चौकात महाआरती
येथील श्रीराम मित्रमंडळातर्फे अभिषेक व महापूजा करण्यात आली. नगरसेवक सुधाकर बडगुजर, हर्षा बडगुजर, श्याम साबळे यांच्या हस्ते श्रीरामाची महाआरती करण्यात आली. त्यानंतर भाविकांना महाप्रसादाचे वाटप करण्यात आले. यावेळी भजनाच्या कार्यक्रमाचे आयोजन करण्यात आले होते. हरिभाऊ आढाव, दिलीप ठाकूर, अंबादास संधान, त्र्यंबक उशीर, गोविंद शिंपी, प्रकाश माळी, सुनील खैरनार, लक्ष्मण गोसावी, सोपन राणे, चिंधू ठाकरे, नानासाहेब निकम, शिवाजी निकम, गोपीनाथ सोनवणे यांच्यासह परिसरातील भाविक उपस्थित होते.
राजीवनगरला लघुरुद्राभिषेक
येथे नाशिक सोशल ग्रुपच्या वतीने श्रीराम जन्मोत्सव साजरा करण्यात आला. दर वर्षीप्रमाणे यंदाही श्रीरामाच्या मूर्तीला लघुरुद्राभिषेक करण्यात आला. दिवसभर या ठिकाणी भाविकांना महाप्रसादाचे वाटप सुरू होते. कार्यक्रम यशस्वीतेसाठी निकेत भोसले, सुरज वराडे, अजिंक्य वडनेरे, मनीष व्यास, किरण नागरे यांच्यासह सदस्य प्रयत्नशील होते.
चेतनानगरला मिरवणूक
चेतनानगर येथील श्रीराम मंदिरात श्रीराम जन्मोत्सवानिमित्त सप्ताहाचे आयोजन करण्यात आले होते. मंदिर परिसरात हभप उदयकुमार गंधे महाराज यांची श्रीराम जीवनगाथा या विषयावर प्रवचनमाला झाली. मंगळवारी सकाळी दहा ते बारा या वेळात प्रवचन झाले. सकाळी श्रीरामाची परिसरातून मिरवणूक काढण्यात आली. दुपारी बारा वाजता मंदिर आवारात श्री रामजन्मोत्सव साजरा करण्यात आला. त्यानंतर दुपारी महाप्रसादाचे वाटप करण्यात आले. हभप तुकाराम महाराज ढोमसे यांचे काल्याचे प्रवचनही यावेळी झाले. नगरसेविका पुष्पा आव्हाड, संगीता जाधव, भगवान दोंदे, सुदाम ढेमसे, सतीश सोनवणे, सुप्रिया खोडे, श्याम बडोदे, दीपाली कुलकर्णी व अर्चना जाधव यांची उपस्थितीत होती.
विनयनगरला पालखी
विनयनगर येथे दशरथनंदन बहुउद्देशीय संस्थेतर्फे रामजन्मोत्सव साजरा करण्यात आला. सकाळी रामाला अभिषेक करून महापूजा करण्यात आली. दुपारी बारा वाजता परिसरातील नागरिकांच्या उपस्थितीत पाळणा हलवून रामजन्मोत्सव करण्यात आला. सायंकाळी मंदिरापासून ढोल-ताशांच्या गजरात श्रीरामाची पालखी काढण्यात आली. महिलांनी पालखी मार्गावर रांगोळ्या काढल्या होत्या. संस्थेच्या अध्यक्षा पूनम खन्ना, उपाध्यक्ष श्रीधर बागुल, सचिव दिलीप चव्हाण यांच्यासह पंढरीनाथ अमृतकर, अरुण पटेल, इंदुमती अमृतकर, सुमन वाकडे आदींसह मंडळाचे पदाधिकारी व सदस्यांनी यशस्वीतेसाठी प्रयत्न केले.
--
सातपूरला हरिनाम सप्ताह
सातपूर ः शिवाजीनगर येथील ध्रुवनगर भागात श्रीराम नवमीनिमित्त हरिनाम सप्ताहाचे आयोजन करण्यात आले आहे. हनुमान मंदिरात अमोल पाटील यांच्या हस्ते वीणापूजन करून सप्ताहाला सुरुवात करण्यात आली. हभप भास्कर महाराज पानसरे यांच्या वाणीचा लाभ भाविकांनी घेतला. हनुमान मित्रमंडळाचे मोहन शिंदे, सतीश साखरे, विजय पुंड, बाळासाहेब चव्हाणके, संदीप मगर आदी यशस्वीतेसाठी प्रयत्नशील आहेत.
मोबाइल अॅप डाउनलोड करा आणि राहा अपडेट
